Hoseya 7:7 - The Holy Bible In Alur (Lur) Revised Orthography

⁷ Gin ceke gi lieth calu kendo, man gicamu jupoklembe migi; ubimo migi ceke podho: moko mbe m’i kindgi m’ulwong’a.

Hoseya 7:7 ပူးပေါင်းရင်းမြစ်များ

1 Ubimo 15:28

En e i rundi mir adege pa Asa m’ubimo mi Yuda ma Baca nege i ie, man ecamu ker kakare.

1 Ubimo 16:18

Man etimbre, kinde ma Zimri neno nia gimaku adhura, nia emondo i ot ma tek mi ot p’ubimo, man ecwinyo ot p’ubimo i wie ku mac, e etho,

1 Ubimo 16:22

Ento dhanu m’ulubo Omri givoyo dhanu m’ulubo Tibni ma wod Ginath: kum kumeno Tibni tho, man Omri camu ker.

2 Ubimo 10:14

Man ewacu kumae, Wumakgi ma kwo. E gimakugi ma kwo, man ginegogi dhu vur mi ot nyaru yukrombe, en e dhanu pier ang’wen wi ario; kadok kindgi moko de eweko ngo.

2 Ubimo 10:7

Man etimbre, kinde ma waragane bino i bang’gi, nia gimaku wot ubimo, man ginegogi, en e dhanu pier abiro, man giketho wigi i katoko, e giorogi i bang’e i Yezrel.

2 Ubimo 15:10

Man Calum ma wod Yabec uporo lembe i kume, e egoye i wang’ dhanu, man enege, ecamu ker de kakare.

2 Ubimo 15:14

Man Menahem ma wod Gadi idho malu ku ba Tirza, man ebino Samaria, e egoyo Calum ma wod Yabec i Samaria, enege de, man ecamu ker kakare.

2 Ubimo 15:25

Man Peka ma wod Remalia, ma jego pare, uporo lembe i kume, man egoye i Samaria, i ot ma tek m’i ot p’ubimo, gikud Argob man Arie; e dhanu pier abic mi Jugileadi gini kude: e enege, man ecamu ker kakare.

2 Ubimo 15:30

Man Hocea ma wod Ela giporo lembe kum Peka ma wod Remalia, e egoye, enege de, man ecamu ker kakare i rundi pier arionde pa Yotham ma wod Uzia.

2 Ubimo 9:24

Man Yehu dwanyu atum pare ku tegone ceke, man ekilo Yoram i kind bote; man athero tuc wi adundene, e epodho piny i magali pare.

2 Ubimo 9:33

E ewacu kumae, Bole piny. Kum kumeno gibole piny; e rimbe moko kire wi gang’kidi, man kum riuni: e enyone the tielo.

Kitabu Pa Yob 36:13

Ento ju ma ayi Mungu mbe i adundegi gikanu ng’ecwiny: Giywagu kony ungo kinde m’etwiogi.

Zaburi 14:4

Jutim kier ceke ng’eyong’ec umbe kugi, M’ucamu dhanu para calu gicamu kwen, Man gilwong’o Yehova ngo?

Isaya 43:22

Ento ilwong’a ngo, E Yakobo; ento iol ni kuma, E Israel.

Isaya 64:4

Kum ugambre con dhanu winjo ngo, kadi ging’eyo ku ith de ngo, kadok wang’ de neno Mungu mange ngo m’umedi, ma timo ni ng’atu m’ukure.

Isaya 64:6

Kum kawa ceke wadoko calu ng’atu m’ucido, man bedopwe mwa ceke calu kendi m’ucido: e kawa ceke waner calu ith uboko; man kier mwa, calu yamu, uterowa cen.

Isaya 64:7

E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

Isaya 9:13

Ento fodi dhanu lokre ngo ba ng’atu m’ugoyogi, kadi Yehova mir udul de giyenyo ngo.

Ezekiel 22:30

Man ayenyo dhanu i kindgi, ma bigomo gang’kidi, ma bicungo i ka m’urwombre de i wang’a pi ng’ombe, kara kud anyothe; ento anwang’u moko ngo.

Daniel 9:13

Calu egore i cik pa Musa, lembe ma rac maeni ceke ubino i kumwa: ento wakwayu ngisi ba Yehova Mungu mwa ngo, kara walokra kud i kier mwa, man wabed ku ng’eyong’ec i lemandha peri.

Hoseya 13:10

Ubimo peri ni kani kawono, kara ebodhi i adhura peri ceke? man jupoklembe peri, m’iwacu pigi kumae, Mi ira ubimo ku judongomawijo?

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.

Hoseya 7:10

Man kuhaya mir Israel utuco i wang’e: ento gidwogo ba Yehova Mungu migi ngo, kadi giyenye de ngo, kum gin maeni ceke.

Hoseya 7:14

Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira.

Hoseya 8:4

Giting’o ubimo malu, ento ku lembe para ngo: giketho judongomawijo, man ang’eyo ngo: gitimo mungu m’araga ku mola ma tar man mola ma kwar migi, kara jukabgi woko.

Mika 2:1

Can wi ju m’uketho cwinygi kum kier man m’utimo dubo wi kavuto migi mire! kinde ma piny uru, gitime, kum eni i tego mi cing’gi.