Hoseya 7:16 - The Holy Bible In Alur (Lur) Revised Orthography

¹⁶ Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.

Hoseya 7:16 ပူးပေါင်းရင်းမြစ်များ

Zaburi 12:3

Yehova bithumo dendhok ceke mir abombi woko, Leb ma yero lembe ma dit;

Zaburi 12:4

Ma giwacu kumae, Wabisagu ku lebwa; Dendhogwa en e mwa giwa: ng’a ma rwoth i wiwa?

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 17:10

Gitwio adundegi: Giyero kuhaya ku dhoggi.

Zaburi 52:2

Lebi pido pi dubo kende, Calu riedi ma bith, m’ubetimo kud abombi.

Zaburi 57:4

Ng’eyong’ec para ni i kind umvor; Avuto i kind ju ma jucwinyo ku mac, En e wot dhanu, ma lakgi tong’ kud athero, Man lebgi palamularu ma bith.

Zaburi 73:9

Giketho dhoggi i polo, Man lebgi wotho kud i ng’om.

Zaburi 78:37

Kum adundegi bedo atira ngo ire. Kadi kum lembariba pare de gibedo mandha ngo.

Zaburi 78:57

Ento gilokri, man gitimo awondi calu kwarugi; Gilokri cen calu atum ma rac.

Isaya 3:8

Kum Yerusalem unyothre, man Yuda podho; kum lebgi ku giratima migi en e kum Yehova, kara unyai ng’ecwiny i wang’ dwong’ pare.

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Yeremia 3:10

Man kadok maeni ceke bedo nuti Yuda ma nyamin ma jabombi dwogo i bang’a ngo ku cwinye ceke, ento kud abombi, Yehova wacu.

Yeremia 42:18

Kum Yehova mir udul, Mungu mir Israel, uwacu kumae: Calu ng’ecwiny para ku kwinyo para konjre woko wi ju m’ubedo i Yerusalem, e kwinyo para bikonjre woko i kumwu kumeca, kinde ma wubimondo i Misiri; e wubibedo ni lam, man ni wang’uic, man ni kwong’, man ni cac; e wubineno kakeni kendo ngo.

Ezekiel 23:32

Rwoth Yehova wacu kumae: Ibimadhu kum kikombe pa nyameru, ma en e thuth man lac; jubing’ieri hai man jubicei; ma sagu ma jucopo bedo ko.

Ezekiel 36:20

Man kinde ma gibino ba thek, ka ma gicidho i ie, gicido nyinga ma leng’; kum dhanu wacu pigi kumae, Maeni dhanu pa Yehova, man giwok woko kud i ng’om pare.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Hoseya 11:5

Gibidwogo ngo i ng’om Misiri; ento Jaascuri bibedo ubimo migi, kum gikwero dwogo i bang’a.

Hoseya 11:7

E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

Hoseya 6:4

E Efraim abitimi nedi? E Yuda, abitimi nedi? kum bero peri en e calu afuru mi kugweno, man calu thoi ma oi pir kugweno.

Hoseya 7:13

Can i wigi! kum giweka; nyoth i wigi! kum gidubo ira: kadok ayenyo awargi, ento giyero ndra i kuma.

Hoseya 9:3

Gibibedo i ng’om pa Yehova ngo; ento Efraim bidok i Misiri, man gibicamu cemo m’ucido i Ascur.

Hoseya 9:4

Gibikonjo lam mi pigulok ungo ni Yehova, kadok mutoro de binyai i ie ngo ni kumgi: lam migi bibedo igi calu kwen mi juywak; dhanu ceke m’ucamu kume gibicido; kum kwen migi bibedo ni kec migi; ebimondo i ot pa Yehova ngo.

Hoseya 9:6

Kum, nen, giai woko ku ba nyoth; ento Misiri bicokogi, Memfis biyikogi; piny migi ma ber mi mola ma tar, ayilayila bimwonyogi; ukudho bibedo i hema migi.

Malaki 3:13

Lembe mu bedo tek i kuma, Yehova wacu. Ento wuwacu kumae, Wayero ang’o i kumi?

Malaki 3:14

Wuwacu kumae, Timo ni Mungu en e mananu; man kuloka ang’o iwa ma wakuro kur pare, ma nia wawoth ku can i wang’ Yehova mir uduli?

Matayo 12:36

Man awacu iwu, nia ku ba lembe ceke ma kite mbe ma dhanu biyero gibitito pire ceng’ pokolembe.

Luka 8:13

Ju ma wi cana ke, gi ju ma ka giwinjo, gijolo lembe ku mutoro; maeni de ulaggi mbe kugi, ma giyio mi nindo ma nyanok, i nindo mir abidhe de gikier.

Yakobo 3:5

Kumeno leb bende en e wathkum ma nyanok, man elulo gin ma dit. Ei nen, thwo yen ma rokeno ngi jucwinyo ku nyathi mac ma rokeni!

2 Petro 2:8

(kum ng’atu maeni ma pwe m’ebedo i kindgi, i neno ku winjo de, esendo ng’eyong’ec pare ma pwe ceng’ ku ceng’ ku tic migi ma cik uyio ngo):

Lembanyutha 13:5

man jumio ire dhok ma yero gin ma dit ku lembacidi; jumio ng’ol de ire m’etim ko tic pare dwi pier ang’wen wi ario.