Hoseya 7:11 - The Holy Bible In Alur (Lur) Revised Orthography

¹¹ Man Efraim calu akuru ma kite mbe, ma ng’eyothelembe mbe kude: gilwong’o Misiri, gicidho bang’ Ascur.

Hoseya 7:11 ပူးပေါင်းရင်းမြစ်များ

2 Ubimo 15:19

Pul m’ubimo mir Ascur ubino kum ng’ombe; man Menahem umio talanto mi mola ma tar rubanga acel ni Pul, kara cinge bed kude m’uketh ker udok tek i cinge.

2 Ubimo 16:7

Kum kumeno Ahaz uoro jukwenda ba Tiglat-pileser m’ubimo mir Ascur, ewacu kumae, An a jatic peri man wodi: idh malu, man ibodha kud i cing ubimo mi Cami, man kud i cing ubimo mir Israel, m’ujai ira.

Lembrieko 15:32

Ng’atu ma kwero ponji cayu ng’eyong’ec pare gire; Ento ng’atu ma winjo juk nwang’u ng’eyothelembe.

Lembrieko 17:16

Nedi welpiny ni i cing’ jakasegu m’eng’ieu ko rieko; Ma nwang’u ng’eyothelembe pare mbe?

Lembrieko 6:32

Ng’atu m’udubo dhaku nwang’u ng’eyothelembe mbe kude: Ng’atu m’utimo nwang’u enyotho ng’eyong’ec pare gire.

Yeremia 2:18

Kawono ibedo kud ang’o m’ibitimo i yo mi Misiri, kara imadh pi mi Nili? kadi ibedo kud ang’o m’ibitimo i yo mir Ascur kara imadh pi mi Kulo?

Yeremia 2:36

Iwotho kun ku kun kumeni nedi kara ilok yo peri? lewic binegi kum Misiri bende, calu lewic unegi kum Ascur.

Hoseya 11:11

Gibibino ma kumgi miel calu winyo ku i Misiri, man calu akuru kud i ng’om Ascur; man abiketho gibedo i udi migi, Yehova wacu.

Hoseya 12:1

Efraim ukakre ku yamu, man elubo tok yamu ma yo nyangu: emedo ndra ku nyoth thiri thiri; man gitimo lembariba kud Ascur, man gitero mo i Misiri.

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 14:3

Ascur bibodhowa ngo; wabiwotho ku wi riuni ngo; kadok ni tic mi cingwa de wabiwacu kendo ngo kumae, Wun wu mungu mwa; kum kic ginwang’u kisa i beng’i.

Hoseya 4:11

Asara ku pigulok ku pigulok ma nyasa kabu ng’eyothelembe.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Hoseya 5:13

Kinde ma Efraim uneno tho pare, man Yuda neno lero pare, Efraim ulund ucidho i Ascur, man eoro kwenda bang’ ubimo Yareb: ento ecopo keyo kumwu ngo, kadok lero mu de ebicangu ngo.

Hoseya 5:4

Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Hoseya 9:3

Gibibedo i ng’om pa Yehova ngo; ento Efraim bidok i Misiri, man gibicamu cemo m’ucido i Ascur.

Hoseya 9:6

Kum, nen, giai woko ku ba nyoth; ento Misiri bicokogi, Memfis biyikogi; piny migi ma ber mi mola ma tar, ayilayila bimwonyogi; ukudho bibedo i hema migi.

Obadia 1:7

Dhanu ceke mi lembariba peri gikeli i yo peri, cil i kieu: dhanu ma cwinywu kwio wukugi gibombi, man gisegi; ju m’ucamu kwen peri giketho uwic i theri: ng’eyothelembe mbe i ie.

Matayo 10:16

Nen, aorowu calu rombe i kind urudi: ka kumeno wubed riu pami thwol, wubed ming’ de pamir akuru.