Hoseya 7:1 - The Holy Bible In Alur (Lur) Revised Orthography

¹ Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko.

Hoseya 7:1 ပူးပေါင်းရင်းမြစ်များ

Isaya 28:1

Can ni jamkermiwic mi kuhaya mi ju m’umer ku kong’o mir Efraim, man ni thiuboko m’uner mi bero pare mi dwong’, man ni wi wie mi poga ma mio mi ju ma pigulok uvoyogi mire ma!

Isaya 59:12

Kum gondri mwa gimedri i weng’i man dubo mwa tuco wiwa; kum gondri mwa ni karacelo kudwa, man kier mwa, wang’eyogi;

Isaya 59:13

ma wabegondra man wabekwero Yehova, ku lokri cen ku lubo Mungu mwa, ma wabeyero pi masendi ku jai, ma wabeporo man wabeweco lemndra kud i cwiny.

Isaya 59:14

E pokolembe lokre cen i ng’ec, man bedopwe cungo bor cen; kum lemandha podho i gengi, man lem m’atira copo mondo ngo.

Yeremia 51:9

Kuno di wacangu Babeli, ento ecangre ngo: wuweke, man wek wacidh kubang’wa kubang’wa ng’atuman i ng’om thugi ma dhe; kum lembapoka pare tundo kum polo, man juting’e malu cil kum afuru.

Ezekiel 16:46

Man nyameru ma jadit en e Samaria, m’ubedo yo ku cingi ma yor acam, en ku nyige; man nyameru ma nok, m’ubedo yo ku cingi ma yor acwic, en e Sodom ku nyige.

Ezekiel 23:4

Man nying’gi en e Ohola ma jadit, man Oholiba ma nyamin mire: e gidoko para, man ginyolo nyithindho ma co ku nyithindho ma nyir. Man pi nying’gi, Samaria en e Ohola, man Yerusalem en e Oholiba.

Ezekiel 24:13

Tarwang’ ni i cilo peri: kum adwoki leng’ e idoko leng’ ungo, jubidwoki leng’ kendo ngo ni cilo peri, cil m’aketho ko kwinyo para yom yor i beng’i.

Hoseya 10:5

Ju m’ubedo Samaria ndiri binegogi pi nyithi dhiang’ mi Beth-aven; kum dhanune biywage, man julamne ma anyong’a negogi pire, kum dwong’ne, kum eweke.

Hoseya 11:12

Efraim utieka ku lemndra, man ot mir Israel kud abombi; ento Yuda fodi ubimo karacelo ku Mungu, man ebedo mandha karacelo ku Ng’atu Maleng’.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Hoseya 12:1

Efraim ukakre ku yamu, man elubo tok yamu ma yo nyangu: emedo ndra ku nyoth thiri thiri; man gitimo lembariba kud Ascur, man gitero mo i Misiri.

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 4:17

Efraim umoko kum mungu m’araga; weke e kende.

Hoseya 4:2

Gin moko mbe ndhu kwong’ ma kadhukuwilembe, ku negonek, man kwalukwo, ku dubriswa; gimojo rop, man rimo mulo rimo.

Hoseya 5:1

Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Hoseya 6:4

E Efraim abitimi nedi? E Yuda, abitimi nedi? kum bero peri en e calu afuru mi kugweno, man calu thoi ma oi pir kugweno.

Hoseya 7:13

Can i wigi! kum giweka; nyoth i wigi! kum gidubo ira: kadok ayenyo awargi, ento giyero ndra i kuma.

Hoseya 8:5

Ebayu nyathi dhiang’ peri woko, E Samaria; ng’ecwiny para opo i kumgi; ebibedo rokani ma fodi gikutundo ngo kum bedo ma leng’i?

Hoseya 8:9

Kum giidho malu bang’ Ascur, calu kana m’i thim e kende gire: Efraim ulonyo jumer.

Amos 3:10

Kum ging’eyo timo ber ungo, Yehova wacu, gi ju ma gikanu rop kud ayeki i udi mi ker migi.

Amos 3:9

Wurwei lembe i udi mi ker mi Acdod, man i udi mi ker mi ng’om Misiri, man wuwac kumae, Wucokru giwu wi gudi mi Samaria, man wunen maram yakni bedo ko dit i ie, man maram masendi bedo ko i kinde.

Amos 8:14

Ju ma kwong’o kwong’ ku dubo mi Samaria, man giwacu kumae, Calu mungu peri bedo kwo, E Dan, man, Calu yo mi Ber-ceba bedo kwo; gibipodho, e gibiai kendo ngo.

Mika 6:16

Kum cik pa Omri juworo, ku tic ceke mi ot pa Ahab, man wuwotho i lembapora migi; kara adwoki ni nyoth, man ju ma gibedo i iene ni cac; e wubiyeyo cac mi dhanu para.

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Luka 19:42

ewacu kumae, E, tinuni tek nwang’u ing’eyo gin ma mi kwiocwiny peri! ento kawono gimungri i weng’i.