Hoseya 6:3 - The Holy Bible In Alur (Lur) Revised Orthography

³ E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Hoseya 6:3 ပူးပေါင်းရင်းမြစ်များ

2 Samwil 23:4

Ebibedo calu der mi nyangu, kinde ma ceng’ uwok, Nyangu m’umbe afuru, Kinde ma lum ma yom uloth kud i ng’om, Ni kum rienyne ma yo ng’ei koth.

Kitabu Pa Yob 29:23

Man gikura calu pi koth; Man ging’amu dhoggi lac calu ni koth a cen.

Zaburi 19:4

Thondhgi cidho i ng’om ngung’, Man lembe migi cidho i tung’ ng’om. Eketho hema mi ceng’i igi,

Zaburi 19:6

Kawok pare gambre i tung’ polo, Man yo pare tundo kum gunde mucelo; Man gin moko mbe m’upondo ni liethone.

Zaburi 63:8

Ng’eyong’ec para lubo toki pir: Cingi ma yor acwic ujenga.

Zaburi 65:9

Iliewo ng’om, man ikwoyo wie pi, Idwoke mio hai; Kulo pa Mungu pong’ ku pi: Iketho cam uwok igi, kinde m’iyiko ng’om kumeni.

Zaburi 72:6

Ebiloro piny calu koth wi lum ma junyaru, Calu koth ma cwi wi ng’om.

Lembrieko 4:18

Ento yo mi ju ma pwe calu der mi rupiny, Ma cikusagre asaga ku rieny cil kum ceng’ ma cu.

Isaya 2:3

Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Isaya 32:15

cil ma jubikonjo ko Tipo m’uai malu i wiwa, man langa udok ni podho ma cek hai, man podho ma cek hai jubiwacu ya luli.

Isaya 44:3

Kum abikonjo pi wi ng’atu ma rieu nege, man kulo wi ng’om m’uthwo; abikonjo Tipona wi kodhini, man mugisa para wi nyikwei:

Isaya 5:6

e abidwoke ni uvuru; jubilwere ngo kadi afura de ngo; ento ucok kud ukudho bitwi: abing’olo ni afuru bende kara ku gikonj koth moko i wie.

Isaya 54:13

Man Yehova biponjo nyithindho peri ceke; man kwiocwiny mi nyithindho peri bibedo dit.

Yeremia 24:7

Man abimio igi adunde mi ng’eyo an, nia an a Yehova: man gibibedo dhanu para, man abibedo Mungu migi; kum gibidwogo i bang’a kud adundegi ceke.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Hoseya 10:12

Wucoi iwu giwu i bedopwe, wukai calku kisa; wufur ng’om mu ma wuweko; kum en e nindo ma juyenyo ie Yehova, maram ebino ko ekonjo bedopwe de i wiwu.

Hoseya 14:5

Abibedo calu thoi ni Israel; ebithiwo calu kura, man ebimeyo ulage calu Lebanon.

Hoseya 14:6

Jange bilak, man berone bibedo calu yendulam, man ng’wice calu Lebanon.

Hoseya 2:20

Abigemi ira cil i bedo mandha; man ibing’eyo Yehova.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Mika 5:2

Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.

Mika 5:7

Man dong’ Yakobo bibedo i kind kodhif dhanu dupa calu thoi m’uai ba Yehova, calu koth wi lum, ma galu ngo ni dhanu, kadi kuro wot dhanu de ngo.

Zekaria 10:1

Wupenj koth ba Yehova i nindo mi koth ma cen, cil ba. Yehova m’utimo lukoth; man ebimio igi cori mi koth, ku ba dhanu nzu ng’atu man lum ma numu i podho.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Luka 1:78

Kum kisa ma ng’ic pa Mungu mwa, Ni kum maeni rupiny m’uai malu biliewowa,

Yohana 17:3

E kwo ma rondo ku rondone e eni, nia ging’ei in m’i Mungu mandha i kendi, ku ng’atu m’ioro, ma Yesu Kristu.

Yohana 7:17

Tek ng’atu moko yenyo etim yeny ma ie yenyo, ebing’eyo pi ponjine, tek en e pa Mungu, kadi ayero gira.

Tic Mi Jukwenda 17:11

Nie joni gi riek ma sagu ju ma Tesaloniki kum gijolo lembene ku pidoigi ma yot, giyenyo i lembagora pa Mungu ku ba rupiny ku ba rupiny, tek gin maeni en e andha.

Poi Mi Cik 32:2

Lemponji para bicwir calu koth; Wec para biton calu thoi, Calu ng’idho koth wi arusi, Man calu koth ma core vur wi uboko.

Juebrania 3:14

kum wan wadoko jugam waku Kristugi, tek wamaku thek ma genogen mwa thekre ko ki cil i kajikne:

2 Petro 1:19

Man wabedo ku lembila ma judwoko tek ma sagu; ka kumeno wutimo dre kum wuketho cwinywu kum lembene, calu ni thala m’uberieny i ka ma col, rama piny ru ko, man cerojobi wok i adundewu:

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.