Hoseya 5:6 - The Holy Bible In Alur (Lur) Revised Orthography

⁶ Gibicidho kud udul rombe migi man dhok migi niyenyo Yehova; ento gibinwang’e ngo: ekoc kugi.

Hoseya 5:6 ပူးပေါင်းရင်းမြစ်များ

Ai 10:9

E Musa wacu kumae, Wabicidho ku nyithindho mwa man judongo mwa; ku wotwa man ku nyigwa, kud udul rombe mwa man kud udul lim mwa; kum wabikokwiro agba ni Yehova be.

Lembrieko 1:28

Gibilund lwong’a, ento abiyi ngo; Gibiyenya kud amora, ento gibinwang’a ngo.

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Lembrieko 21:27

Lam mi judubo en e ginmajudagu; Ma sagu dit, kan ekele ku pidoic mi dubo!

Wer Pa Suleman 5:6

Ayabu ni jamerna; Ento jamerna eoro cen, e ecidho. Ng’eyong’ec para wok kinde m’eyero: Ayenye, ento anwang’e ngo; Alwong’e, ento eloko ira lembe ngo.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Yeremia 11:11

Ka kumeno Yehova wacu kumae, Nen, abikelo lem ma rac i wigi, ma gibicopo both i ie ngo; e gibiywak i bang’a, ento abiwinjogi ngo.

Yeremia 11:14

Ka kumeno kud irwo pi dhanu maeni, kadi kud iting’ ywak kadi rwo pigi; kum abiwinjogi ngo i nindo ma giywak i bang’a kum can migi.

Yeremia 14:12

Kinde ma gikwiro cam, abiwinjo ywak migi ngo; man kinde ma githiero lam m’awang’a ku lam mi mogo, abijologi ngo; ento abidarugi ku palamularu, man ku ndru, man ku thong’om.

Yeremia 7:4

Kud wugen lembe mi ndra, ma wuwac ko kumae, Maeni gi hekalu pa Yehova, hekalu pa Yehova, hekalu pa Yehova.

Ywak 3:44

Iumbri kud afuru, kara rwo kud ukadhi.

Ezekiel 8:18

Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.

Ezekiel 8:6

Man ewacu ira kumae, Wod dhanu, ineno gin ma gitimo? en e ginmajudagu ma dit ma ot mir Israel utimo keni, kara acidh bor cen ku kamaleng’ para? Ento fodi ibineno ginmajudagu ma dit mange kendo.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Amos 8:12

E gibiwotho gambre ba nam cil kum nam, man gambre yor ariwa ma malu cil yo nyangu; gibiringo kun ku kun kara giyeny lembe pa Yehova, e gibinwang’e ngo.

Mika 3:4

Gibilund ywak ba Yehova, ento ebiloko igi lembe ngo; eyo, ebipanu wang’e igi i nindo maeca, calu ma gitimo rac i giratima migi.

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Luka 5:16

Ento eai ecidho ka ma ngele, man erwo.

Yohana 7:34

Wubiyenya, ere wubinwang’a ngo: e ka ma ani i ie, wucopo bino ngo.