Hoseya 5:1 - The Holy Bible In Alur (Lur) Revised Orthography

¹ Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Hoseya 5:1 ပူးပေါင်းရင်းမြစ်များ

Yeremia 11:7

Kum anyutho lembe dit ni kwaruwu i ceng’ m’awodhogi ie woko kud i ng’om Misiri, cil i ceng’ ma tin, m’aai pir man anyutho, awacu kumae, Wuwor dwanda.

Yeremia 13:18

Wac ni ubirao ku min ubimo kumae, Wujwigri giwu, wubed piny kum giiatwia mu m’i wic ugonjie, en e jamkermiwic mi dwong’ mu.

Yeremia 46:18

Ubimo, ma nyinge Yehova mir udul, uwacu kumae, Calu abedo kwo, andha calu Tabor i kind gudi, man calu Karmel dhu nam, ebibino kumeca.

Hoseya 10:15

Beth-el bitimo kumeca i kumwu kum dubo mu ma dit: ka piny uru jubikabu ubimo mir Israel pet.

Hoseya 13:8

abirombo kugi calu wai ma jumayu nyithindhe, man abiyeco bor mir adundegi; e abicamugi kuca calu min umvor; yedi m’i thim biyecogi.

Hoseya 4:1

Wuwinj lembe pa Yehova, wu nyithindho mir Israel; kum Yehova bedo ku piem ku dhanu m’i ng’om, kum lemandha mbe i ng’om, kadi bero, kadi ng’eyong’ec pa Mungu.

Hoseya 6:9

Man calu njuru weg ayeki kanu adhi ni dhanu, e kumeno njuru julam unego nek i yo ma yor i Cekem; eyo, gitimo gondri.

Hoseya 9:8

Efraim en e jakur karacelo ku Mungu para: pi jabila, uwic pa jamak winyo ni i yo pare ceke, man adegi i ot pa Mungu pare.

Yoel 1:2

Wuwinj maeni, wu dhanu m’uti, man wucik ithwu, wun ceke ma wubedo i ng’om. Maeni bedo i nindo mu, kadi i nindo pa kwaruwu?

Amos 3:1

Wuwinj lembe maeni ma Yehova yero i kumwu, E nyithindho mir Israel, kum juot dho m’awodhowu woko kud i Misiri, ewacu kumae,

Amos 7:9

man ka ma malu pa Isak bibedo ni uvuru, man jubidwoko kamaleng’ mir Israel ni uvuru; e abiai kum ot pa Yeroboam ku palamularu.

Mika 3:1

Man awacu kumae, Wuwinji, akwayuwu, wu juwic pa Yakobo, man jubim mi ot mir Israel: en e iwu ngo nia wung’ei pokolembe?

Mika 3:9

Wuwinj maeni, akwayuwu, wu juwic mi ot pa Yakobo, man jubim mi ot mir Israel, ma wudagu pokolembe, man ma wuroco lem m’atira ceke.

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Malaki 1:6

Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Malaki 2:1

Man kawono, E wu julam, lembang’ola maeni en e piwu.

Jupoklembe 4:12

E giyero ni Sisera nia Barak ma wod Abinoam uidho got Tabor.

Jupoklembe 4:6

Man eoro elwong’o Barak ma wod Abinoam kud i Kedec-naftali, man ewacu ire kumae, Yehova, Mungu mir Israel ung’olo ngo, ewacu kumae, Cidh icor ceng’ni got Tabor, man igam dhanu rubanga apar i kind nyithindho pa Naftali man mi nyithindho pa Zebulun wuci wukugi?

1 Samwil 7:16

Man ecidho ku ba rundi ku ba rundi elworo ko Beth-el, man Gilgal, ku Mizpa, man epoko lembe mir Israel i ka maeno ceke.

1 Samwil 7:5

Man Samwil uwacu kumae, Wucok Israel ceke i Mizpa, e abirwo piwu ba Yehova.

1 Samwil 7:6

Man gicokri karacelo i Mizpa, e gitwomo pi, man gikonje woko i wang’ Yehova, e giweko cam i ceng’ maeca, man giwacu kumae keca, Wadubo ni Yehova. Man Samwil upoko lembe mi nyithindho mir Israel i Mizpa.