Hoseya 4:9 - The Holy Bible In Alur (Lur) Revised Orthography

⁹ Man ebibedo, nia calu dhanu bedo, jalam bibedo kumeca; man abisendogi kum yo migi, man abiculo igi wang’ tic migi.

Hoseya 4:9 ပူးပေါင်းရင်းမြစ်များ

Lembrieko 11:31

Nen, jubiculo wang’ lembe ni ng’atu ma pwe i ng’om; Jubiculo wang’ lembe pa ng’atu ma rac ku jadubo ma sagu dit!

Lembrieko 12:14

Cwiny dhanu bikwio ku bero ni kum nying’ mi dhoge; Man giratima mi cing’ dhanu jubiculo ire.

Lembrieko 5:22

Kier pare gire bimaku jadubo, Man jubimake ku uno mi dubo pare.

Isaya 24:2

Man ebibedo, calu ku dhanu, e ku jalam de kumeca; calu ku jatic, e ku rwodhe de kumeca; calu ku bong’, e ku mege pagi de kumeca; calu ku jang’ieu piny, e ku jalok piny de kumeca; calu ku jami banja, e ku jagam banja de kumeca; calu ku jagam mukwatu, e ku jami mukwatu, ire de kumeca.

Isaya 3:10

Wuwac pi won bedopwe, nia lembe bibedo ber ire: kum gibicamu nying’ giratima migi.

Yeremia 5:31

jubila giewo ku ndra, man julam ubimo ni kum piny migi; e dhanu para gimaru ebed kumeno: e wubitimo ang’o i kajikne?

Ezekiel 44:10

Ento Julawi m’ucidho bor i kuma, kinde ma Israel ukier, m’ukier i kuma tok mungu m’araga migi, gibiyeyo kier migi.

Ezekiel 44:12

Kum gitimo igi i wang’ mungu m’araga migi, man gidoko ni cudho mi kier ni ot mir Israel; ka kumeno ating’o cinga i kumgi, Rwoth Yehova wacu, man gibiyeyo kier migi.

Hoseya 1:4

Man Yehova wacu ire kumae, Lwong’ nyinge Yezrel; kum fodi nyanok, man abiculo rimb Yezrel kum ot pa Yehu, man abijigo ker mir Israel.

Hoseya 10:10

Kinde m’ayenyo, abiponjogi; man kodhidhanu bicokri i wigi, kinde ma gibedo atwia kum gondri migi ario.

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 12:3

Emaku ufunytiend umin kud i ic; e i awobi pare ebedo ku tego ku Mungu;

Hoseya 7:2

E igi pido ngo yo i adundegi nia apoi kum dubo migi ceke: kawono tic migi gigi tiekogi gbur; gini i nyim wang’a.

Hoseya 8:13

Pi girathiera mi lam para, gilamu ring’o man gicame; ento Yehova jologi ngo: kawono ebipoi kum dubo migi, man ebiliewo dubo migi; gibidwogo i Misiri.

Hoseya 9:15

Dubo migi ceke ni i Gilgal; kum adagugi keca: kum dubo mi tic migi abiriemogi woko kud i ot para; abimarugi kendo ngo; judongomawijo migi ceke gi juco.

Hoseya 9:9

Ginyothri gigi hai, calu i ceng’ mi Gibeya: ebipoi kum dubo migi, ebiliewo dubo migi.

Zekaria 1:6

Ento lembe para ku cik para, m’ang’olo ni jutic para ma jubila, ginwang’u kwaruwu ngo? man gilokri giwacu kumae, Calu i Yehova mir udul upido ya etim iwa, calku yo mwa, man calku giratima mwa, e etimo kumeca i bang’wa.

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.