Hoseya 4:6 - The Holy Bible In Alur (Lur) Revised Orthography

⁶ Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Hoseya 4:6 ပူးပေါင်းရင်းမြစ်များ

2 Lemkei 15:3

Nie Israel ubedo mbe Mungu mandha mi nindo ma dit, man umbe jalam ma japonji, man umbe cik:

Kitabu Pa Yob 36:12

Ento tek giwinjo ngo, gibinyothri ku palamularu, E gibitho ma ng’eyong’ec umbe kugi.

Zaburi 119:139

Ngiri para kaba woko, Kum jusend para wigi wil kum lembe peri.

Zaburi 119:153

Par pi masendi para, man ibodha; Kum wia wil ungo kum cik peri,

Zaburi 119:61

Thol mi judubo udhoka; Ento wia wil kum cik peri ngo.

Zaburi 18:27

Kum ibibodho ju ma jusendogi; Ento wang’ mi kuhaya ibijwigo.

Lembrieko 10:21

Dendhu ju ma pwe mio cemo ni dhanu dupa; Ento ju ma kitgi mbe tho kum ng’eyothelembe m’umbe.

Lembrieko 19:2

Man, yeny ma ng’eyong’ec umbe kude ber ungo; Man ng’atu ma timo pio ku tiende dubo.

Isaya 1:3

Koni dhiang’ ung’eyo won, man kana ng’eyo dero pa won; ento Israel ung’eyo ngo, dhanu para pido lembe ngo.

Isaya 17:10

Kum wii wil kum Mungu mi both peri, man ii pido ngo pi cana mi tego peri; ka kumeno ipidho girapidha ma ber, man ikethe karacelo ku jange ma tung’.

Isaya 27:11

Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Isaya 29:12

e jumio kitabune ni ng’atu ma sang’na, juwacu kumae, Som maeni, akwei; e ewacu kumae, Juponja ngo.

Isaya 3:12

Dhanu para, nyithindho gi jusend migi, man mon ubimo wigi. E dhanu para, ju m’utelo wii giketho ikier, man ginyotho yo mi woth peri.

Isaya 45:20

Wucokru giwu man wubin; wucor ceng’ni karacelo, wun ma wuboth i kind thek: ng’eyong’ec migi mbe gi ju ma giyeyo yen mir ayi gin m’acwia migi m’ang’ika, ma girwo de ni mungu ma copo bodho ngo.

Isaya 5:13

Ka kumeno dhanu para gicrdho i ng’eca kum ng’eyong’ec m’umbe; man dhanu migi mi yung givoc ku kec, man udul migi gisendri ku rieu.

Yeremia 2:8

Julam upenjo ngo kumae, Yehova ni kaai? e ju ma timo cik de ging’eya ngo: jubim bende gidubo ira, man jubila giewo ni kum Bal, man gilubo tok gin ma kulokane mbe.

Yeremia 4:22

Kum dhanu para gi jukusegu, ging’eya ngo; gi nyithindho ma wigi tek, ng’eyothelembe mbe kugi; gi riek mi timo rac, ento ng’eyong’ec mi timo ber umbe kugi.

Yeremia 5:21

Kawono wuwinj maeni, E wu dhanu ma jukusegu, man ma ng’eyong’ec umbe kudu; ma wubedo ku wang’, e wuneno ngo; ma wubedo ku ith, e wuwinjo ngo:

Ezekiel 44:23

Man gibiponjo dhanu para maram gin ma leng’ ku gin ma sai tung’ ko, man gibiketho ging’io kind gin m’ucido ku gin ma leng’.

Hoseya 13:6

Calku kwac migi, e giyeng’ kumeca; giyeng’, man adundegi tingre: ka kumeno wigi wil i kuma.

Hoseya 2:13

Man abiliewo ceng’ pa Balim i wie, m’ewang’u udok ma ng’wice ng’ar ire, kinde m’erukre gire ku gwilo pare m’i ith man jambruko pare, man ecidho tok jumer pare, man wie wil i kuma, Yehova wacu.

Hoseya 4:1

Wuwinj lembe pa Yehova, wu nyithindho mir Israel; kum Yehova bedo ku piem ku dhanu m’i ng’om, kum lemandha mbe i ng’om, kadi bero, kadi ng’eyong’ec pa Mungu.

Hoseya 4:12

Dhanu para gipenjo lembapora ba dundyen migi, man uluth migi yero igi; kum tipo mir asara ketho gikier, e gitimo tarwang’, ma giai ko ku the cing’ Mungu migi.

Hoseya 4:14

Abisendo nyigwu ngo kinde ma gitimo asara, kadi mugole mu kinde ma gidubri swa; kum co gigi gicidho cen ku weg tarwang’, man gilamu lam karacelo ku weg asara; e jubing’ielo dhanu ma ng’eyothelembe mbe kugi.

Hoseya 5:4

Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo.

Hoseya 6:6

Kum ayenyo bero, lam ungo; man ng’eyong’ec pa Mungu ma sagu lam m’awang’a.

Hoseya 7:11

Man Efraim calu akuru ma kite mbe, ma ng’eyothelembe mbe kude: gilwong’o Misiri, gicidho bang’ Ascur.

Hoseya 7:9

Juwirok gicamu tego pare, man eng’eye ngo; eyo, lwar unen i kume kun ku kun, e eng’eye ngo.

Hoseya 8:1

Keth agwara i dhogi. Calu acur ebino kum ot pa Yehova, kum gituro lembariba para, man gidubo kum cik para.

Hoseya 8:12

Agoro ire gin mi cik para rubanga apar; ento jukwanugi calu gin mi juwirok.

Hoseya 8:14

Kum Israel wie wil kum Jacwicne, man egomo udi ma dwong’; man Yuda medo adhura ma tek; ento abioro mac wi adhura pare, man ebiwang’u udi ma tekne.

Hoseya 9:17

Mungu para bibayugi woko, kum giciko ithgi i bang’e ngo; e gibibedo juwoth i kind thek.

Matayo 1:6

Yese ke nyolo Daudi m’ubimo. Daudi ke nyolo Suleman kor dhaku ma yang’ p’Uria;

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

Matayo 15:8

Dhanu maeni giyunga ku dendhoggi; Ento adundegi tung’ i kuma.

1 Samwil 2:12

Nie wot Eli gi dhanu ma rac; ging’eyo Yehova ngo.