Hoseya 4:5 - The Holy Bible In Alur (Lur) Revised Orthography

⁵ Man ibikier ku dieceng’, man jabila bende bikier karacelo kudi ku diewor; man abinyotho meru.

Hoseya 4:5 ပူးပေါင်းရင်းမြစ်များ

Isaya 50:1

Yehova wacu kumae, Waraga mi riem pa meru ni kani, m’arieme kudo? kadi ang’iewowuba jami banja para ma kani? Nen, jung’iewowu kum kier mu, man juriemo meru kum gondri mu.

Yeremia 15:8

Mon migi ma coggi tho ginyai ira ma sagu kwio m’i nam; akelo janyoth i wigi kum meg awobi i dieceng’; aketho ndiba ku ndiri podho i wie pio.

Yeremia 23:9

Pi jubila: adundena tur yor i ia, cogona ceke yengre; an a calu ng’atu ma mer ku kong’o, man calu ng’atu ma pigulok usage, kum Yehova, man kum lembe pare ma leng’.

Yeremia 50:12

jubinyayu lewic apila wi megwu; cwiny ng’atu m’unyolowu bing’abre: nen, ebidong’ cen ni thek, ebibedo ni langa, ni ng’om m’uthwo, man ni ng’om ngele.

Ezekiel 14:3

Wod dhanu, dhanu maeni giketho mungu m’araga migi i adundegi, man giketho ginmaredhojo mi kier migi i wang’gi: maku gipenj lembe moko i bang’a?

Hoseya 2:2

Wuii ku megwu, wuii; kum en e dhaku para ngo, kadok an de an a cware ngo; man wek ecor asara pare cen kud i wang’e, man dubri swa pare ku kind thuno pare;

Hoseya 2:5

kum meggi timo asara, en m’egamu ic migi etimo ku lewic; kum ewacu kumae, Abicidho tok jumer para, m’umio ira kwen para ku pi para, yukrombe para man atutu para, mo para ku giramadha para.

Hoseya 5:5

E kuhaya mir Israel utuco i wang’e: ka kumeno Israel kud Efraim bikier i dubo migi; Yuda bende bikier gikugi.

Zekaria 11:8

Man athumo jukwac adek woko i dwi acel; kum ng’eyong’ec para ol kugi, man ng’eyong’ec migi daga bende.

Zekaria 13:2

Man ebitimbre i ceng’ maeca, Yehova mir udul uwacu, nia abithumo nying’ mungu m’araga woko kud i ng’om e jubipoi pigi kendo ngo; man abiwodho jubila ku tipo m’ucido bende woko kud i ng’om.

Jugalatia 4:26

Ento Yerusalem ma malu bedo agonya, ma en e megwa.