Hoseya 4:12 - The Holy Bible In Alur (Lur) Revised Orthography

¹² Dhanu para gipenjo lembapora ba dundyen migi, man uluth migi yero igi; kum tipo mir asara ketho gikier, e gitimo tarwang’, ma giai ko ku the cing’ Mungu migi.

Hoseya 4:12 ပူးပေါင်းရင်းမြစ်များ

2 Ubimo 17:7

Man ebedo kumeno, kum nyithindho mir Israel udubo ni Yehova Mungu migi, m’ukelogi malu kud i ng’om Misiri ku the cing’ Farao m’ubimo mi Misiri, man gilworo mungu mange,

2 Lemkei 21:13

ento iwotho i yo mir ubimo mir Israel, man iketho Yuda ku ju m’ubedo i Yerusalem utim tarwang’, calu ot pa Ahab utimo, man inego utumeru mi ot pa wuru bende, ma gi ber ma sagu in giri:

Zaburi 106:39

Kumeno gicido ku tic migi, Man gitimo tarwang’ i giratima migi.

Zaburi 73:27

Kum, nen, ju ma gini bor kudi gibinyothri: Inyotho dhanu ceke m’utimo tarwang’, ma giweki.

Yeremia 10:8

Ento gi calu lim man kitgi mbe karacelo: ponji mir ayi gin m’acwia! en e dundyen kende.

Yeremia 2:27

m’uwacu ni dundyen kumae, In i vwa; man ni kidi kumae, Inyola: kum giloko ng’eigi ira, wang’gi re ngo; ento i nindo mi can migi gibiwacu kumae, Ai, man ibodhwa.

Yeremia 23:13

Man aneno kasegu i jubila mi Samaria; giewo lembe ni kum Bal, e giroco dhanu para mir Israel,

Ezekiel 20:32

man gin m’ubino i pidoiwu bitimbre ki ngo, ma nia wuwacu kumae, Wabibedo calu thek calu wat m’i ng’om, kara watim ni yen man kidi.

Ezekiel 21:21

Kum ubimo mi Babeli cungo i akarayo, i wi yo ario, kara etim ng’eyolembe: eyenyo athero kun ku kun, epenjo ayi gin m’acwia, eneno i cwiny ma ring’kum.

Hoseya 14:3

Ascur bibodhowa ngo; wabiwotho ku wi riuni ngo; kadok ni tic mi cingwa de wabiwacu kendo ngo kumae, Wun wu mungu mwa; kum kic ginwang’u kisa i beng’i.

Hoseya 5:4

Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo.

Hoseya 6:10

Aneno gin ma rac i ot mir Israel: asara nen keca i Efraim, e Israel ucido.

Hoseya 9:1

Anyong’a kud unegi, E Israel, ni mutoro, calu kodhidhanu; kum itimo tarwang’, m’iweko ko Mungu peri; imaru sukulia wi lelacam kubang’e kubang’e.

Lembe Mi Julawi 17:7

E gibilamu lam migi kendo ngo ni nyogi diegi, ma gicidho nitimo kudo tarwang’. Maeni bibedo ni cik mi nja igi cil kum dhanum’utuk migi ceke.

Lembe Mi Julawi 20:5

abilund ketho wang’a kum ng’atuca, man kum juode, man abikabe woko, ku dhanu ceke m’utimo tarwang’ i toke, kara utim tarwang’ ku Molek, i kind juthugi.

Mika 2:11

Tek dhanu m’ubewotho i tipo mi ndra cwayu ndra, ewacu kumae, Abiewo iri pi pigulok man pi giramadha ma lake tek; ebibedo jabila mi dhanu maeni.

Habakuk 2:19

Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de.

Kitabu Mir Ang’wende Pa Musa Wel 15:39

man ebibedo iwu ni thondhruko, kara wunen i wie, man wupoi kum lembang’ola ceke pa Yehova, man wutimgi: man kara kud wulub tok adundewu giwu man weng’wu giwu, calu ma naka wutimo ko asara;

Poi Mi Cik 31:16

E Yehova wacu ni Musa kumae, Nen, ibinindo ku kwaru: e dhanu maeni biai, man gibitimo tarwang’ tok mungu ma juwirok mi ng’om ka ma gicidho i ie kara gibed i kindgi, man gibiweka, e gibituro lembariba para m’atimo kugi.

Jupoklembe 18:5

Man giwacu ire kumae, Wapenji, penj lembapora ba Mungu iwa, kara wang’ei tek yo mwa ma wawotho i ie bibedo miero.