Hoseya 4:1 - The Holy Bible In Alur (Lur) Revised Orthography

¹ Wuwinj lembe pa Yehova, wu nyithindho mir Israel; kum Yehova bedo ku piem ku dhanu m’i ng’om, kum lemandha mbe i ng’om, kadi bero, kadi ng’eyong’ec pa Mungu.

Hoseya 4:1 ပူးပေါင်းရင်းမြစ်များ

1 Ubimo 22:19

Man Mikaya wacu kumae, Ka kumeno winj lembe pa Yehova: Aneno Yehova bedo wi komker pare, man udul m’i polo ceke gicungo i ng’ete yo ku cinge ma yor acwic ku ma yor acam de.

Zaburi 81:9

Mungu ma jawirok bibedo ii ngo; Kadok mungu ma jawirok de ibirwo ire ngo.

Isaya 1:10

Wuwinj lembe pa Yehova, wu jubim mi Sodoma; wucik ithwu kum cik pa Mungu mwa, wu dhanu mi Gomora.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 28:14

Kum kumeno wuwinj lembe pa Yehova, wu jucac, m’ubimo dhanu maeni ma ni i Yerusalem:

Isaya 34:1

Wubin ceng’ni, wu thek, kara wuwinji; man wuwinji, wu kodhidhanu: wek ng’om uwinji, kupong’ne; ng’om, ku gin ceke m’uai i bang’e.

Isaya 34:8

Kum ceng’ mi culokwor pa Yehova nuti, man rundi mi cul kum lembe mi Sayuni.

Isaya 5:3

E kawono, e ju m’ubedo i Yerusalem man dhanu mi Yuda, akwayuwu, wupok lembe i kindwa waku podho mir ulok para.

Isaya 59:4

Ng’atu moko mbe ma kelo lembe i titi i bedopwe, man ng’atu moko mbe ma piemo lembe i lemandha, gigeno gin ma ie nanu, man giyero lemndra; gigamu ic mi lem ma rac, man ginyolo kier.

Isaya 59:8

Yo mi kwiocwiny ging’eyo ngo; man pokolembe mbe i woth migi: gitimo igi yo m’ugondre; ng’atu ma tek uwotho i ie ng’eyo kwiocwiny ungo.

Isaya 66:5

Winj lembe pa Yehova, wun ma kumwu miel kum lembe pare: Utumegwu m’udaguwu, m’ubayuwu ni kum nyinga, giwacu kumae, Wek juyung Yehova, kara wanen mutoro mu; ento en e gin e ma jubinyayu lewic i wigi.

Yeremia 11:7

Kum anyutho lembe dit ni kwaruwu i ceng’ m’awodhogi ie woko kud i ng’om Misiri, cil i ceng’ ma tin, m’aai pir man anyutho, awacu kumae, Wuwor dwanda.

Yeremia 19:3

man iwac kumae, Wuwinj lembe pa Yehova, E ju m’ubimo mi Yuda, man ju m’ubedo i Yerusalem: Yehova mir udul, Mungu mir Israel, uwacu kumae, Nen, abikelo lem ma rac wi kakeni, man ng’atu ma tek uwinjo, ithe biwoi.

Yeremia 2:4

Wuwini lembe pa Yehova, E ot pa Yakobo, ku wat ceke mi ot mir Israel:

Yeremia 2:9

Kum kumeno abikoii kudu, Yehova wacu, man abikoii ku nyithindho mi nyithindho mu.

Yeremia 25:31

Badwal bibino cil i kajik mi ng’om; kum Yehova bedo ku piem ku thek; ebimondo i pokolembe ku weg kum ceke: pi judubo, ebimiogi ni palamularu, Yehova wacu.

Yeremia 34:4

Ento winj lembe pa Yehova, E Zedekia m’ubimo mi Yuda: Yehova wacu kumae piri, Ibitho ku palamularu ngo;

Yeremia 4:22

Kum dhanu para gi jukusegu, ging’eya ngo; gi nyithindho ma wigi tek, ng’eyothelembe mbe kugi; gi riek mi timo rac, ento ng’eyong’ec mi timo ber umbe kugi.

Yeremia 4:28

Pi maeni ng’om biywak, man polo ma malu bibedo col; kum ayero maeni, akeco maeni, e aloko cwinya ngo, kadi abilokra cen de ngo ni maeni.

Yeremia 5:4

Alund awacu kumae, Andha maeni gi jucan; gi jukusegu; kum ging’eyo yo pa Yehova ngo, kadi cik pa Mungu migi:

Yeremia 51:5

Kum Israel uwekre ngo, kadi Yuda, ni Mungu pare, ni Yehova mir udul; kadok ng’om migi pong’ ku dubo kum Ng’atu Maleng’ mir Israel.

Yeremia 6:13

Kum ugambre kum ma nok m’i kindgi cil kum ma dit m’i kindgi kubang’gi kubang’gi ng’atuman uketho cwinye hai kum piny; man ugambre kum jabila cil kum jalam ku ba dhanu ku ba dhanu ng’atuman timo ku ndra.

Yeremia 7:28

E ibiwacu igi kumae, Maeni thek m’uwinjo dwand Yehova Mungu migi ngo, kadi m’ujolo ponji de ngo: lemandha nyothre, man ekabre woko kud i dhoggi.

Yeremia 9:20

Ento wuwinj lembe pa Yehova, E wu mon, man wuwek ithwu jol lembe m’i dhoge; man wuponj nyigwu ku goyo nduru, man ku ba dhanu ku ba dhanu ng’atuman uponj wadi ku wejawu.

Yeremia 9:3

Man gigomo lebgi, calu en e atum migi, mi yero ndra; e gidoko tek i ng’om, ento mi lemandha ngo: kum gicikucidho ugambre kum lem ma rac utundo kum lem ma rac, e ging’eya ngo, Yehova wacu.

Yeremia 9:7

Ka kumeno Yehova mir udul uwacu kumae, Nen, abilenyogi, man abiponjogi; kum acopo timo tung’ nenedi, kum nya dhanu para?

Ezekiel 16:35

Kum kumeno, E won asara, winj lembe pa Yehova:

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 12:3

Emaku ufunytiend umin kud i ic; e i awobi pare ebedo ku tego ku Mungu;

Hoseya 5:1

Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Hoseya 5:4

Giratima migi yio igi ngo nia gilokri ba Mungu migi; kum tipo mir asara ni yor i igi, man ging’eyo Yehova ngo.

Yoel 1:2

Wuwinj maeni, wu dhanu m’uti, man wucik ithwu, wun ceke ma wubedo i ng’om. Maeni bedo i nindo mu, kadi i nindo pa kwaruwu?

Amos 3:1

Wuwinj lembe maeni ma Yehova yero i kumwu, E nyithindho mir Israel, kum juot dho m’awodhowu woko kud i Misiri, ewacu kumae,

Amos 7:16

Ka kumeno kawono winj lembe pa Yehova: Iwacu kumae, Kud ieu kum Israel, man kud iketh lembe peri podh kum ot pa Isak;

Mika 6:2

Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel.

Yohana 8:55

man wung’eye ngo: ento ang’eye; man tek awacu ya ang’eye ngo, abibedo jandra calu wun: ento ang’eye, man aworo lem pare.

Jurumi 1:28

Man cil calu gikwero bedo ku Mungu i ng’eyong’ec migi, Mungu kuriogi ni pidoic ma rac, ma gitimo ko gin ma maku ku jutim;

1 Jukorinto 15:34

Dong’ wuceu ni bedonger pwe de, man kud wudubi; kum jumoko ng’eyong’ec pa Mungu mbe kugi: ayero eni kara lewic unegwu.

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:29

Ng’atu ma ithe nuti, dong’ ewinj gin ma Tipo yero ni kanisa.