Hoseya 3:5 - The Holy Bible In Alur (Lur) Revised Orthography

⁵ yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Hoseya 3:5 ပူးပေါင်းရင်းမြစ်များ

1 Ubimo 12:16

E kinde ma Israel ceke neno nia ubimo winjo dwandgi ngo, e dhanu loko lembe ni ubimo, giwacu kumae, Makapiny mwa ang’o ma ni ba Daudi? kadok aba de ma nia wabed ko ba wod Yese: ba hema mu, E Israel: dong’ icung kum ot peri giri, Daudi. Kum kumeno Israel udck ba hema migi.

Isaya 17:7

I ceng’ maeca dhanu bineno ba Jacwic migi, wang’gi de bineno ba Ng’atu Maleng’ mir Israel.

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 2:3

Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Isaya 60:5

Ibilund neno man ibirieny, e adundeni bimiel man ebidoko dit; kum dit mi nam bilokre i beng’i, lonyo mi thek bibino i beng’i.

Isaya 9:13

Ento fodi dhanu lokre ngo ba ng’atu m’ugoyogi, kadi Yehova mir udul de giyenyo ngo.

Yeremia 23:5

Nen, nindo bino, Yehova wacu, nia abiting’o Jang ma pwe ni Daudi, man ebicamu ker calu ubimo man ebitimo ku rieko, e ebitimo pokolembe ku bedopwe i ng’om.

Yeremia 30:24

Ng’ecwiny pa Yehova ma lake tek bidwogo ngo, maram etimo ko, man maram edaru ko lembakeca mir adundene: i nindo ma cen wubing’eyo maeni.

Yeremia 30:9

ento gibitimo ni Yehova Mungu migi, man ni Daudi m’ubimo migi, m’abiting’o malu igi.

Yeremia 33:17

Kum Yehova wacu kumae: Dhanu m’ujany wi komker mi ot mir Israel birem ni Daudi ki ngo;

Yeremia 33:9

E adhura maeni bibedo ira ni nying’ mi mutoro, ni pak man ni dwong’, i wang’ thek ceke m’i ng’om, ma biwinjo bero ceke m’atimo igi, man ma lworo binegogi, kumgi de bimiel kum bero ceke man kum kwiocwiny ceke m’aketho uwok ire.

Ezekiel 16:63

kara ipoi, man cwinyi ng’abre, man kara kud iyab dhogi kendo ki, kum lewic peri, kinde m’aweko iri gin ceke m’itimo, Rwoth Yehova wacu.

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 38:8

Yo ng’ei nindo dupa jubiliewi: i rundi ma cen ibibino i ng’om ma judwoko ku ba palamularu, ma jucoko ku kind kodhidhanu dupa, wi gudi mir Israel, ma bedo ni uvuru thiri thiri; ento juwodhe woko ku kind kodhidhanu, man gibibedo museme, kagi ceke.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Hoseya 1:11

Man nyithindho mi Yuda ku nyithindho mir Israel jubicokogi karacelo, e gibiketho igi wie acel, man gibiai kud i ng’om; kum ceng’ pa Yezrel bibedo dit.

Hoseya 11:10

Gibiwotho tok Yehova, ma birundo calu umvor; kum ebirundo, e nyithindho bibino ku yo reto ma kumgi miel.

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.

Hoseya 5:6

Gibicidho kud udul rombe migi man dhok migi niyenyo Yehova; ento gibinwang’e ngo: ekoc kugi.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Mika 4:1

Ento ebitimbre i ceng’ ma cen, nia got mi ot pa Yehova bicungo wi usimbru gudi, man ebidodre malu wi ungulu gudi; man kodhidhanu bicori i ie.

Kitabu Mir Ang’wende Pa Musa Wel 24:14

Man kawono, nen, adok ba dhanu para: koibin, man abiewo iri gin ma dhanu maeni bitimo kum dhanu peri i ceng’ ma cen.

Jurumi 11:25

Kum ayenyo ngo, umego, ya wubed cobo ni giramung’a maeni, kara kud wubed riek i weng’wu giwu, nia ng’et nwang’cwiny upodho wi Israel, cil ma pong’ mi Thekdhanumange wok ko;

Jurumi 2:4

Kadi icayu lonyo mi bero pare ku twiocwiny pare man mwonyolembe pare m’emwonyo hai, m’ing’eyo ko ngo nia bero Mungu unyebi kum lokocwinyi?

Poi Mi Cik 4:30

Kinde m’ini i masendi, man gin maeni ceke wok i kumi, i ceng’ ma cen ibidwogo ba Yehova Mungu peri, e ibiwinjo dwande: