Hoseya 3:1 - The Holy Bible In Alur (Lur) Revised Orthography

¹ Man Yehova wacu ira kumae, Cidh kendo, mar dhaku ma jarimbe mare, m’e won dubri swa de, cil calu Yehova maru nyithindho mir Israel, kadok gilokri ba mungu mange, man gimaru kwen mi nyingulok m’uthwo.

Hoseya 3:1 ပူးပေါင်းရင်းမြစ်များ

2 Samwil 6:19

Man epoko kwen m’ang’ina, ku ring’o moko, ku kwend nyingulok m’uthwo, i kind dhanu ceke kubang’gi kubang’gi, i kind udul ceke mir Israel. Kum kumeno dhanu ceke giai ng’atuman ba ot pare man ba ot pare.

2 Ubimo 13:23

Ento Yehova nyutho bero igi, man ngisi nege i kumgi, man epido pigi, kum lembariba pare ma kud Ibrahim kud Isak, man Yakobo, man eyenyo ngo enyothogi, kadok abaya de fodi ebayugi kud i vute ngo.

I Lemkei 16:3

Man epoko ni dhanu mir Israel kubang’gi kubang’gi, ni co ku mon bende, kubang’gi kubang’gi kwen m’ang’ina, man ku ring’o moko, man kwend nyingulok m’uthwo.

Nehemia 9:31

Ento i udul kisa peri idarugi kpo ngo, kadi ikunogi de ngo; kum in i Mungu ma jabero ma jakisa de.

Zaburi 123:2

Nen, calu wang’ jutic neno ba cing’ jadit migi, Calu wang’ bong’ ba cing’ mege pagi; Wang’wa neno ba Yehova Mungu mwa kumeca, Cil m’ebedo ku kisa i kumwa.

Ai 32:6

E urwone giai malu pir kugweno, man githiero lam m’awang’a, man gikelo lam mi kwiocwiny; e dhanu bedo piny kara gicam man gimadhi, man giai malu kara gimiel.

Wer Pa Suleman 2:5

Wudwoka tek ku nyingulok m’uthwo, dwok cwinya kud ulam; Kum mer umaka ku kuma.

Isaya 45:22

Wunen bang’a, man wubothi, wu tung’ ng’om ceke; kum an a Mungu, man ng’atu mange mbe.

Yeremia 3:20

Andha calu dhaku ai kud abombi ba nico pare, e wutimo kud abombi ira kumeca, E ot mir Israel, Yehova wacu.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Hoseya 2:5

kum meggi timo asara, en m’egamu ic migi etimo ku lewic; kum ewacu kumae, Abicidho tok jumer para, m’umio ira kwen para ku pi para, yukrombe para man atutu para, mo para ku giramadha para.

Hoseya 4:11

Asara ku pigulok ku pigulok ma nyasa kabu ng’eyothelembe.

Hoseya 7:5

I nindo mir ubimo mwa judongomawijo ginyayu tho i kumgi gigi ku lietho pigulok: erieyo cinge ku jucac.

Amos 2:8

man givuto gigi piny i ng’et pemblam kubang’e kubang’e wi kendi ma gigamu ni mukwatu; man i ot pa Mungu migi gimadhu pigulok mi wadi ju ma juketho giculo.

Amos 6:6

ma gimadhu pigulok i tabu, ma giwiri gigi de ku mo m’usagu; ento can unegogi ngo kum masendi pa Yusuf.

Mika 7:7

Ento an, abineno ba Yehova; abikuro Mungu mi both para: Mungu para biwinja.

Zekaria 1:16

Ka kumeno Yehova wacu kumae: Adwogo Yerusalem ku kisa; ot para bigombre i ie, Yehova mir udul uwacu, man jubitelo thol wi Yerusalem.

Matayo 26:50

Yesu wacu ire kumae, Jarimo, tim gin m’ibino pire. E gilund gibino giketho cing’gi kum Yesu, e gimake.

1 Jukorinto 10:21

Wucopo madhu kikombe pa Rwoth, ku kikombe mi pajogi de ngo: wucopo ng’wenyo ngo wi par pa Rwoth, ku wi par mi pajogi de.

1 Jukorinto 10:7

Kadi kud wubed ju ma rwo ni ayi gin m’acwia, calu jumoko m’i kindgi; calu egore kumae, Dhanu gibedo piny nicamu nimadhu de, man giai malu nituko.

1 Petro 4:3

Kum nindo m’ukadhu romo mi timo yeny mi Thekdhanumange, man ku wotho i tarwang’, kud awanya ma rac, ku mer ku pigulok, ku cokri ma ku vul, ku cokri ma wi pigulok, ku lamu ayi gin m’acwia ma judagu:

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.

Jupoklembe 9:27

E gicidho woko i podho, man gicoko nyingulok migi, man gibio nyingulokne, e giketho ceng’ ma dit, man gimondo i ot pa mungu migi, e gicamu gimadhu de, man gilamu Abimelek.