Hoseya 2:7 - The Holy Bible In Alur (Lur) Revised Orthography

⁷ Man ebilubo tok ju m’umare, ento ebirubogi ngo; ebiyenyogi, ento ebinwang’ugi ngo: ebilund wacu kumae, Abicidho man abidok ba cwara ma kwong’a; kum naka e ber ira ma sagu kawono.

Hoseya 2:7 ပူးပေါင်းရင်းမြစ်များ

2 Lemkei 28:23

Kum elamu lam ni mungu mi Dameski, m’ugoye; man ewacu kumae, Kum mungu mir ubimo mi Cami konyogi, ka kumeno abilamu lam igi, kara gikonya. Ento gibedo mi nyoth ire, man pi Israel ceke.

Zaburi 116:7

Dwog ba yom peri, E ng’eyong’ec para; Kum Yehova timo ku laccinge i kumi.

Isaya 30:16

ento wuwacu kumae, Ungo, kum wabiringo ku wi riuni; ka kumeno wubiringo: man, Wabiringo wi jung’wec; ka kumeno ju m’uriemowu bibedo jung’wec.

Yeremia 14:22

Gin moko nuti i kind gin ma ie nanu mi thek ma copo konjo kothi? kadi polo copo mio koth ma core? in i en ungo, E Yehova Mungu mwa? ka kumeno wabikuri; kum itimo gin maeni ceke.

Yeremia 2:2

Cidhi, man ikok i ith Yerusalem, iwac kumae, Yehova wacu kumae, Apoi piri kum bero mir aradu peri, kum mer mi gambri peri; maram ilubo ko toka i langa, i ng’om ma jucoyo ngo.

Yeremia 2:28

Ento mungu peri m’itimo ire ni kani? wek giai, tek gicopo bodhi i nindo mi can peri; kum wel mungu peri calku wel mir adhura peri, E Yuda.

Yeremia 2:36

Iwotho kun ku kun kumeni nedi kara ilok yo peri? lewic binegi kum Misiri bende, calu lewic unegi kum Ascur.

Yeremia 3:1

Giwacu kumae, Tek ng’atu moko eoro dhaku pare cen, man eai i bang’e, edoko pa ng’atu mange de, ebidwogo ba dhakune kendo? ng’om maeno bicido dit ungo? Ento itimo tarwang’ ku jumer dupa; kadok kumeni dwog i bang’a asu, Yehova wacu.

Yeremia 31:18

Awinjo Efraim ubeywagre gire kumae andha, Iponja, e abedo ma juponja, calu nyathi dhiang’ m’ung’io ku mberembere ngo: loka, e abibedo ma juloka; kum in i Yehova Mungu para.

Yeremia 31:32

calku lembariba m’atimo ku kwarugi ngo i ceng’ m’agamugi ie ku cing’ kara awodhgi woko kud i ng’om Misiri; ma lembaribane gituro, kadok an a nico migi, Yehova wacu.

Yeremia 44:17

Ento wabitimo lembe ceke kubang’e kubang’e andha m’uai woko kud i dhogwa, mi wang’u udok ma ng’wice ng’ar ni dhaku m’ubimo m’i polo, man mi konjo lam m’amadha ire calu watimo, wan ku kwaruwa, ju m’ubimo mwa ku judongomawijo mwa, i adhura mi Yuda, man i gengi mi Yerusalem; kum i nindo maeca wabedo ku cemo m’uromo, man kumwa leng’, man waneno lem ma rac ungo.

Ezekiel 16:18

man igamu kendi peri m’aruka, iumogi de, man iketho mo para kud udok ma ng’wice ng’ar para i wang’gi.

Ezekiel 16:8

Nie kinde m’akadhu kud i beng’i, man aneno kumi, nen nindo peri en e nindo mi mer; man apedho dhu kendi para i kumi, e aumo muneru peri: eyo, akwong’o iri, man amondo i lembariba kudi, Rwoth Yehova wacu, man idoko para.

Ezekiel 20:32

man gin m’ubino i pidoiwu bitimbre ki ngo, ma nia wuwacu kumae, Wabibedo calu thek calu wat m’i ng’om, kara watim ni yen man kidi.

Ezekiel 23:12

Eketho cwinye kum Juascuri, gi jego ku jubim, ma gi judhugola pare, ma gironvo kendi ma ber hai, gi weg riuni ma gibewotho wi riuni, kagi ceke gin awobi ma jumaru.

Ezekiel 23:22

Ka kumeno, E Oholiba, Rwoth Yehova wacu kumae: Nen, abiting’o jumer peri i kumi, ma ng’eyong’ec peri koc kugi, man abikelogi i kumi kun ku kun:

Ezekiel 23:4

Man nying’gi en e Ohola ma jadit, man Oholiba ma nyamin mire: e gidoko para, man ginyolo nyithindho ma co ku nyithindho ma nyir. Man pi nying’gi, Samaria en e Ohola, man Yerusalem en e Oholiba.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Hoseya 1:2

Kinde ma Yehova lar uyero ni kum Hoseya, Yehova wacu ni Hoseya kumae, Cidhi, gam iri dhaku ma won asara ku nyithindho mir asara; kum ng’om utimo asara dit, ma giweko ko Yehova.

Hoseya 13:6

Calku kwac migi, e giyeng’ kumeca; giyeng’, man adundegi tingre: ka kumeno wigi wil i kuma.

Hoseya 14:1

E Israel, dwog ba Yehova Mungu peri; kum ipodho kum kier peri.

Hoseya 2:16

Man ebibedo i ceng’ maeca, Yehova wacu, nia ibilwong’a Ici, man ibilwong’a Balif kendo ngo.

Hoseya 5:13

Kinde ma Efraim uneno tho pare, man Yuda neno lero pare, Efraim ulund ucidho i Ascur, man eoro kwenda bang’ ubimo Yareb: ento ecopo keyo kumwu ngo, kadok lero mu de ebicangu ngo.

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.