Hoseya 2:3 - The Holy Bible In Alur (Lur) Revised Orthography

³ amaru wodho kendi pare, man akethe calu i ceng’ ma junyole i ie, man adwoke calu langa, man akethe calu ng’om m’uthwo, anege de ku rieupi.

Hoseya 2:3 ပူးပေါင်းရင်းမြစ်များ

Ai 17:3

E rieu pi nego dhanu keca; e dhanune ging’ur kum Musa, man giwacu kumae, Pirang’o iwodhowa ku i Misiri, kara inegwa ku nyithindho mwa ku lim mwa ku rieu pi?

Isaya 33:9

Ng’om uywak man evoc; lewic umaku Lebanon man ener woko; Caron calu ng’omngele; man Bacan ku Karmel giteng’o ithgi.

Isaya 47:3

Muneru peri jubiyabu, eyo, lewic peri binen: abiculo kwor, man abiweko ng’atu moko ngo.

Isaya 64:10

Adhura peri ma leng’ udoko ni langa, Sayuni doko ni langa, Yerusalem ni uvuru.

Yeremia 12:10

Jukwac dupa ginyotho podho mir ulok para, ginyono makapiny para the tielo, gidwoko makapiny para ma ber ni langa mir uvuru.

Yeremia 13:22

Man tek iwacu i adundeni kumae, Pirang’o gin maeni wok i kuma? kum dit mi kier peri dhu kendi peri bedo ayaba, man ufunytiendi nwang’u rop.

Yeremia 13:26

Ka kumeno an bende abiyabu dhu kendi peri i weng’i, man lewic peri binyuthre.

Yeremia 14:3

Man judongo migi oro nyithindhgi ba pi: gibino ba pi m’atong’a, man ginwang’u pi ngo; gidwogo kud agulu migi ma ie nanu; lewic umakugi man cwinygi ng’abre, man giumo wigi.

Yeremia 17:6

Kum ebibedo calu yen m’udinyo i ng’omngele, man ebineno ngo kinde ma gin ma ber uwok, ento ebibedo i ka m’utal i langa en e ng’om mi kadu ma jubedo i ie ngo.

Yeremia 2:31

E dhanum’utuk, wunen lembe pa Yehova. Abedo ni langa ni Israeli? kadi ni ng’om mi mudho ma bi? dhanu para wacu kumae pirang’o, Wagonjra; wabibino i beng’i kendo ngo?

Yeremia 2:6

Kadi giwacu kumae ngo, Yehova ni kani m’uwodhowa kud i ng’om Misiri, m’utelo wiwa kud i langa, kud i ng’omngele man mi vur, kud i ng’om mi ndru man mi tipo mi tho, kud i ng’om ma ng’atu moko kadhu kud i ie ngo, man ka ma ng’atu moko mbe m’ubedo i ie?

Yeremia 22:6

Kum Yehova wacu kumae, pi ot p’ubimo mi Yuda: In i Gilead ira, man wie mi Lebanon; ento abidwoki ni langa andha, man adhura ma jubedo i ie ngo.

Yeremia 4:26

Aneno, man, nen, podho ma cek hai en e langa, man adhurane ceke jurwombo piny i vut Yehova, man i wang’ ng’ecwiny pare ma lake tek.

Yeremia 51:43

Adhura pare doko ni uvuru, ni ng’om m’uthwo, man ng’om ngele, ng’om ma ng’atu moko mbe m’ubedo i ie, kadok wod dhanu moko de kadhu ngo kud i ng’ete.

Yeremia 51:5

Kum Israel uwekre ngo, kadi Yuda, ni Mungu pare, ni Yehova mir udul; kadok ng’om migi pong’ ku dubo kum Ng’atu Maleng’ mir Israel.

Ezekiel 16:22

Man i ginmajudagu peri ceke kud asara peri ipoi kum nindo mir aradu peri ngo, kinde m’ibedo muneru man mananu, man m’ibesendri i rimo peri.

Ezekiel 19:13

E kawono jupidhe i langa, i ng’om m’uthwo mi rieu de.

Hoseya 13:15

Kadok ebedo ma nyinge nuti i kind utumin, yamu ma yo nyangu bibino, en e lietho pa Yehova m’uai i langa; e kulo pare bidwono, man wi kulo pare bidwono: ebitimo ayeki kum piny m’akana mir agulu ceke ma jumaru.

Hoseya 2:10

Kawono abiyabu wi lewic pare i wang’ jumer pare, man ng’atu moko mbe ma bibodhe kud i cinga.

Lembanyutha 17:16

Man tung apar m’ineno, ku yedi, maeni bidagu dhaku ma won asara, man gibiweke lwe man muneru, man gibicamu ring’kume, man gibiwang’e pet ku mac.

Jupoklembe 15:18

Man rieu pi nege hai, man elwong’o Yehova, ewacu de kumae, Imio both maeni ma dit ku cing’ jatic peri; man kawono abitho ku rieu pi, man abipodho i cing’ ju ma yaa mbe i kumgi.