Hoseya 14:3 - The Holy Bible In Alur (Lur) Revised Orthography

³ Ascur bibodhowa ngo; wabiwotho ku wi riuni ngo; kadok ni tic mi cingwa de wabiwacu kendo ngo kumae, Wun wu mungu mwa; kum kic ginwang’u kisa i beng’i.

Hoseya 14:3 ပူးပေါင်းရင်းမြစ်များ

2 Lemkei 16:7

Man i nindo maeca Hanani ma jaeulembe ubino ba Asa m’ubimo mi Yuda, man ewacu ire kumae, Kum igeno ubimo mi Cami, man igeno Yehova Mungu peri ngo, ka kumeno udul mir ubimo mi Cami uboth kud i cingi.

Zaburi 10:14

Ineno maeni; kum ineno ndre ku lem ma ton ijo, kara ilwong’e ku cingi: Ng’atu ma ng’ic mire gire iri; Ibedo jakony kic.

Zaburi 146:3

Kud igen judongomawijo, Kadi wod dhanu, ma kony umbe bang’e.

Zaburi 146:9

Yehova gwoko umondo; Ejengo kic ku dhaku ma cware tho; Ento egondo yo pa jadubo.

Zaburi 33:17

Riuni en e gin mananu mi both; Kadok abodha de ebodho ng’atu moko ngo ku tego pare ma dit.

Zaburi 68:5

Mungu en e won kic, man japoklembe mi mon ma coggi tho, I kabedo pare ma leng’.

Isaya 1:29

Kum lewic binegogi kum bongu ma wuketho cwinywu i kume, man cwinywu bing’abre kum podho ma wufoyo.

Isaya 2:20

I ceng’ maeca dhanu bibayu mungu m’araga migi mi mola ma tar, man mungu m’araga migi mi mola ma kwar, ma jutimo kara girwo i bang’gi, ni vuyu man ni ulic;

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Isaya 30:16

ento wuwacu kumae, Ungo, kum wabiringo ku wi riuni; ka kumeno wubiringo: man, Wabiringo wi jung’wec; ka kumeno ju m’uriemowu bibedo jung’wec.

Isaya 30:2

m’utugo woth kara gilor i Misiri, ma gikupenjo i dhoga ngo; kara gidwokri tek i tego pa Farao, man kara giring gipond i tipopiny mi Misiri!

Isaya 31:1

Can wi ju m’uloro piny i Misiri pi kony, man m’ugeno riuni, m’ugeno magali de kum gi dupa, ku weg riuni kum gi tek hai, ento gineno ba Ng’atu Maleng’ mir Israel ungo, kadok Yehova de giyenyo ngo!

Isaya 31:3

Nie Jumisiri gi dhanu, Mungu re ngo; riuni migi de ring’kum tipo de ngo: man kinde ma Yehova birieyo cinge, e ng’atu m’ukonyo bikier, man ng’atu ma jubekonyo bipodho, e gin ceke gibinyothri karacelo.

Isaya 36:8

Ka kumeno kawono, akwei, mi mukwatu ni rwoth para m’ubimo mir Ascur, e abimio iri riuni rubanga ario, tek icopo ketho ju m’uidh i wigi bed nuti.

Yeremia 49:11

Wek nyithindho peri ma kic, abiweko gibedo kwo; man wek mon peri ma coggi tho gigena.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Ezekiel 37:23

kadi gibicidri gigi kendo ngo ku mungu m’araga migi, kadi ku gin migi ma judagu, kadi ku dubo migi moko; ento abibodhogi kud i kabedo migi ceke, ka ma gidubo i ie, man abidwokogi leng’: kum kumeno gibibedo dhanu para, man abibedo Mungu migi.

Hoseya 12:1

Efraim ukakre ku yamu, man elubo tok yamu ma yo nyangu: emedo ndra ku nyoth thiri thiri; man gitimo lembariba kud Ascur, man gitero mo i Misiri.

Hoseya 13:2

E kawono gidubo kendo kendo, man gitimo igi ayi gin m’acwia m’atwaga ku mola ma tar migi, en e mungu m’araga calku ng’eyothelembe migi gigi, kagi ceke gi tic mi jubodho: giwacu pigi kumae, Wek dhanu m’ulamu lam gicwi kum nyithi dhiang’.

Hoseya 14:8

Efraim biwacu kumae, Abibedo kud ang’o kendo ku mungu m’araga? Aloko lembe, man abinene: an a calu sipre ma numu; nyingi nwangre i bang’a.

Hoseya 2:17

Kum abikabu nying’ Balim woko kud i dhoge, man jubilwong’ogi kendo ngo ku nying’gi.

Hoseya 4:12

Dhanu para gipenjo lembapora ba dundyen migi, man uluth migi yero igi; kum tipo mir asara ketho gikier, e gitimo tarwang’, ma giai ko ku the cing’ Mungu migi.

Hoseya 5:13

Kinde ma Efraim uneno tho pare, man Yuda neno lero pare, Efraim ulund ucidho i Ascur, man eoro kwenda bang’ ubimo Yareb: ento ecopo keyo kumwu ngo, kadok lero mu de ebicangu ngo.

Hoseya 7:11

Man Efraim calu akuru ma kite mbe, ma ng’eyothelembe mbe kude: gilwong’o Misiri, gicidho bang’ Ascur.

Hoseya 8:6

Kum cil maeni ai bang’ Israel; jabodho time en, man en e Mungu ngo; eyo, nyathi dhiang’ mi Samaria jubituro nziki nziki.

Hoseya 8:9

Kum giidho malu bang’ Ascur, calu kana m’i thim e kende gire: Efraim ulonyo jumer.

Yona 2:10

E Yehova wacu ni rec, man eng’ogo Yona wi ng’om m’uthwo.

Zekaria 13:2

Man ebitimbre i ceng’ maeca, Yehova mir udul uwacu, nia abithumo nying’ mungu m’araga woko kud i ng’om e jubipoi pigi kendo ngo; man abiwodho jubila ku tipo m’ucido bende woko kud i ng’om.

Yohana 14:18

Abiwekowu rwa ngo: abino i beng’wu.

Poi Mi Cik 17:16

Ndhu riuni kud emed ire gire, kadi kud edwok dhanu i Misiri, kara eketh riuni dok dit; kum Yehova wacu iwu kumae, Ugambre kawono kud wudok kendo i yo maeno.