Hoseya 13:9 - The Holy Bible In Alur (Lur) Revised Orthography

⁹ En e nyoth peri, E Israel, nia ijai ira, ni jakony peri.

Hoseya 13:9 ပူးပေါင်းရင်းမြစ်များ

2 Lemkei 28:23

Kum elamu lam ni mungu mi Dameski, m’ugoye; man ewacu kumae, Kum mungu mir ubimo mi Cami konyogi, ka kumeno abilamu lam igi, kara gikonya. Ento gibedo mi nyoth ire, man pi Israel ceke.

Zaburi 146:5

Ng’atu m’ubedo ku Mungu pa Yakobo ni kony pare en e jamutoro, Ma genogen pare ni i Yehova Mungu pare:

Zaburi 33:20

Ng’eyong’ec mwa kuro Yehova: En e kony mwa man ban mwa.

Zaburi 46:1

Mungu en e kapondo mwa man tego mwa, Kony ma nuti andha i can.

Lembrieko 6:32

Ng’atu m’udubo dhaku nwang’u ng’eyothelembe mbe kude: Ng’atu m’utimo nwang’u enyotho ng’eyong’ec pare gire.

Lembrieko 8:36

Ento ng’atu m’udubo i kuma nwang’u etimo ng’eyong’ec pare gire rac: Dhanu ceke m’udaga gimaru tho.

Isaya 3:11

Can wi jadubo! lembe bibedo rac ire; kum gin ma cinge timo bicule ire.

Isaya 3:9

Nen ma gineno ko dhanu tung’ tung’ i wang’gi nyutho lembe i kumgi; man giewo dubo migi calu Sodoma, gipane ngo. Can wi ng’eyong’ec migi! kum gitimo rac i kumgi gigi.

Yeremia 2:17

Ilimo maeni iri giri ngo, kum iweko Yehova Mungu peri, kinde m’etelo wii i yo?

Yeremia 2:19

Dubo peri giri biponji, man corocen peri bijuki: ka kumeno ing’ei man inen nia en e gin ma rac man ma kec, nia iweko Yehova Mungu peri, man nia lworo para mbe i ii, Rwoth, Yehova mir udul, uwacu.

Yeremia 4:18

Yo peri ku giratima peri limo gin maeni iri: maeni dubo peri; kum en e kec, kum etundo kum adundeni.

Yeremia 5:25

Kier mu loko maeni cen, man dubo mu cero gin ma ber iwu.

Hoseya 13:4

Ento an a Yehova Mungu peri ugambre kud i ng’om Misiri; man kud ing’ei mungu moko ndhu an, man jalar moko mbe m’umedo an.

Hoseya 14:1

E Israel, dwog ba Yehova Mungu peri; kum ipodho kum kier peri.

Hoseya 7:14

Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira.

Hoseya 7:15

Kadok aponjogi man amio tego ni botgi, ento giporo lem ma rac i kuma.

Malaki 1:12

Ento wucide; kum wuwacu kumae, Mesa pa Yehova cido, ku nyingene de, cil cemo pare, en e mi cac.

Malaki 1:13

Wuwacu bende kumae, Nen, gin maeni olojo kumeni! man wucwaku umwu i kume, Yehova mir udul uwacu; man wukelo gin ma jugamu ku rop, ku gin m’abala mi tielo ni i kume, ku gin ma kume ju tho; wukelo girathiera kumeno: maku ajol maeni kud i cingwu? Yehova wacu.

Malaki 1:9

Man kawono, akwayuwu, wukwai ngisi pa Mungu, kara ebed ku bero i kumwa: gin maeni wok ni kumwu: ebijolo kind kumwu moko? Yehova mir udul uwacu.

Poi Mi Cik 33:26

Ng’atu moko mbe ma calu Mungu, E Yecurun, M’uwotho kud i polo ni kony peri, Man wi afuru i dwong’ pare.

Poi Mi Cik 33:29

In i jamugisa, E Israel: Ng’a ma calu in, ma dhanu ma Yehova bodho, Ban mi kony peri, Man palamularu mi dwong’ peri! Man judegini bijwigri iri; Man ibinyono ka ma malu migi.