Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.
E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!
man nia ng’ombe dho en e muganga, ku kadu, man girawang’a, nia jucoye ngo, kadi ecego nyinge de ngo, kadi lum moko de dongo i ie ngo, calu redh mi Sodom ku Gomora, man Adma ku Zeboim, ma Yehova redho ni kum ng’ecwiny pare, man ni kum kwinyo pare:
Cil calu Sodom ku Gomora, man adhura m’i vutgi, ma gimiri gigi ni tarwang’ calu joca bende timo ma gilubo tok kum ma tung’ de, e jukethogi ngbeng’ calu por, ma gibesendri ku masendi mi mac ma rondo ku rondo.
man ku loko adhura Sodom ku Gomora ni vu ru, epoko lembe rac i wigi ku nyoth m’enyotho kogi, m’edwoko kogi ni por ni ju ma gibedo ma ayi Mungu mbe i kumgi;
Ang’ielo adhura i kindwu, calu kinde ma Mungu ng’ielo Sodom ku Gomora, e wubedo calu dhumac ma juyudho kud i mac: ento wudwogo i bang’a ngo, Yehova wacu.
Ento Yehova nyutho bero igi, man ngisi nege i kumgi, man epido pigi, kum lembariba pare ma kud Ibrahim kud Isak, man Yakobo, man eyenyo ngo enyothogi, kadok abaya de fodi ebayugi kud i vute ngo.
Man kinde ma malaika rieyo cinge yo ba Yerusalem kara enyothe, Yehova lokre gire kum lem ma rac, man ewacu ni malaika m’unyotho dhanu kumae, Eromo; kawono dol cingi. Man malaika pa Yehova ni i ng’ei lelacam pa Arauna ma Jayebusi.
Man ubimo mi Sodom ucidho woko, kud ubimo mi Gomora, man ubimo mir Adma, man ubimo mi Zeboim, man ubimo mi Bela (ma en e Zoar); e githero lwiny i kumgi i poga mi Sidim;
Ka kumeno calu abedo kwo, Yehova mir udul uwacu, Mungu mir Israel, Andha Moab bibedo calu Sodom, man nyithindho mir Amon calu Gomora, piny mir ayilayila, man longro mi kadu, man uvuru ma nja: dong’ dhanu para ma bidong’ gibidwokogi ni amaci, man dong’ thek para bicamu pacu i wigi.
Cidhi, man iyer lembe maeni yor ariwa ma malu, man iwac kumae, Dwogi, in i Israel m’ucoro cen, Yehova wacu; abineno wii ku ng’ecwiny ungo; kum kisa nega, Yehova wacu, abigwoko ng’ecwiny mi nja ngo.
Nen piny kud i polo, man inen kud i kabedo mi leng’ peri man mi dwong’ peri: ngiri peri ku tic peri ma tek ni kani? yeny ma cwinyi yenyo ku ngisi peri giceri ira.
E dhaku ma nyathin ma kwo en e pare lund uwacu ni ubimo, kum cwinye bemiel kum wode, man ewacu kumae, A, rwoth para, mi nyathin ma kwo ire, man kud inege ki. Ento mucelo wacu kumae, Ebibedo para kadi peri de ngo; wupok ie.
Man ju m’i kindwu m’uboth bipoi pira i kind thek ka ma juterogi i ie ni ng’eca, maram atur ko ni kum adundegi mir asara, m’ukier kud i bang’a, man ku wang’gi, ma timo tarwang’ tok mungu m’araga migi: man gibidagri gigi i wang’gi gigi, kum lem ma rac ma gitimo i ginmajudagu migi ceke.
Wac igi kumae, Calu abedo kwo, Rwoth Yehova wacu, anyong’a nega ngo kum tho pa jadubo; ento ya jadubo lokre kud i yo pare man ebed kwo: wulokru, wulokru kud i yo mu ma rac; kum wubitho nedi, E ot mir Israeli?
Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko.
E dhanum’utuk m’ubino, en e nyithindho mu ma biai yo ng’eiwu, ku jawirok ma biai i ng’om ma ngbir, biwacu kumae, kinde ma gibineno masendi mi ng’om maeno, ku tho ma Yehova ketho ebedo ko lith;