Hoseya 11:7 - The Holy Bible In Alur (Lur) Revised Orthography

⁷ E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

Hoseya 11:7 ပူးပေါင်းရင်းမြစ်များ

Zaburi 81:11

Ento dhanu para gi winjo dwanda ngo; Man Israel giyenya ki ngo.

Lembrieko 14:14

Ng’atu ma eoro cen ku yo i adunde bipong’ ku yo pare gire; Man ng’atu ma ber lembe birome tung’ ku en gire.

Isaya 26:10

Wek junyuth bero ni jadubo, ento ebiponjo ng’eyo bedopwe ngo; ebitimo kier i ng’om m’atira, man ebineno dwong’ pa Yehova ngo.

Yeremia 14:7

Kadok kier mwa tuco wiwa, tim ni kum nyingi, E Yehova; kum corocen mwa gi dupa; wadubo iri.

Yeremia 2:19

Dubo peri giri biponji, man corocen peri bijuki: ka kumeno ing’ei man inen nia en e gin ma rac man ma kec, nia iweko Yehova Mungu peri, man nia lworo para mbe i ii, Rwoth, Yehova mir udul, uwacu.

Yeremia 3:11

E Yehova wacu ira kumae, Israel m’ucoro cen unyuthre gire pwe ma sagu Yuda ma jabombi.

Yeremia 7:25

Ugambre i ceng’ ma kwaruwu wok ie woko kud i ng’om Misiri cil i ceng’ ma tin, aoro jutic para ceke ma jubila i beng’wu, m’aai pir aorogi de ku ba rupiny ku ba rupiny:

Yeremia 7:26

ento giwinjo dwanda ngo, kadi giciko ithgi de ngo, ento gidwoko ng’utgi tek: gitimo rac ma sagu kwarugi.

Yeremia 8:5

Ka kumeno nedi dhanu mi Yerusalem gicoro cen ku corocen mi nja? gimoko kum abombi, gikwero dwogo.

Hoseya 11:2

Calu jubila lwong’ogi, e giwekogi kumeca: gilamu ni Balim, man giwang’u udok ma ng’wice ng’ar ni ayi gin m’acwia m’ang’ika.

Hoseya 14:4

Abicangu dokcen migi, abimarugi k’abamba; kum ng’ecwiny para lokre woko kud i bang’e.

Hoseya 4:16

Kum Israel utimbre gire ku co, calu rwaya ma jaco: kawono Yehova bikakugi calu nyathi rombo i ka ma lac.

Hoseya 7:16

Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.