Hoseya 11:3 - The Holy Bible In Alur (Lur) Revised Orthography

³ Ento aponjo Efraim ku woth; acokogi i bota; ento ging’eyo ngo nia acangugi.

Hoseya 11:3 ပူးပေါင်းရင်းမြစ်များ

Zaburi 107:20

Eoro lembe pare, man ecangugi, Man ebodhogi kud i nyoth migi.

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Ai 19:4

Wuneno gin m’atimo kum Jumisiri, man maram ayeyo kowu wi bomb acur, man akelowu i bang’a gira.

Ai 23:25

Man wutim ni Yehova Mungu mu, e ebimio mugisa kum kwen peri, man pi peri; man abikabu tho kud i kindi.

Isaya 1:2

Wuwinji, E polo, man icik ithi, E ng’om; kum Yehova yero kumae: Agwoko man atungo nyithindho, e gijai ira.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Isaya 46:3

Wuwinja, E ot pa Yakobo, ku dong ot mir Israel ceke, m’ayeyogi ugambre kum nyol migi, m’ayeyo ugambre kud i ic;

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Yeremia 30:17

Kum abidwoko leng’kum iri, man abicangu lero peri, Yehova wacu; kum gilwong’i ng’atu ma jubayu, giwacu kumae, En e Sayuni, ma ng’atu moko mbe m’uyenyo.

Yeremia 8:22

Yath mi mo mbe i Gileadi? jakeikum moko mbe kuca? ka kumeno nedi judwoko leng’kum pa nya dhanu para ngo?

Hoseya 14:4

Abicangu dokcen migi, abimarugi k’abamba; kum ng’ecwiny para lokre woko kud i bang’e.

Hoseya 2:8

Kum eng’eyo ngo nia amio ire cam, man pigulok ma nyasa, ku mo, man amedo ire mola ma tar ku mola ma kwar, ma gitimo ko ni Bal.

Hoseya 7:1

Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko.

Hoseya 7:15

Kadok aponjogi man amio tego ni botgi, ento giporo lem ma rac i kuma.

Tic Mi Jukwenda 13:18

E i nindo ma yenyo romo pier ang’wen etwio cwinye kum tic migi ma i yamba.

Poi Mi Cik 1:31

man i langa, ka m’ineno ie maram Yehova Mungu peri ting’i ko, calu dhanu ting’o wode, i yo ceke ma wucidho i ie, maram watundo ko kakeni.

Poi Mi Cik 33:27

Mungu ma nja en e kabedo peri, Man bot ma rondo ku rondo ni yo piny. Man ecwalu jadegi woko kud i weng’i, Man ewacu kumae, Nyothi.

Poi Mi Cik 8:2

Man ipoi kum yo ceke ma Yehova Mungu peri telo ie wii rundi pier ang’wen maeni i langa, kara ejwigi, emul ko ii, kara eng’ei gin ma ni i adundeni, tek ibigwoko lembang’ola pare, kadi ungo.