Hoseya 11:2 - The Holy Bible In Alur (Lur) Revised Orthography

² Calu jubila lwong’ogi, e giwekogi kumeca: gilamu ni Balim, man giwang’u udok ma ng’wice ng’ar ni ayi gin m’acwia m’ang’ika.

Hoseya 11:2 ပူးပေါင်းရင်းမြစ်များ

1 Ubimo 12:33

Man eidho malu ba pemblam m’etimo i Beth-el i ceng’ apar wi abije mi dwi aborane, en e i dwi m’eporo i adundene gire: man eketho agba ni nyithindho mir Israel, man eidho malu ba pemblamne, kara ewang’ udok ma ng’wice ng’ar.

1 Ubimo 18:19

Ka kumeno kawono or kwenda, man icok Israel ceke i bang’a wi got Karmel, ku jubila pa Bal dak ang’wen ku pier abic, man jubila mi mungu m’araga dak ang’wen, ma camu dhu mesa pa Yezebel.

Nehemia 9:30

Ento rundi dupa itwio cwinyi i kumgi, man itiico wigi ku Tipo peri ni kum jubila peri: ento giyenyo ngo ya gicik ithgi: kum kumeno imiogi i cing’ dhanu m’i ng’om.

Isaya 65:7

kier mu giwu, man kier mi kwaruwu karacelo, Yehova wacu, ma wuwang’u udok ma ng’wice ng’ar wi gudi, ma wucida wi ungulu gudi de: ka kumeno abilar poro tic migi i korgi.

Yeremia 18:15

Kum dhanu para wigi wu pira, giwang’u udok ma ng’wice ng’ar ni mungu mi ndra; e juketho gikier i yo migi, i yo ma con, ya giwoth kud i yo ma vorovoro, i yo ma judhuro adhura ngo;

Yeremia 35:13

Yehova rair udul, Mungu mir Israel, uwacu kumae: Cidhi, man iwac ni dhanu mi Yuda ku ju m’ubedo i Yerusalem kumae. Wubijolo ponji ngo ma wuwinj ko lembe para? Yehova wacu.

Yeremia 44:5

Ento giwinjo ngo, kadi giciko ithgi de ngo ya gilokri kud i dubo migi, ya ku giwang’ udok ma ng’wice ng’ar moko ni mungu mange.

Hoseya 11:7

E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

Hoseya 2:13

Man abiliewo ceng’ pa Balim i wie, m’ewang’u udok ma ng’wice ng’ar ire, kinde m’erukre gire ku gwilo pare m’i ith man jambruko pare, man ecidho tok jumer pare, man wie wil i kuma, Yehova wacu.

Hoseya 4:13

Gilamu lam wi bith gudi, man giwang’u udok ma ng’wice ng’ar wi ungulu gudi, the bongu ku kalafuru ma tar kud ulam, kum tipone ber: ka kumeno nyigwu timo tarwang’, man mugole mu dubri swa.

Hoseya 4:17

Efraim umoko kum mungu m’araga; weke e kende.

Zekaria 1:4

Kud wubed calu kwaruwu, ma jubila ma kwong’a gilwong’o i bang’gi, giwacu kumae, Yehova mir udul uwacu kumae, Wudwog kawono kud i yo mu ma rac, man kud i giratima mu ma rac: ento giwinjo ngo, kadi giciko ithgi de ngo ira, Yehova wacu.

Zekaria 7:11

Ento gikwero winjo, man giloko ng’eigi, man gimio ithgi, kara ku giwinji,

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Yohana 3:19

Maeni de lembapoka, ya der ubino i ng’om, man dhanu gimaru mudho ma sagu der; kum tic migi rac.

Tic Mi Jukwenda 7:51

Wun ma ng’utwu cikre ma wukutimo yaa ngo kum adundewu kum ithwu de, wucero Tipo Maleng’ thiri thiri: calu ma yang’ kwaruwu gibegitimo, e wun bende wutimo kumeca.

Jupoklembe 10:6

E nyithindho mir Israel utimo gin ma rac kendo i wang’ Yehova, man gitimo ni Balim, ku Actaroth, man mungu mi Cami, man mungu mi Sidon, ku mungu mi Moab, man mungu mi nyithindho mir Amon, man mungu mi Jufilisti; e giweko Yehova, man gitimo ire ngo.

Jupoklembe 2:13

Man giweko Yehova, e gitimo ni Bal ku Actaroth.

Jupoklembe 3:7

Man nyithindho mir Israel gitimo gin ma rac i wang’ Yehova, man wigi wil kum Yehova Mungu migi, man gitimo ni Balim ku mungu m’araga.