Hoseya 10:8 - The Holy Bible In Alur (Lur) Revised Orthography

⁸ Ka ma malu bende mir Aven, ma dubo mir Israel, jubinyotho: ukudho kud ucok bitwi wi pemblam migi; e gibiwacu ni gudi kumae, Umwa; man ni ungulu gudi kumae, Podh i wiwa.

Hoseya 10:8 ပူးပေါင်းရင်းမြစ်များ

Thangambere 3:8

Man giwinjo dwand Yehova Mungu ubewotho i podho i kinde ma yamu mi dieceng’ ukoto: man ng’atu ma nicone ku dhaku pare gipondo gigi ni wang’ Yehova Mungu i kind yedhi mi podho.

1 Ubimo 13:2

Man ekok kum pemblamne ku lembe pa Yehova, ewacu de kumae, E pemblam, pemblam, Yehova wacu kumae: Nen, jubinyolo nyathin ma nico i ot pa Daudi, ma nyinge Yosia; man ebilamu julam m’i ka ma malu i wii, man gibiwang’u cogo dhanu i wii.

1 Ubimo 13:34

Man gin maeni doko ni dubo ni ot pa Yeroboam, kara ukabe woko, man unyothe kud i wang’ ng’om.

1 Ubimo 14:16

Man ebimio Israel kum dubo pa Yeroboam, m’edubo, man m’eketho Israel udubo kudo.

2 Ubimo 23:15

Man ke eturo pemblam piny ma ni Beth-el, man ka ma malu ma Yeroboam ma wod Nebat, m’uketho Israel udubo, utimo, en e pemblam maeno ku ka ma malu de; e ewang’u ka ma malu man eode edoko ni utur, man ewang’u mungu m’araga.

2 Lemkei 31:1

Nie kinde ma maeni ceke thum, I Israel ceke ma ginuti giwok woko bang’ adhura mi Yuda, man gituro mbegi nziki nziki, man gitong’o mungu m’araga piny, gituro ka ma malu de piny ku pemblam kud i Yuda ceke man Benyamin, i Efraim bende man Manase, cil ma ginyotho kogi ceke. Nyithindho mir Israel ceke gilund gidok ku ba dhanu ceke ng’atuman ba piny pare, i adhura migi ma dhe.

Isaya 2:19

Man dhanu bicidho i odcana, man i odng’om, kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 2:21

kara gicidh i odcana, man i kind cana m’ukak kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 32:13

Ucok kud ukudho bitwi i ng’om mi dhanu para; eyo, wi udi ceke mi mutoro i adhura mi mutoro.

Isaya 34:13

Ukudho bidongo i udikeme, ayilayila kud ucok ke i ot ma tekne; man ebibedo kabedo mir utho, lelagang’ mi udo.

Hoseya 10:2

Adundegi pokre; kawono jubinwang’u lembe i wigi: ebigoyo pemblam migi, ebinyotho mbegi migi.

Hoseya 10:5

Ju m’ubedo Samaria ndiri binegogi pi nyithi dhiang’ mi Beth-aven; kum dhanune biywage, man julamne ma anyong’a negogi pire, kum dwong’ne, kum eweke.

Hoseya 10:9

E Israel, idubo ugambre i ceng’ mi Gibeya: gicungo kuca; lwiny kum nyithindho mi dubo rubogi ngo i Gibeya.

Hoseya 2:6

Ka kumeno, nen, abijigo yo peri kud ukudho, man abigoyo gang’ i kume, kara kud enwang’ yo pare.

Hoseya 4:13

Gilamu lam wi bith gudi, man giwang’u udok ma ng’wice ng’ar wi ungulu gudi, the bongu ku kalafuru ma tar kud ulam, kum tipone ber: ka kumeno nyigwu timo tarwang’, man mugole mu dubri swa.

Hoseya 4:15

Kadok in, Israel, itimo tarwang’, ento Yuda kud ukier; man kud wubin i Gilgal, kadok kud wuidh Beth-aven, kadi kud wukwong’ kwong’ kumae, Calu Yehova bedo kwo.

Hoseya 5:8

Wukudh agwara i Gibeya, man agwara i Rama: wugoi nduru i Beth-aven; i ng’ei, E Benyamin.

Hoseya 8:5

Ebayu nyathi dhiang’ peri woko, E Samaria; ng’ecwiny para opo i kumgi; ebibedo rokani ma fodi gikutundo ngo kum bedo ma leng’i?

Hoseya 9:6

Kum, nen, giai woko ku ba nyoth; ento Misiri bicokogi, Memfis biyikogi; piny migi ma ber mi mola ma tar, ayilayila bimwonyogi; ukudho bibedo i hema migi.

Amos 1:5

Man abituro utwindi mi Dameski, man abikabu ng’atu m’ubedo i poga mir Aven woko, ku ng’atu m’umaku uluth mi ker kud i ot mir Aden; e dhanu mi Cami bicidho i ng’eca cil kum Kir, Yehova wacu.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Amos 7:9

man ka ma malu pa Isak bibedo ni uvuru, man jubidwoko kamaleng’ mir Israel ni uvuru; e abiai kum ot pa Yeroboam ku palamularu.

Amos 8:14

Ju ma kwong’o kwong’ ku dubo mi Samaria, man giwacu kumae, Calu mungu peri bedo kwo, E Dan, man, Calu yo mi Ber-ceba bedo kwo; gibipodho, e gibiai kendo ngo.

Mika 1:13

Twi magali kum riuni ma jang’wec, E ng’atu m’ubedo i Lakic: en e thekri mi dubo ni nya Sayuni; kum gondri mir Israel unwangre ii.

Mika 1:5

Maeni ceke wok kum gondri pa Yakobo, man kum dubo mi ot mir Israel. Gondri pa Yakobo en e ang’o? en e Samaria ngo? man ka ma malu pa Yuda ang’o? gi Yerusalem ngo?

Nahum 3:11

In bende ibimer ku giramadha; jubikeni; ibiyenyo ot ma tek bende kum judegi.

Luka 23:30

I nindo maeno gibimaku wacu ni gudi kumae, Podh i wiwa; ni ungulu got ke kumae, Umwa.

Poi Mi Cik 9:21

E agamu dubo mu nyathi dhiang’ ma wutimo, man awang’e ku mac, anyone de, m’arege ko nyung’u nyung’u, maram edoko ko yom calu utur: man aoyo uturne i kulo m’umol kud i got.

Lembanyutha 6:16

man giwacu ni gudi man ni cana kumae, Podh i wiwa, umwa de kud i wang’ ng’atu m’ubedo wi komker man ni kwinyo pa Nyathi Rombo:

Lembanyutha 9:6

Man i ceng’ maeno dhanu biyenyo katho, ere gibinwang’e ki ngo; ava tho de binegogi, man tho biringogi.