Hoseya 10:5 - The Holy Bible In Alur (Lur) Revised Orthography

⁵ Ju m’ubedo Samaria ndiri binegogi pi nyithi dhiang’ mi Beth-aven; kum dhanune biywage, man julamne ma anyong’a negogi pire, kum dwong’ne, kum eweke.

Hoseya 10:5 ပူးပေါင်းရင်းမြစ်များ

2 Ubimo 10:29

Ento dubo pa Yeroboam ma wod Nebat, m’eketho Israel udubo kudo, Yehu weko lubogi ngo, lembene kumae, Nyithi dhiang’ mi mola ma kwar ma gini i Beth-el, man ma gini i Dan.

2 Ubimo 17:16

E giweko lembang’ola ceke pa Yehova Mungu migi, man gitimo igi ayi gin m’acwia m’atwaga, en e nyithi dhiang’ ario, e gitimo mungu m’araga, man girwo ni udul ceke m’i polo, man gitimo ni Bal.

2 Ubimo 23:5

Man eredho julam mi mungu m’araga piny, m’ubimo mi Yuda ketho kara giwang’ udok ma ng’wice ng’ar i ka ma malu mir adhura mi Yuda, man i ka m’utieko Yerusalem gbur; ju ma giwang’u udok ma ng’wice ng’ar ni Bal bende, ni ceng’, man ni dwi, man ni cero ma dongo, man ni udul ceke m’i polo.

2 Lemkei 11:15

man eketho julam ire mi ka ma malu, man mi nyogi diegi, man ni nyithi dhiang’ m’etimo.

2 Lemkei 13:8

Man kawono iwu pido nia wujai ni ker pa Yehova i cing’ wot Daudi; e wun udul ma dit, man nyithi dhiang’ mi mola ma kwar ni kudu ma Yeroboam utimo iwu ni mungu.

Isaya 46:2

Gigung’, girum piny karacelo; gicopo wodho terne ngo, ento gin gigi gicidho i ng’eca.

Hoseya 13:2

E kawono gidubo kendo kendo, man gitimo igi ayi gin m’acwia m’atwaga ku mola ma tar migi, en e mungu m’araga calku ng’eyothelembe migi gigi, kagi ceke gi tic mi jubodho: giwacu pigi kumae, Wek dhanu m’ulamu lam gicwi kum nyithi dhiang’.

Hoseya 4:15

Kadok in, Israel, itimo tarwang’, ento Yuda kud ukier; man kud wubin i Gilgal, kadok kud wuidh Beth-aven, kadi kud wukwong’ kwong’ kumae, Calu Yehova bedo kwo.

Hoseya 5:8

Wukudh agwara i Gibeya, man agwara i Rama: wugoi nduru i Beth-aven; i ng’ei, E Benyamin.

Hoseya 9:1

Anyong’a kud unegi, E Israel, ni mutoro, calu kodhidhanu; kum itimo tarwang’, m’iweko ko Mungu peri; imaru sukulia wi lelacam kubang’e kubang’e.

Hoseya 9:11

Pi Efraim, dwong’ migi biringo calu winyo: nyol bibedo mbe, man bedo ku ic de bibedo mbe, man gamu ic de bibedo mbe.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Zefania 1:4

Man abirieyo cinga wi Yuda, man wi dhanu ceke m’ubedo i Yerusalem; man abithumo dong’ dhanu mi Bal woko kud i ka maeni, man nying’ Jukemari ku julam;

Tic Mi Jukwenda 19:27

man bodho mwa maeni kende ngo ma jumaru cayu; ento hekalu mir Artemi ma mungu ma nyaku ma dit bende jubidwoke doko mananu, jubikabe woko ku kadwong’ pare ma naka Asia ku ng’om ceke girwo i bang’e.

Yocuwa 7:2

Man Yocuwa oro dhanu ai i Yeriko cidho i Ai, ma ni i ng’et Beth-aven, yo nyangu ni Beth-el, man eyero igi, ewacu kumae, Wuidh malu man wulib ng’ombe. E dhanu giidho malu man gilibo Ai.

Jupoklembe 18:24

Man ewacu kumae, Wumayu mungu para m’atimo, man jalam, e wucidho, man abedo kud ang’o kendo? e ka wuwacu ira nedi kumae, Arig’o timi?