Hoseya 1:7 - The Holy Bible In Alur (Lur) Revised Orthography

⁷ Ento kisa binega kum ot pa Yuda, man abibodhogi ni kum Yehova Mungu migi man abibodhogi ngo ni kum atum, kadi ni kum palamularu, kadi ni kum lwiny, ni kum riuni, kadi ni kum weg riuni.

Hoseya 1:7 ပူးပေါင်းရင်းမြစ်များ

2 Ubimo 19:29

Man maeni bibedo giranyutha iri: i rundi maeni wubicamu gin m’utwi kende, man i rundi mir arionde gin m’uloth i kume; e i rundi mir adege wucoi, man wukai, wupidh podho mir ulok de, man wucam nyinge.

2 Ubimo 19:34

Kum abigwoko adhura maeni kara abodhe, pira, man pi jatic para ma Daudi.

2 Ubimo 19:35

E etimbre i diewor maeca, nia malaika pa Yehova wok woko, man egoyo Juascuri rubanga dak acel ku pier abora wi abic i kagonjo: man kinde ma dhanu ai pir kugweno, nen, maeni ceke gin avu.

2 Ubimo 6:18

E kinde ma giloro piny i bang’e, Elica rwo ni Yehova, man ewacu kumae, Akwei, goi dhanu maeni ku coro wang’. E egoyogi ku corowang’ calku lembe pa Elica.

Zaburi 33:16

Ubimo moko mbe ma both ni kum udul ma dit: Ng’atu ma tek both ungo ni kum tego ma dit.

Zaburi 44:7

Ento ibibodhowa ni jusendwa, Man inyayu lewic i kum ju m’udaguwa.

Ai 14:13

E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja.

Ai 14:30

E Yehova bodho Israel i ceng’ maeca kumeni kud i cing’ Jumisiri; man Israel uneno Jumisiri ni avu dhu wath.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Yeremia 25:5

ma giwacu kumae, Wudwog kawono kubeng’wu kubeng’wu ng’atuman kud i yo pare ma rac, man ku ba giratima mu ma rac, man wubed i ng’om ma Yehova mio iwu man ni kwaruwu, ugambre con cil nja de;

Yeremia 25:6

man kud wulub tok mungu mange kara wutim igi, man kara wurwo igi, man kud wunyai ng’ecwiny i ia ku tic mi cingwu; e abitimowu rac ungo.

Yeremia 33:26

e abibayu kodhi Yakobo, man pa Daudi ma jatic para bende, ketho nia abigamu kodhine ngo ubed ni ubimo wi kodhi Ibrahim, kud Isak, man Yakobo: kum abiketho ng’eca migi dwogo, man kisa binega i kumgi.

Hoseya 1:8

Nie kinde m’ekwiro Lo-ruhama ku cak, egamu ie, man enyolo nyathin ma nico.

Hoseya 11:12

Efraim utieka ku lemndra, man ot mir Israel kud abombi; ento Yuda fodi ubimo karacelo ku Mungu, man ebedo mandha karacelo ku Ng’atu Maleng’.

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

1 Samwil 17:47

man kara cokri maeni ceke ging’ei nia Yehova bodho ku palamularu man ku tong’ ungo: kum lwiny en e pa Yehova, man ebimiowu i cingwa.