Hoseya 1:1 - The Holy Bible In Alur (Lur) Revised Orthography

¹ Lembe pa Yehova m’ubino bang’ Hoseya ma wod Beri, i nindo pa Uzia, ku Yotham, kud Ahaz, man Hezekia, gi ju m’ubimo mi Yuda, man i nindo pa Yeroboam ma wod Yoac, m’ubimo mir Israel.

Hoseya 1:1 ပူးပေါင်းရင်းမြစ်များ

2 Ubimo 13:13

e Yoac unindo ku kwaru pare; man Yeroboam ujany wi komker pare: e juyika Yoac i Samaria kud ubimo mir Israel.

2 Ubimo 14:16

Man Yehoac unindo ku kwaru pare, man juyike karacelo kud ubimo mir Israel; man Yeroboam ma wode camu ker kakare.

2 Ubimo 14:23

I rundi apar wi abije pa Amazia ma wod Yoac m’ubimo mi Yuda, Yeroboam ma wod Yoac m’ubimo mir Israel umaku camu ker i Samaria, man ecamu ker rundi pier ang’wen wi acel.

2 Ubimo 15:32

I rundi mir arionde pa Peka ma wod Remalia m’ubimo mir Israel, Yotham ma wod Uzia m’ubimo mi Yuda maku camu ker.

2 Ubimo 15:5

Man Yehova goyo ubimo, ketho nia ebedo won joi cil i ceng’ mi tho pare, man ebedo i ot m’ukoc. Man Yotham ma wod ubimo en e wi juot, m’ebepoko ko lembe mi dhanu m’i ng’om.

2 Ubimo 15:7

E Azaria nindo ku kwaru pare; man giyike ku kwaru pare i adhura pa Daudi: e Yotham ma wode ucamu ker kakare.

2 Lemkei 27:1

Yotham rundi pare pier ario wi abic kinde m’emaku camu ker; man ecamu ker rundi apar wi abusiel i Yerusalem; man nying’ min mire Yeruca ma nya Zadok.

2 Lemkei 28:1

Ahaz rundi pare pier ario kinde m’emaku camu ker; man ecamu ker rundi apar wi abusiel i Yerusalem: man etimo gin m’atira ngo i wang’ Yehova, calu Daudi ma kwaru mire;

2 Lemkei 29:33

Man gin ma juthiero gi koni dhiang’ dak abusiel ku rombe rubanga adek.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 7:1

Man etimbre i nindo pa Ahaz ma wod Yotham, ma wod Uzia, m’ubimo mi Yuda, nia Rezin m’ubimo mir Cami, man Peka ma wod Remalia, m’ubimo mir Israel, giidho ba Yerusalem kara gitim ali i kume, ento gicopo make ngo.

Yeremia 1:2

ma lembe pa Yehova bino i bang’e i nindo pa Yosia ma wod Amon, m’ubimo mi Yuda, i rundi apar wi adege mi camuker pare.

Yeremia 1:4

Nie lembe pa Yehova bino i bang’a, m’uwacu kumae,

Ezekiel 1:3

lembe pa Yehova bino ng’beng’ ba Ezekiel ma jalam, ma wod Buzi, i ng’om mi Jukaldayo dhu kulo Kebar; e cing’ Yehova ni i wie kuca.

Yoel 1:1

Lembe pa Yehova m’ubino ba Yoel ma wod Pethuel.

Amos 1:1

Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

Yona 1:1

Nie lembe p a Yehova wok ba Yona ma wod Amitai, m’uwacu kumae,

Mika 1:1

Lembe pa Yehova m’ubino ba Mika ma Jamoracti i nindo pa Yotham, kud Ahaz, man Hezekia, ma gin ubimo mi Yuda, m’eneno pi Samaria ku Yerusalem.

Zekaria 1:1

I dwi mir aborane, i rundi mir arionde pa Dario, lembe pa Yehova bino ba Zekaria ma wod Berekia, ma wod Ido, ma jabila, m’uwacu kumae,

Yohana 10:35

Tek elwong’o gi mungugi, ma lem pa Mungu wok i bang’gi (lembagora pa Mungu de copo tur ungo),

Jurumi 9:25

Calu ewacu i Hoseya kumae, Abilwong’o maeno dhanu para, ma en e dhanu para ngo; Ng’atu ma jamer ungo de, ya jamer.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.