Ezra 5:3 - The Holy Bible In Alur (Lur) Revised Orthography

³ nindo maeca Tatenai, ma jabim ma loka Kulo, ebino i bang’gi, ku Cethar-bozenai, man juwagi, man giwacu igi kumae, Ng’a mio iwu ng’ol ya wugom ot maeni, wudar gang’kidi maeni de?

Ezra 5:3 ပူးပေါင်းရင်းမြစ်များ

Ezra 1:3

Ng’atu ma tek ni i kindwu mi dhanu pare ceke, Mungu pare bed kude, man wek eidh malu Yerusalem, ma ni i Yuda, man egom ot pa Yehova, Mungu mir Israel (en e Mungu), ma ni i Yerusalem.

Ezra 4:12

Dong’ ubimo ng’ei, nia Juyahudi ma giidho malu kud i beng’i gibino i bang’wa i Yerusalem; gibegomo adhura ma rac man mi camuco, man gidaru gang’kidi, man giyiko there.

Ezra 4:9

Rehum ma jadit mi dilo ulund ugoro, man Cimcai ma jagorcik, ku dong’ juwagi, gi Judinai, man Juafarsathki, man Jutarpeli, man Jufarsi, man Juarkevi, man Jubabeli, man Jucucanki, man Judehai, man Juelami,

Ezra 5:6

Wadi waraga ma Tatenai, ma jabim ma loka Kulo, man Cethar-bozenai, ku juwagi ma Juafarsaki, ma gini loka Kulo, gioro ba Dario m’ubimo;

Ezra 5:9

Walund wapenjo judongo maeno, e wawacu igi kumae, Ng’a mio iwu ng’ol ya wugom ot maeni man wudar gang’ maeni?

Ezra 6:13

Tatenai, ma jabim ma loka Kulo, man Cethar-bozenai, ku juwagi, gilund gitimo kumeno kud amora ceke, kum Dario m’ubimo oro kwenda.

Ezra 6:6

Ka kumeno kawono, Tatenai, ma jabim ma loka Kulo, man Cethar-bozenai, man juwedu ma Juafarsaki, ma gini loka Kulo, dong’ wubed cen ku kuca:

Ezra 7:21

Man an, cil an a Artacacta m’ubimo, atimo cik ni jukur otkanpiny ceke ma loka Kulo, nia gin ceke ma tek Ezra ma jalam, ma jagorcik mi cik pa Mungu m’i polo, biyenyo i beng’wu lembene timbre k’amora,

Hagai 1:1

I rundi mir arionde pa Dario m’ubimo, dwi mir abusiende, i ceng’ ma kwong’a mi dwije, lembe pa Yehova bino ba Zerubabel ma wod Cealtiel, ma jabim mi Yuda, man ba Yocuwa ma wod Yehozadak, ma jalam ma dit, ku dhu Hagai ma jabila, m’uwacu kumae,

Matayo 21:23

E kinde m’emondo i hekalu, julam ma dongo ku judongo mi dhanu gibino i bang’e kan ebeponjo, man giwacu kumae, Itimo gin maeni ku ng’ol manedi? ng’a m’umio iri ng’ol maeni?

Tic Mi Jukwenda 4:7

E ka giketho joca i diere, gipenjo kumae, Wutimo maeni ku tego ang’o, kadi ku nying’ ng’a?