Ezra 1:3 - The Holy Bible In Alur (Lur) Revised Orthography

³ Ng’atu ma tek ni i kindwu mi dhanu pare ceke, Mungu pare bed kude, man wek eidh malu Yerusalem, ma ni i Yuda, man egom ot pa Yehova, Mungu mir Israel (en e Mungu), ma ni i Yerusalem.

Ezra 1:3 ပူးပေါင်းရင်းမြစ်များ

1 Ubimo 18:39

E kinde ma dhanu ceke gineno maeni, gipodho arieba wang’gi: man giwacu kumae, Yehova, en e Mungu; Yehova, en e Mungu.

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

I Lemkei 28:20

Man Daudi wacu ni Suleman ma wode kumae, Bed tek man ku tegocwiny ma ber, man itime: kud ilwor, kadi cwinyi de kud ung’abre; kum Yehova Mungu, en e Mungu para, eni kudi; ebirem iri ngo, kadi akuna de ebikuni ngo, cil ma tic ceke mi timotim mi ot pa Yehova bithum ko.

Ezra 1:4

Man ng’atu ma tek udong’, i ka moko ma tek ebedo i ie ni umondo, wek dhanu ma ni i ka m’ebedo i ie gikonye ku mola ma tar, man ku mola ma kwar, man ku piny, ku lim de, umed lam mi berocwiny pi ot pa Mungu ma ni i Yerusalem.

Ezra 4:3

Ento Zerubabel, man Yecuwa, ku dong’ wi udi pa wego mir Israel, giwacu igi kumae, Lem mu mbe i bang’wa kum gomo ot ni Mungu mwa; ento wan karacelo giwa wabigomo ni Yehova, Mungu mir Israel, calu ubimo Kuro m’ubimo mir Ajemi ng’olo iwa.

Ezra 5:13

Ento i rundi ma kwong’a pa Kuro m’ubimo mi Babeli, Kuro m’ubimo timo cik ya jugom ot pa Mungu.

Ezra 5:3

nindo maeca Tatenai, ma jabim ma loka Kulo, ebino i bang’gi, ku Cethar-bozenai, man juwagi, man giwacu igi kumae, Ng’a mio iwu ng’ol ya wugom ot maeni, wudar gang’kidi maeni de?

Ezra 6:7

wuwek tic mi ot pa Mungu maeni udong’; wuwek jabim mi Juyahudi man judongo mi Juyahudi gigom ot pa Mungu maeni i kakare.

Zaburi 132:13

Kum Yehova goyo wi Sayuni; Eyenye ni kabedo pare,

Zaburi 83:18

Kara ging’ei nia in i kendi, ma nyingi Yehova, Ini Ng’atu ma Malu Ngbir wi ng’om ngung’.

Isaya 37:16

E Yehova mir udul, Mungu mir Israel, m’ujany malu wi kerubi, in i Mungu, i kendi, mi thek ceke m’i ng’om; icwio polo ku ng’om.

Isaya 44:28

m’abiwacu pi Kuro kumae, En e jakwac para, man ebitimo gin ceke m’amaru, m’ebiwacu cil pi Yerusalem kumae, Jubigome; man pir hekalu kumae, Jubiketho theri.

Isaya 45:5

An a Yehova, man ng’atu moko mange mbe; Mungu moko mbe m’umeda. Abitwio pieri, kadok fodi ing’eya ngo;

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Tic Mi Jukwenda 10:36

Lembe ma yang’ eoro ni nyithindho pa Israel m’eyero lembanyong’a mi kwiocwiny kum Yesu Kristu (en e Rwoth mi ceke)

Poi Mi Cik 32:31

Kum cana migi en e calu Cana mwa ngo, Cil judegi mwa gigi ma gi jupoklembe.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.