Ezra 1:2 - The Holy Bible In Alur (Lur) Revised Orthography

² Kuro m’ubimo mir Ajemi wacu kumae, Yehova, Mungu m’i polo, mio ira ker ceke m’i ng’om; man eng’olo ira ya agom ire ot i Yerusalem, ma ni i Yuda.

Ezra 1:2 ပူးပေါင်းရင်းမြစ်များ

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

2 Lemkei 2:12

Huram uwacu kendo kumae, Mugisa bed ni Yehova, Mungu mir Israel, m’ucwio polo ku ng’om, m’emio nyathin ma nico ma riek ni Daudi m’ubimo, m’e riu man won ng’eyong’ec, ma bigomo ot ni Yehova, man ot mi ker pare.

Ezra 1:5

Wi udi pa wego mi Yuda ku Benyamin, man julam, ku Julawi, cil dhanu ceke ma Mungu ting’o ewinygi ya giidh malu gigom ot pa Yehova ma ni i Yerusalem.

Ezra 3:7

Gimio sente bende ni jutong’kidi, man ni jubodho mi bau; man cemo, ku giramadha, ku mo, ni dhanu mi Sidon, man ni dhanu mi Turo, kara gikel musonge kud i Lebanon giter i nam, ba Yopa, calku lembang’ola ma gigamu ba Kuro m’ubimo mir Ajemi.

Ezra 4:3

Ento Zerubabel, man Yecuwa, ku dong’ wi udi pa wego mir Israel, giwacu igi kumae, Lem mu mbe i bang’wa kum gomo ot ni Mungu mwa; ento wan karacelo giwa wabigomo ni Yehova, Mungu mir Israel, calu ubimo Kuro m’ubimo mir Ajemi ng’olo iwa.

Ezra 5:15

man ewacu ire kumae, Gam agulu maeni, cidhi, kethgi i hekalu ma ni i Yerusalem, man wek ot pa Mungu gombre kakare.

Ezra 6:10

kara gimi lam ma ng’wice ng’ar ni Mungu m’i polo, girwo de pi kwo p’ubimo, man mi wote.

Ezra 6:3

I rundi ma kwong’ane pa Kuro m’ubimo, Kuro m’ubimo timo ng’ol kumae: Pi ot pa Mungu i Yerusalem, dong’ ot ugombre, ka ma gimio ie lam, man wek jugom there tek; kadongone bot pier abusiel, kalacne de bot pier abusiel;

Ezra 7:12

Artacacta, m’ubimo mir ubimo, ni Ezra ma jalam, ma jagorcik mi cik pa Mungu m’i polo, ndhu cu ku ma kumeno.

Nehemia 1:4

Man etimbre, kinde m’awinjo lembe maeni, nia abedo piny man aywak, e can unega nindo moko; man aweko cam arwo de i wang’ Mungu m’i polo,

Nehemia 1:5

man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

Zaburi 136:26

A wufoi Mungu m’i polo; Kum mer mi bero pare bedo mi nja.

Zaburi 85:2

Iweko kier mi dhanu peri; Iumo dubo migi ceke. [Sela.

Lembrieko 21:1

Adunde ubimo ni i cing Yehova calu ora mi pi: Eloke ka ma tek eyenyo.

Isaya 41:2

Ng’a m’uting’o ng’atu acel ku yo nyangu, m’elwong’o i bedopwe ba tiende? emio thek i wang’e, man eketho ebim wi ju m’ubimo; emiogi calu utur ni palamularu pare, calu soka m’ukoto ni atum pare.

Isaya 44:26

m’adwoko lembe pa jatic pare tek, m’atimo lembapora mi jukwenda para de; m’awacu pi Yerusalem kumae, Jubibedo i ie; man pir adhura mi Yuda kumae, Jubigomogi, man abiting’o kar udhurune;

Isaya 44:28

m’abiwacu pi Kuro kumae, En e jakwac para, man ebitimo gin ceke m’amaru, m’ebiwacu cil pi Yerusalem kumae, Jubigome; man pir hekalu kumae, Jubiketho theri.

Isaya 45:1

Yehova wacu kumae ni ng’atu ma juwiro pare, ni Kuro, m’amaku cinge ma yor acwic, kara anyon thek i wang’e, man abigonyo pier ju m’ubimo: kara ayab dhugola i wang’e, e jubiciko dhugang’ ungo:

Isaya 66:1

Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Yeremia 10:11

Wubiwacu igi kumae nia mungu m’ucwio polo ku ng’om ungo, maeni birwinyo kud i ng’om, man kud i the polo.

Yeremia 27:5

Acwio ng’om, dhanu ku yedi ma ni wi wang’ ng’om, ku tego para ma dit man ku bota m’arieya; man amie ni ng’atu m’emaku piny ira ya amie ire.

Yeremia 29:10

Kum Yehova wacu kumae, Abiliewowu yo ng’ei rundi pier abiro mi Babeli m’utimbre kakare, e abitimo lembe para ma ber yor i beng’wu, ku ketho wudwog kakeni.

Daniel 1:21

Man Daniel ubedo cil i rundi ma kwong’ane p’ubimo Kuro.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 6:25

Ubimo ma Dario lund ukiewo ni kodhidhanu ceke, ku thek ceke, man dhok ceke, m’ubedo i ng’om yu kumae, Kwiocwiny umedre iwu.

Yona 1:9

E ewacu igi kumae, An a Jaebrania; man alworo Yehova, Mungu m’i polo, m’ucwio nam ku ng’om m’uthwo.