Ester 9:2 - The Holy Bible In Alur (Lur) Revised Orthography

² Juyahudi gicoko dhoggi karacelo i adhura migi i ng’etker ceke p’ubimo Ahasuerus, kara giketh cing’gi kum ju m’uyenyo gitimgi rac: e ng’atu moko mbe ma copo goyo kore i nyimgi; kum lworo migi podho wi kodhidhanu ceke.

Ester 9:2 ပူးပေါင်းရင်းမြစ်များ

Thangambere 35:5

E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo.

Ester 8:11

i waragane ubimo yio ya Juyahudi ma gini i adhura ceke kubang’gi kubang’gi gicokri gigi karacelo, man gicung pi kwo migi, kara ginyoth, gineg, man girwiny, tego ceke mi dhanu man mi ng’etker ma bitimo ali i kumgi, kum nyithindho migi ma thindho ku mon migi, man gigam ayeki migi ni amaci,

Ester 8:17

Man i ng’etker kubang’e kubang’e, i adhura de kubang’e kubang’e, ka ceke ma tek lembang’ola p’ubimo ku cik pare de wok i ie, Juyahudi gibedo ku mutoro kud anyong’a, kud agba man ceng’ ma ber. Man dhanu dupa ma kind kodhidhanu mi ng’om gidoko Juyahudi; kum lworo mi Juyahudi podho i wigi.

Ester 9:10

ginego juapar maeni ma gi wot Haman ma wod Hamedatha, ma jadegi mi Juyahudi: ento giketho cing’gi kum ayeki ngo.

Zaburi 71:13

Wek ju ma gi jusend ng’eyong’ec para lewic umakgi man githum; Wek cac ku jwik uum ju m’uyenyo lem ma rac i kuma.

Zaburi 71:24

Leba bende biyero pi bedopwe peri ceng’ du; Kum ju m’uyenyo gitima rac lewic umakugi, cwinygi de ng’abre.

Ai 23:27

Abioro ndiri para i weng’i, man abisendo dhanu ceke m’ibibino i bang’gi, man abiketho judegini ceke loko ng’eigi iri.

Isaya 8:9

Wuyakni, E kodhidhanu, man wutur nziki nziki; e wucik ithwu, wun ceke ma wuni i ng’om ma ngbir: wutwiru giwu, man wutur nziki nizki; wutwiru giwu, man wutur nziki nziki.

Poi Mi Cik 2:30

Ento Sihon m’ubimo mi Hecbon uyio ngo wakadh ku yor i bang’e; kum Yehova Mungu peri dwoko cwinye tek, man edwoko adundene tek kara emie i cingi, calu i ceng’ ma tin.

Yocuwa 11:20

Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.