Ester 8:9 - The Holy Bible In Alur (Lur) Revised Orthography

⁹ Julund julwong’o jugorcik p’ubimo i nindo maeca, i dwi mir adege, ma en e dwi Sivan i ceng’ pier ario wi adege mi dwije; man jugore calku gin ceke ma Mordekai ng’olo ni Juyahudi, man ni jego, man jubim ku judongomawijo mi ng’etker ma ginuti ugambre kum India cil Kuc, ng’etkeme dak acel ku pier ario wi abiro, ba ng’etker kubang’gi kubang’gi calku gorone, man ku ba dhanu kubang’gi nzu calku dhok migi, man ni Juyahudi calku goro migi, man calku dhok migi.

Ester 8:9 ပူးပေါင်းရင်းမြစ်များ

2 Ubimo 18:26

Eliakim ma wod Hilkia, man Cebna, ku Yoa, gilund giwacu ni Rabcake kumae, Wakwei, yer ni jutic peri ku dhu Cami; kum wawinjo: man kud wuwec i bang’wa ku dhu Juebrania, i ith dhanu ma gini wi gang’kidi.

2 Lemkei 15:10

Kum kumeno gicokri gigi karacelo i Yerusalem i dwi mir adege, i rundi apar wi abije mi camu ker pa Asa.

Ester 1:1

Nwang’u etimbre i ceng’ pa Ahasuerus (Ahasuerus maeni m’ucamu ker ugambre i India cil kum Kuc, wi ng’etker dak acel ku pier ario wi abiro),

Ester 1:22

kum eoro waraga i kind ng’etker ceke p’ubimo, i ng’etker kubang’gi kubang’gi calku gorne, man ni dhanu kubang’gi kubang’gi calku dhok migi, nia ku ba dhanu ceke ng’atuman ubim wi ot pare gire, man eyer calku dhok mi dhanu pare.

Ester 10:1

Man ubimo ma Ahasuerus ung’olo ajok wi ng’om, man wi cula mi nam.

Daniel 4:1

Nebukadnezar m’ubimo, ni kodhidhanu ceke, ku thek ceke, man dhok ceke, m’ubedo i ng’om yu: kwiocwiny umedre iwu.

Daniel 6:1

Ebedo ber ni Dario nia eketh jubim dak acel ku pier ario wi ker, ma gibed i ker ceke;

Daniel 6:25

Ubimo ma Dario lund ukiewo ni kodhidhanu ceke, ku thek ceke, man dhok ceke, m’ubedo i ng’om yu kumae, Kwiocwiny umedre iwu.