Ester 8:8 - The Holy Bible In Alur (Lur) Revised Orthography

⁸ Wugor bende ni Juyahudi, calu ebedo ber iwu, ku nying ubimo, man wuketh ayi i kume ku lagith p’ubimo; kum lembagora ma jugoro ku nying ubimo, ma jumwono ayi mi lagith p’ubimo i kume, ng’atu moko mbe ma copo loke.

Ester 8:8 ပူးပေါင်းရင်းမြစ်များ

1 Ubimo 21:8

Kum kumeno egoro waraga ku nying Ahab, emwonogi de kud ayi pare, man eoro waragane ba judongo man ba weg yung ma ni i adhura pare, man m’ubedo karacelo ku Naboth.

Ester 1:19

Tek ebedo ber ni ubimo, wek lembang’ola mi ker ucidh woko m’uai i bang’e, man wek jugore i kind cik mi Juajemi man Jumedi, kara ku juloke, y a Vacti kud ubin kendo i wang’ ubimo ma Ahasuerus; man wek ubimo mi makapare mi ker ni ng’atu mange ma ber ma sage.

Ester 3:12

Julund julwong’o jugorcik p’ubimo i dwi mir acende, i ceng’ apar wi adege mi dwije; e jugoro calku gin ceke ma Haman ung’olo ni ju ma gisagri p’ubimo, man ni jubim ma gibedo wi ng’etker kubang’gi kubang’gi, man ni judongomawijo mi dhanu ceke kubang’gi kubang’gi, man ni ng’etker kubang’gi kubang’gi calku gorne, man ni dhanu ceke kubang’gi kiibang’gi calku dhok migi; jugoro ku nying ubimo ma Ahasuerus, man juketho ayi i kume ku lagith p’ubimo.

Ester 8:10

Man egoro ku nying ubimo ma Ahasuerus, emwono ayi i kume de ku lagith p’ubimo, man eoro waragane ku jukwenda wi riuni, ma giwotho wi riuni ma ringo pio ma jutimo kudo tic p’ubimo, ma thwon riuni p’ubimo nyolo:

Ester 8:5

Man ewacu kumae, Tek emaku i ubimo, man tek anwang’u bero i wang’e, man ginduni bedopwe i wang’ ubimo, man abedo ber i wang’e, wek jugor waraga m’uthir waraga ma Haman ma wod Hamedatha ma Jaagagi poro, m’egoro kara unyoth Juyahudi ma gini i ng’etker p’ubimo ceke:

Daniel 6:8

Nie, E ubimo, keth cik ubed tek, man kieu ayi wi lembagora, kara kud elokre, calku cik mi Jumedi ku Juajemi, ma lokre ngo.

2 Timoteo 2:19

Ento ther ukungu lembe pa Mungu cungo ki, m’ebedo kud ayi mae, Rwoth ung’eyo ju ma gi jupare: man, dong’ dhanu ceke kubang’gi kubang’gi ma gilwong’o nying Rwoth giwek tic ma en e tic mi bedopwe ngo.