Ester 8:17 - The Holy Bible In Alur (Lur) Revised Orthography

¹⁷ Man i ng’etker kubang’e kubang’e, i adhura de kubang’e kubang’e, ka ceke ma tek lembang’ola p’ubimo ku cik pare de wok i ie, Juyahudi gibedo ku mutoro kud anyong’a, kud agba man ceng’ ma ber. Man dhanu dupa ma kind kodhidhanu mi ng’om gidoko Juyahudi; kum lworo mi Juyahudi podho i wigi.

Ester 8:17 ပူးပေါင်းရင်းမြစ်များ

Thangambere 35:5

E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo.

Nehemia 8:10

Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Ester 9:17

Gin maeni timbre i ceng’ mir apar wi adege mi dwi Adar; man i ceng’ mir apar wi ang’wende mi dwije giyom, man giketho cenge ni ceng’ mi cemo ku mutoro.

Ester 9:19

Kum kumeno Juyahudi ma i pacu, m’ubedo i pacu ma gang’kidine mbe, giketho ceng’ apar wi ang’wende mi dwi Adar ni ceng’ mi mutoro ku cemo, man ceng’ ma ber, ku mi oro piny ni wadijo.

Ester 9:2

Juyahudi gicoko dhoggi karacelo i adhura migi i ng’etker ceke p’ubimo Ahasuerus, kara giketh cing’gi kum ju m’uyenyo gitimgi rac: e ng’atu moko mbe ma copo goyo kore i nyimgi; kum lworo migi podho wi kodhidhanu ceke.

Ester 9:22

calu ceng’ ma Juyahudi nwang’u yom i ie kum judegi migi, man dwi ma juloko ie can migi ni mutoro, man ywak migi ni ceng’ ma ber; kara giketh gibed ni ceng’ mi cemo ku mutoro, man mi oro piny ni juwadijo, ku giramia ni jucan.

Ester 9:27

Juyahudi ging’olo cik, man gigamu lembene i korgi, i kor nyikwai g i de, man i kor dhanu ceke ma giribri gigi gikugi, kara lembene kud urwiny, nia gibikwiro ceng’ ario maeni calku gorone, man calku nindone ma jung’olo, ku ba rundi;

Ester 9:3

Man judongomawijo ceke mi ng’etker, ku jego, ku jubim, ku ju m’utimo tic p’ubimo gikonyo Juyahudi; kum lworo pa Mordekai podho i wigi.

Zaburi 105:38

Anyong’a nego Misiri kinde ma giai; Kum lworo migi podho i wigi.

Zaburi 18:43

Ibodha ni piem mi dhanu; Idwoke ni wi thek: Dhanu ma fodi ang’eyo ngo bitimo ira.

Ai 15:16

Ndiri ku bebe podho i wigi; Giling’ calu kidi ni kum dit mi boti; Maram dhanu peri kadhu ko, E Yehova, Maram dhanu m’ing’iewo kadhu ko.

Poi Mi Cik 11:25

Ng’atu moko mbe ma bicopo cungo i weng’wu: Yehova Mungu mu biketho lworo wu man ndiri wu wi ng’om ceke ma wunyono, calu eyero iwu.

Poi Mi Cik 2:25

Tinuni abimaku ketho ndirini man lworoni wi kodhidhanu ma gini the polo ngung’, ma biwinjo rwongi, e kumgi bimiel, man ndiba binegogi i kumi.

Yocuwa 2:11

E kinde ma wawinjo maeni, adundewa ng’oyo ndiri, kadok tipo moko mbe m’udong’ i ng’atu moko, piwu: kum Yehova Mungu mu, en e Mungu m’i polo ma malu, man i ng’om ma piny.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

1 Samwil 25:8

Penj awobi peri, e gibiyero iri: kum kumeno wek awobi maeni unwang’ bero i weng’i; kum wabino i ceng’ ma ber: akwei, mi gin ma tec uwok i cingi ni jutic peri, man ni wodi ma Daudi.