Ester 8:14 - The Holy Bible In Alur (Lur) Revised Orthography

¹⁴ Ka kumeno jukwenda ma giwotho ku wi riuni ma ringo pio ma jutimo kudo i tic p’ubimo gicidho, kum judhulogi gici pio ku lembang’ola p’ubimo; man cikne mire i Cucan ma odker.

Ester 8:14 ပူးပေါင်းရင်းမြစ်များ

1 Ubimo 4:28

Nganu bende ku soka mi riuni man riuni ma ringo pio gikelo i ka ma jego ni i ie, ku ba dhanu ceke ng’atuman calku lembang’ola pare.

2 Lemkei 30:6

Kum kumeno jukwenda gicidho ku waraga m’uai bang’ ubimo ku judongomawijo pare i kind Israel ceke mba mba ku Yuda, man calku lembang’ola p’ubimo, m’uwacu kumae, Wu nyithindho mir Israel, wulokru kendo ba Yehova, Mungu pa Ibrahim, kud Isak, man Israel, kara elokre ba dong’ kindwu m’uboth kud i cing ubimo mir Ascur.

Nehemia 1:1

Lembe pa Nehemia ma wod Hakalia. Nie etimbre i dwi Kislev, i rundi pier arionde, nwang’u ani i Cucan ma odker,

Ester 1:2

nia i ceng’ maeca, kan ubimo Ahasuerus ujany wi komker mi ker pare, ma ni i otker i Cucan,

Ester 2:3

man wek ubimo keth jego i ng’etker ceke mi ker pare, kara gicok nyir ma wang’gi leng’ ceke karacelo gici Cucan ma odker, ba odmon, the cing’ Hegai ma jatic p’ubimo, ma jagwok mon; man dong’ jumi igi gin mi dwokrileng’;

Ester 3:13

Juoro waragane ku jukwenda i kind ng’etker ceke p’ubimo, ya junyoth, juneg, man jurwiny, Juyahudi ceke, awobi ku judongo, nyithindho ma thindho ku mon, i ceng’ acel, en e i ceng’ apar wi adege mi dwi apar wi arionde, ma en e dwi Adar, man nia jugam piny migi ni amaci.

Ester 3:14

Wadi waraga mi lembagorane, ya jumi cik i kind ng’etker ceke, juoro ni kodhidhanu ceke, kara gibed ayika mi ceng’ maeca.

Ester 3:15

Jukwenda gicidho woko ku ng’wec ku lembang’ola p’ubimo, man cikne jumio i Cucan ma odker. E ubimo giku Haman gibedo piny kara gimadhi; ento i adhura ma Cucan uwang’ lii.

Ester 8:13

Wadi waraga mi lembagorane, nia juyer cikne i ng’etker ceke kubang’gi kubang’gi, uyere ni kodhidhanu ceke, man nia Juyahudi gibed ayika kum ceng’ maeca kara gicul kwor kum judegi migi.

Ester 8:15

E Mordekai ai ku vut ubimo m’ekendo kendi mi ker m’ulweku man ma tar, man ku jamkermiwic ma dit mi mola ma kwar, man ku kanzu mi bongu ma nwang’ ma ber man uluga: e adhura mi Cucan ugoyo muzira man anyong’a nege.

Eklizia 9:10

Gin ma tek cingi nwang’u mir atima, time ku tegoni; kum tic moko mbe, kadi bodho, kadi ng’eyong’ec, kadi rieko, i liel, m’icidho i ie.

Daniel 8:2

Man aneno i ginmawokiwang’; nie ebedo kumeno, nia kan aneno, ani i Cucan ma odker, ma ni ng’etker Elam; man aneno i ginmawokiwang’, man ani dhu kulo Ulai.

1 Samwil 21:8

Man Daudi wacu ni Ahimelek kumae, Palamularu kadi tong’ moko nuti i beng’i? kum abino ku palamularu para ngo kadi jamcinga de, kum lembe p’ubimo en e ma pio.