Ester 7:4 - The Holy Bible In Alur (Lur) Revised Orthography

⁴ kum jung’iewowa, an ku juthuwa, kara junyothwa, junegwa, man jurwinywa. Ento tek jung’iewowa wabed jumiru ma co man bong’, kuno di aling’, kadok jadegi copo culo ngo pi nyoth p’ubimo.

Ester 7:4 ပူးပေါင်းရင်းမြစ်များ

Nehemia 5:5

Ento kawono kumwa calu kum juwadwa, man nyithindho mwa calu nyithindho migi: man, nen, wakelo wotwa ku nyigwa i ng’eca kara gibed jutic, man kind nyigwa moko judaru kelogi i ng’eca eca ngi: kadok tego mwa mbe ma wacere ko; kum dhanu mange gibedo ku pothi mwa man pothi mwa mir ulok.

Ester 3:13

Juoro waragane ku jukwenda i kind ng’etker ceke p’ubimo, ya junyoth, juneg, man jurwiny, Juyahudi ceke, awobi ku judongo, nyithindho ma thindho ku mon, i ceng’ acel, en e i ceng’ apar wi adege mi dwi apar wi arionde, ma en e dwi Adar, man nia jugam piny migi ni amaci.

Ester 3:9

Tek ebedo ber ni ubimo, wek jugor nia junyothgi: man abimio talanto rubanga apar mi mola ma tar i cing’ ju ma juketho kum tic p’ubimo, kara jukele i kakanpiny p’ubimo.

Ester 7:5

Ubimo ma Ahasuerus ulund uweco eyero ni Ester kumae, En e ng’a, eni kani, ma cwinye tek m’epido lembe i adundene m’etim ko kumeni e?

Ester 7:6

E Ester uwacu kumae, Jadegi man jakwor, en e Haman maeni ma rac. E lworo lund umaku Haman i wang’ ubimo man i wang’ ci ubimo,

Ester 8:11

i waragane ubimo yio ya Juyahudi ma gini i adhura ceke kubang’gi kubang’gi gicokri gigi karacelo, man gicung pi kwo migi, kara ginyoth, gineg, man girwiny, tego ceke mi dhanu man mi ng’etker ma bitimo ali i kumgi, kum nyithindho migi ma thindho ku mon migi, man gigam ayeki migi ni amaci,

Ester 8:6

kum acopo kayu cwinya m’anen ko can ma biwok kum juthuwa nenedi? kadi acopo kayu cwinya m’anen ko nyoth mi jufwa nenedi?

Ester 9:25

ento ka lembene wok i wang’ ubimo, eng’olo ku waraga nia lembapora pare ma rac, m’eporo kum Juyahudi, udok i wie gire, man nia en ku wote juliergi wi yen m’agura.

Daniel 6:2

man judongo adek ni i wigi, ma Daniel en e acel m’i kindgi; kara jubim maeni copo mio kwan migi igi, man kara ruvwa moko kud ukwany ubimo.

Yoel 3:6

man wuloko nyithindho pa Yuda ku nyithindho mi Yerusalem ni wot Juyunani, kara wucorgi bor cen ku kieu migi;

Amos 2:6

Yehova wacu kumae: Mi gondri adek mir Israel, eyo, mir ang’wen, abiloko masendine cen ungo; kum giloko ju ma pwe ni mola ma tar, man jucanpiny ku wara ario,

Luka 12:45

Ento tek jamiru maeno biwacu i adundene kumae, Rwoth para galu ku bino pare; man ebimaku fodo jutic wadi ma co ku ma nyir de, man ecamu emadhu de, emer de ku kong’o;

Poi Mi Cik 28:68

E Yehova bidwoki i Misiri kendo ku combo, i yo m’awacu iri pire kumae, Ibinene kendo ngo: e wubing’ieuru giwu ni judegiwu kuca ni ng’eca man ni bong’, e ng’atu moko mbe ma bing’iewowu.

Yocuwa 9:23

Ka kumeno kawono wubedo akwong’a, man kindwu moko biolo bedo jumiru dhara, jutong’ yen man jutwom pi mi ot pa Mungu para.

1 Samwil 22:23

Wabed wakudi, lworo kud unegi; kum ng’atu m’ubeyenyo kwo para ebeyenyo kwo peri: kum ibibedo museme karacelo kuda.