Ester 5:9 - The Holy Bible In Alur (Lur) Revised Orthography

⁹ Haman ulund uwok woko i ceng’ maeno ma anyong’a ku mutoro nego adundene dit: ento ka Haman uneno Mordekai dhugang’ p’ubimo, nia eai malu ngo kadok acora de ecoro cen ungo ire, nia kwinyo nege kum Mordekai.

Ester 5:9 ပူးပေါင်းရင်းမြစ်များ

1 Ubimo 21:4

E Ahab ubino i ot pare ku cwinye m’udieng’ ma lembe ton i ie de kum lembe ma Naboth ma Jayezreli yero ire; kum ewacu kumae, Abimio iri aba pa kwara ngo. E evuto piny wi kavuto pare, man eloko wang’e yo woko, man ekwero camu kwen.

1 Ubimo 21:6

E ewacu ire kumae, Kum ayero ni Naboth ma Jayezreli, man awacu ire kumae, Mi podho mir ulok peri ira mi sente; kadi, tek ebedo ber iri, abimio iri podho mir ulok mange pire: man eloko lembe kumae, Abimio podho mir ulok para iri ngo.

Ester 2:19

E ka jucoko nyir karacelo wang’ arionde, Mordekai lund ubedo dhugang’ p’ubimo.

Ester 3:2

Man jutic p’ubimo ceke, ma gini i dhugang’ p’ubimo, girum, man girwo ni Haman; kum ubimo ng’olo kumeni pire. Ento Mordekai rum ungo, erwo ire de ngo.

Ester 3:5

Ka Haman uneno nia Mordekai rum ungo, erwo ire de ngo, kwinyo lund unego Haman dit.

Ester 5:13

Ento maeni ceke kulokane mbe ira, cil m’acikuneno Mordekai ma Jayahudi m’ubedo dhugang’ p’ubimo.

Kitabu Pa Yob 20:5

Nia aloci mi judubo en e mi nindo ma noki, Man mutoro mi ju ma ayi Mungu mbe i kumgi en e mi nindo ma nyagwil kende?

Kitabu Pa Yob 31:31

Tek dhanu mi hema para wacu ngo kumae, Ng’a ma copo nwang’u ng’atu acel ma yeng’ ungo ku ring’o pare?

Zaburi 15:4

I wang’e ng’atu ma rac jujwige, Ento m’eyungo ju ma lworo Yehova; Ng’atu ma kwong’o kwong’ ma time rac, man elokre ngo;

Zaburi 27:3

Kadok udul giguro hema i kuma, Lworo binego adundena ngo: Kadok ali tuk i kuma, I maeni de abigeno gen.

Daniel 3:13

E ndhu ndhu nica Nebukadnezar i ng’ecwiny ku kwinyo pare eng’olo ya jukel Cadrak, ku Mecak, man Abed-nego. Gilund gikelo dhanu maeni i wang’ ubimo.

Matayo 10:28

Man kud wulwor ju ma nego kum, ento ng’eyong’ec re negre igi ngo: ento ma sagu wulwor ng’atu ma copo nyotho ng’eyong’ec ku kum de i gehena.

Matayo 2:16

Ka Herode lund uneno nia Jurieko gicaye, kwinyo ma apila nege, man eoro dhanu ucidh uneg nyithindho ma co ceke ma gini i Beth-lehem, cil ku m’i kieune ceke, ma oro migi ario ku ma fodi de, calu kanindo m’epenjo cu ba Jurieko.

Luka 6:25

Can i wiwu, wun ma wuyeng’ kawono! kum kec binegowu. Can i wiwu, wun ma wung’iero kawono! kum can binegowu man wubiywak.

Yohana 16:20

Andhandha, ayero iwu, nia wubiywak ku goyo nduru de, ento anyong’a binego ng’om: can binegowu, ento can mu bilokre ni anyong’a.

Tic Mi Jukwenda 7:54

E ka giwinjo gin maeni ethumo adundegi, man ging’enjo lakgi i kume.

Yakobo 4:9

Dong’ wusendru, can unegwu de, man wuywaki: wek ng’iero mu dok ni can, mutoro mu de ni adieng’acwiny.