Ester 5:2 - The Holy Bible In Alur (Lur) Revised Orthography

² Man etimbre, kan ubimo neno Ester ma cege be Cungo i lelagang’, nia enwang’u bero i wang’e; man ubimo ting’o uluth mi ker mi mola ma kwar ma ni i cinge malu ni Ester. Ka kumeno Ester ucoro ceng’ni, man emulo dhu uluth mi ker.

Ester 5:2 ပူးပေါင်းရင်းမြစ်များ

Thangambere 32:28

E ewacu kumae, Jubilwong’o nyingi Yakobo kendo ngo, ento Israel: kum inyego ku Mungu man ku dhanu, e isagu.

Nehemia 1:11

E Rwoth, akwei, kawono wek ithi bed acika ni rwo pa jatic peri, man ni rwo mi jutic peri, ma anyong’a migi en e lworo nyingi; akwei, keth lembe bed miero ni jatic peri tin, man imi ire kisa i wang’ ng’atu maeni. (Nwang’u an a jating’ kikombe p’ubimo.)

Ester 2:9

E nyakune bedo ber i wang’e, man enwang’u bero i bang’e; man emio ire gin mi dwokrileng’ pare pio pio, ku ng’et piny pare, ku jutic ma nyir abiro m’ubedo ber ya jumi ire kud i ot p’ubimo: man ekethe ku jutic pare ma nyir i ka m’usagu i ot mi mon.

Ester 4:11

Jutic p’ubimo ceke, man dhanu mi ng’etker p’ubimo, ging’eyo, nia ng’atu moko, kadok en e nico kadi dhaku, ma tek ebimondo bang’ ubimo i lelagang’ ma yor i ie, ma jukulwong’e alwong’a ngo, cik acel nuti ire, nia junege, tek ubimo kuting’o uluth mi ker mi mola ma kwar ungo, kara ebed kwo: ento an julwong’a ngo ya amond bang’ ubimo ceng’ pier adek maeni.

Ester 8:4

E ubimo lund uting’o uluth mi ker mi mola ma kwar malu ni Ester. Ka kumeno Ester uai malu, man ecungo i wang’ ubimo.

Zaburi 116:1

Amaru Yehova, kum ewinjo Dwanda ku kwac para.

Lembrieko 21:1

Adunde ubimo ni i cing Yehova calu ora mi pi: Eloke ka ma tek eyenyo.

Tic Mi Jukwenda 10:4

En de, kan enene tel, e lworo make, ewacu kumae, Girang’o, Rwoth? Man ewacu ire kumae, Rwo peri ku giramia peri giidho malu gibedo ni poi i wang’ Mungu.

Tic Mi Jukwenda 7:10

elare de kud i can pare ceke, man emio ire bero ku rieko i wang’ Farao m’ubimo mi Misiri; man edwoke ni jabim wi Misiri ku wi ot pare de ceke.