Ester 5:11 - The Holy Bible In Alur (Lur) Revised Orthography

¹¹ Man Haman ukoro igi pi dwong’ mi lonyo pare, man pir udul mi nyithindho pare, man pi gin ceke m’ubimo dode ko, man maram eyunge ko ma sagu judongomawijo ku jutic p’ubimo.

Ester 5:11 ပူးပေါင်းရင်းမြစ်များ

Thangambere 31:1

Man ewinjo lembe mi wot Laban, m’uwacu kumae, Yakobo mayu piny ceke ma pa wegwa; man enwang’u dwong’ maeni ceke ni kum piny pa wegwa,

Ester 1:4

kinde m’enyutho piny mi ker pare mi lonyo, man yung mi dwong’ pare m’usagre nindo mi ceng’ dupa, cil ceng’ dak acel ku pier abora.

Ester 3:1

Yo ng’ei gin maeni ubimo ma Ahasuerus udodo Haman ma wod Hamedatha ma Jaagagi, e eyunge, man eketho kom pare malu ma sagu judongomawijo ceke ma gibedo gikugi.

Ester 8:15

E Mordekai ai ku vut ubimo m’ekendo kendi mi ker m’ulweku man ma tar, man ku jamkermiwic ma dit mi mola ma kwar, man ku kanzu mi bongu ma nwang’ ma ber man uluga: e adhura mi Cucan ugoyo muzira man anyong’a nege.

Zaburi 49:6

Gi ju m’ugeno lonyo migi, Man giluli gigi kum udul lonyo migi;

Zaburi 49:7

Ng’atu moko mbe m’i kindgi ma copo waru wadi i yo moko, Kadi ma mio jambwar pire ni Mungu

Zaburi 52:9

Abifoyi nja, kum itimo maeni; Abigeno nyingi, kum en e ber, i vut jumaleng’ peri.

Isaya 10:8

Kum ewacu kumae, Judongomawijo para ceke gin ubimo ngo?

Daniel 4:30

Ubimo yero man ewacu kumae, Maeni Babeli ma dit ungo, m’agomo pi kabedo mi ker, ku tego mi tek para man ni yung mi dwong’ para?

Marko 10:24

E julub igi wang’ lii kum lembe pare. Ento Yesu loko lembe kendo, ewacu igi kumae, Nyithindho, mondo i ker pa Mungu tek apila ni ju m’ugeno lonyo!

1 Timoteo 6:17

Ng’ol ni ju ma gi julonyo i ng’om maeni ma kawono, kara pidoigi kud ubed dit, kadi ku giketh genogen migi kum lonyo ma kare kadhu, ento kum Mungu re, m’emio iwa gin ceke ku berocwinye ni mutoro mwa;