Ester 4:16 - The Holy Bible In Alur (Lur) Revised Orthography

¹⁶ Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Ester 4:16 ပူးပေါင်းရင်းမြစ်များ

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

Thangambere 43:14

man Mungu ma Jategokpo emi kisa iwu i wang’ ng’atuca, kara egony iwu umegwu mucelo man Benyamin. Man tek jukabu nyithindho para kud i bang’a, nwang’u junega.

2 Samwil 10:12

Wubed ku tegocwiny, man dong’ wadwok cwinywa tek pi dhanu mwa, man pir adhura pa Mungu mwa: man Yehova tim gin m’ubedo ber ire.

2 Ubimo 7:4

Tek wawacu kumae, Wabimondo i adhura, ndru lund ubedo i adhura, e wabitho kuca; man tek wabedo asu keni, de wabitho. Ka kumeno kawono wubin, e wek wapodhu bang’ udul mi Jucami: tek gibodhowa ma kwo, wabibedo kwo; man tek ginegowa, de wabitho.

2 Lemkei 20:3

E lworo maku Yehocafat, man ekethre gire kum yenyo Yehova; man eng’olo ya juwek cam i Yuda ceke mba mba.

Ezra 8:21

Alund ang’olo wekocam keca, dhu kulo Ahava, kara wajwigra giwa i wang’ Mungu mwa, kara wayeny i bang’e yo m’atira iwa, man pi nyithindho mwa ma thindho, man pi piny mwa ceke.

Ester 4:15

E Ester ulund uwacu igi ya gidwok lembe ni Mordekai kumae,

Ester 4:17

Ka kumeno Mordekai cidho, man etimo calku gin ceke ma Ester ung’olo.

Ester 4:3

Man i ng’etker ceke kubang’e kubang’e, ma tek lembang’ola p’ubimo ku cik pare wok, ywak ma dit bedo nuti i kind Juyahudi, ku kwero cam, man ywak, ku goyo nduru: e dupa vuto i usuba ku vuru.

Ester 5:1

Nie etimbre i ceng’ mir adege, nia Ester ukendo bongu pare mi ker, man ecungo i lelagang’ ma yor i ot p’ubimo, yo kum ot p’ubimo: man ubimo jany wi komker i ot mi ker, yo kum kamondo mi ot.

Ester 9:31

kara giketh ceng’ maeni mi Purim ucung i nindone ma juketho, calku ma Mordekai ma Jayahudi ku Ester ma ci ubimo ng’olo igi, man calu ging’olo igi gigi man pi nyikwaigi, i lembe mi wekocemo man ywak migi.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Yeremia 36:9

Nie etimbre i rundi mir abije mi camuker pa Yehoiakim ma wod Yosia, m’ubimo mi Yuda, i dwi mir abung’wende, nia dhanu ceke m’i Yerusalem ku dhanu ceke m’uai i adhura mi Yuda ubino Yerusalem, ging’olo kwirocam i wang’ Yehova.

Daniel 2:18

kara giyeny kisa ba Mungu m’i polo kum lembamung’a maeni; kara Daniel ku juwagi ku ginyothri ku jurieko wagi mi Babeli.

Matayo 12:40

kum calu Yona bedo ceng’ adek ku diewor de i cino rec ma dit; e Wod dhanu de bibedo kumeno ceng’ adek ku dieworne de i adunde ng’om.

Luka 9:24

Kum ng’atu ma tek uyenyo ebodh kwo pare ebirwinye; ento ng’atu ma tek birwinyo kwo pare pira, e ng’atuni bibodhe.

Yohana 19:22

Pilato loko lembe kumae, Gin m’adaru goro adaru goro ndhu.

Tic Mi Jukwenda 10:7

Ka malaika m’uweco i bang’e ai, elwong’o jutic pare ario m’i ot, kud asikari ma lworo Mungu ma kind ju ma kuro kume thiri thiri;

Tic Mi Jukwenda 20:24

Ento aneno kwo para mit ungo i wang’a, ento kara adar bedo para, ku tic m’agamu ba Rwoth Yesu, ya atuc lembanyong’a ma juboth ko mi bero pa Mungu.

Tic Mi Jukwenda 21:13

E Paolo lund uloko lembe kumae, Wubeywak, wuluro ko adundena nedi? kum abedo ayika mi twic kende ngo, ento mi tho bende i Yerusalem pi nying Rwoth Yesu.

Tic Mi Jukwenda 27:33

E kinde ma piny umaku ru, Paolo kwayugi ceke ya gigam cemo moko, ewacu kumae, Maeni ceng’ apar wi ang’wende ma wukuro wuweko ko cam de, ma wucamu ie gin moko ngo.

Tic Mi Jukwenda 9:9

Man ebedo ceng’ adek m’eneno ko piny ungo, m’ecamu de ngo kadok amadha de emadhu ngo.

Jurumi 16:4

ma gipielo ng’utgi gigi piny pi kwo para; amio foyofoc igi a kenda ngo, endre kanisa mi Thekdhanumange ceke bende:

Jufilipi 2:30

kum evotho pi tic pa Kristu, m’ekuno kume kara eketh tic mu ma ira m’urem urom kakare.

Yocuwa 24:15

E tek ebedo rac iwu ya wutim ni Yehova, wufoi tinuni ng’atu ma wubitimo ire; tek ni mungu ma kwaruwu timo igi loka Kulo, kadi ni mungu mi Juamori, ma wubedo i ng’om migi: ento an ku ot para, wabitimo ni Yehova.

1 Samwil 19:5

kum eketho kwo pare i cinge, man egoyo Jafilisti, e Yehova timo aloci ma dit pir Israel ceke: ineno maeni, man anyong’a negi; kum kumeno ibilund dubo kum rimo m’umbe dubo, ma nia ineg Daudi ma there mbe?