Ester 4:14 - The Holy Bible In Alur (Lur) Revised Orthography

¹⁴ Kum tek ibedo ling’ asu i nindo maeni, kony ku both bilund wok ni Juyahudi ku yo ku mange, ento in ku ot pa wuru binyothre: man ng’a m’ung’eyo tek iwok i ker pi wagi nindo ma kumeni?

Ester 4:14 ပူးပေါင်းရင်းမြစ်များ

Thangambere 22:14

Man Ibrahim ulwong’o nying’ kakeca Yehova-jire (bimio) calu ewacre cil i ceng’ ma tin kumae, Ebinwangre wi got pa Yehova.

2 Ubimo 13:5

(E Yehova mio jalar ni Israel, ketho nia giai woko ku the cing’ Jucami; e nyithindho mir Israel gibedo i hema migi calu ma naka.

2 Ubimo 19:3

E giwacu ire kumae, Hezekia wacu kumae, Ceng’ maeni en e ceng’ mir ang’abacwiny, man mi juk, man mi cac; kum nyithindho giwok ma junyologi anyola, man tego ma junyolo kogi mbe.

Ezra 9:9

Kum wan wa jukol; ento Mungu mwa kunowa ngo i kol mwa, ento enyutho mer mi bero iwa i wang’ ju m’ubimo mir Ajemi, kara emi iwa yepocwiny, kara eketh ot pa Mungu mwa malu, eyik wang’e m’uyec de, man kara emi iwa gang’kidi i Yuda man i Yerusalem.

Nehemia 6:11

E awacu kumae, Emaku piny nia ng’atu ma calu an uringi? man ng’a ma nuti, ma, tek e calu an, nf ebimondo i hekalu kara ebodh kwo pare? Abimondo ngo.

Ester 2:15

Nie ka nindo pa Ester, ma nyar Abihail ma neru Mordekai, m’ugame ni nyare, ubino m’ecidho ko bang’ ubimo, elwong’o gin moko ngo ento gin ma Hegai ma jatic p’ubimo ma jagwok mon uketho. E Ester unwaug’u bero i wang’ dhanu ceke m’unene.

Ester 2:17

Man ubimo maru Ester ma sagu mon ceke, man enwang’u bero ku ngisi i wang’e ma sagu nyir ceke; ketho nia eketho jamkermiwic i wie, man edwoke ni ci ubimo kaka Vacti.

Ester 2:7

Man etungo Hadasa, ma en e Ester ma nya neru mire: kum won kadok min de mbe, man nyakune wang’e leng’ man ber mir anena; e ka won ku min githo, Mordekai game ni nyare ma dhe.

Ester 4:13

Mordekai lund uwacu igi ya gidwok lembe ni Ester kumae, Ii kud upid i kumi giri nia ibiboth i ot p’ubimo, ma sagu Juyahudi wedu mange ceke.

Ester 4:15

E Ester ulund uwacu igi ya gidwok lembe ni Mordekai kumae,

Kitabu Pa Yob 9:18

Eyio ira ngo ya ayui, Ento epong’a kud adra.

Eklizia 3:7

nindo mi yeco, man nindo mi kwoc; nindo mi bedo ling’, man nindo mi weco;

Isaya 49:23

Man ju m’ubimo bibedo wego ma jupidi peri, man mon migi ni mego ma jupidi peri: gibirum piny i beng’i arieba wang’gi i ng’om, man gibinang’u utur m’i tiendi; e ibing’eyo nia an a Yehova; man ju m’ukura lewic binegogi ngo.

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Yeremia 30:11

Kum wanuti wakudi, Yehova wacu, mi bodhi: kum abijigo wi thek ceke m’aleli i ie, ento abijigo wii ma gwei ungo; ento abiponji ku pokolembe, man abiweki ki ngo ma ponji mbe.

Yeremia 46:28

Lworo kud unegi, E Yakobo ma jatic para, Yehova wacu; kum wanuti wakudi: kum abijigo wi thek ceke m’ariemoi i ie; ento abijigo wii ma gwei ngo, ento abiponji ku pokolembe, man abiweki ngo ma ponji mbe.

Lembe Mi Julawi 26:42

e abilund poi kum lembariba para ma ku Yakobo; man kum lembariba para ma kud Isak bende, man abipoi kum lembariba para ma kud Ibrahim bende; man abipoi kum ng’om.

Matayo 16:18

An bende awacu iri, nia in i Petro, man ke abigomo kanisa para wi cana maeni; e dhugang’ mi Hadeya de biloye ngo.

Matayo 24:22

Man tek jukujwigo ceng’ maeno ngo, kuno di kum moko mbe m’ubin uboth: ento ni ju ma yang’ jugoyo nying’gi re ceng’ nino jubijwigo.

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Jupoklembe 15:6

Jufilisti gilund gipenjo kumae, Ng’a m’utimo maeni? Man giwacu kumae, Samson, ma jalwod Jatimni, kum egamu dhaku pare, emie de ni wadi moko. E Jufilisti giidho malu, man giwang’u dhakune ku won mire de ku mac.

1 Samwil 12:22

Kum Yehova biweko dhanu pare ngo kum nyinge ma dwong’, kum enyayu mutoro i Yehova ya edwokwu ni dhanu ire gire.

1 Samwil 17:29

Man Daudi wacu kumae, Atimo ang’o kawono? There mbe?