Ester 4:1 - The Holy Bible In Alur (Lur) Revised Orthography

¹ Nie ka Mordekai ng’eyo gin ceke m’utimbre, Mordekai yeco kendi pare, man eronyo usuba ku vuru, e ecidho woko i dier adhura, man eywak ku ywak ma dit man mi can;

Ester 4:1 ပူးပေါင်းရင်းမြစ်များ

Thangambere 27:34

Kinde ma Esau uwinjo lembe pa won, eywak ku ywak ma dit apila man ku can de, man ewacu ni won kumae, Mi mugisa ira, an bende, E vwa.

Thangambere 37:34

E Yakobo yeco kendi pare, man etwio gonia i piere, eywak de pi wode ceng’ dupa.

2 Samwil 1:11

Daudi lund umaku kendi pare, man eyeco; man dhanu ceke ma gini karacelo kude bende kumeca:

2 Samwil 13:19

Man Tamar uketho vuru i wie, eyeco kendi pare de ma kite tung’ tung’ ma ni i kume; man egwaku wie ku cinge, man ecidho i yo pare, m’ewotho kuywak ma tek.

Ester 4:2

e ewok cil wang’ dhugang’ p’ubimo: kum ng’atu moko mbe ma copo mondo dhugang’ p’ubimo tek eronyo usuba.

Ester 4:3

Man i ng’etker ceke kubang’e kubang’e, ma tek lembang’ola p’ubimo ku cik pare wok, ywak ma dit bedo nuti i kind Juyahudi, ku kwero cam, man ywak, ku goyo nduru: e dupa vuto i usuba ku vuru.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Kitabu Pa Yob 2:8

Man egamu dekle kara egwenjre kudo: man ebedo i vuru.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Isaya 15:4

Man Hecbon umojo ywak, kud Eleale; dwandgi winjre cil kum Yahaz: ka kumeno weg jamtho mi Moab ukok ma tek; ng’eyong’ec pare miel yor i ie.

Isaya 22:4

Ka kumeno awacu kumae, Kud inen bang’a, abiywak ni can; kud isendri ku juka kum nyoth pa nya dhanu para.

Isaya 37:1

Man etimbre, kinde m’ubimo ma Hezekia winjo maeni, nia eyeco kendi pare, man eumbre ku gonia, e emondo i ot pa Yehova.

Isaya 37:2

Man eoro Eliakim, ma ni wi juudi, man Cebna ma jagorcik, ku judongo mi julam, ma gibedo auma ku gonia, bang’ Isaya ma jabila ma wod Amoz.

Isaya 58:5

Afoyo wadi kwirocam maeno? en e ceng’ ma ni dhanu ya esend ie ng’eyong’ec pare? En e mi kulo wie calu usi, man mi pedho gonia ku vuru i there? ibilwong’o maeni kwirocam, man ceng’ ma jukwiro ni Yehova?

Ezekiel 21:11

Man jumie kara jurude, kara jumake i cing’: palamularu, jupaku lake, eyo jurude, kara jumie i cing’ janek.

Ezekiel 21:6

Ka kumeno gam cwinyi, in i wod dhanu; gam cwinyi i wang’gi ku tur mi pieri man ku gin ma kec.

Daniel 9:3

Man aketho wang’a yo ba Rwoth Mungu, kara ayeny ku rwo man kwac, ku wekocam ku kendo usuba man vuru.

Mika 1:8

Pi maeni abiywak man abigoyo nduru; abicidho mbe kendi man muneru; abitimo goyonduru calu utho, man ywak calu udo.

Zefania 1:14

Ceng’ ma dwong’ pa Yehova ni ceng’ni, eni ceng’ni man etimbre pio, en e dwand ceng’ pa Yehova; dhanu ma tek ywak keca ku can.

Matayo 11:21

Can i wii, Korazin! can i wii, Bethsaida! kum tek wagi tic mi musana m’utimbre i iwu utimbre i Turo ku Sidon kuno di giloko cwinygi con ku kendo usuba ku vuru.

Tic Mi Jukwenda 14:14

Ento ka jukwenda, Barnaba giku Paolo, giwinjo maeni, giyeco kendi migi, e gipiei i kind udul dhanu, gikok akoka,

Yocuwa 7:6

E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.