Ester 3:8 - The Holy Bible In Alur (Lur) Revised Orthography

⁸ Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Ester 3:8 ပူးပေါင်းရင်းမြစ်များ

Ezra 4:6

I camuker pa Ahasuerus, i thekri mi camuker pare, gigoro lembagobe kum dhanu m’ubedo i Yuda ku Yerusalem.

Nehemia 1:8

Poi, akwei, pi lembe m’ing’olo ni jatic peri Musa, m’iwacu kumae, Tek wukier, abilaluwu mba mba i kind kodhidhanu:

Ester 3:9

Tek ebedo ber ni ubimo, wek jugor nia junyothgi: man abimio talanto rubanga apar mi mola ma tar i cing’ ju ma juketho kum tic p’ubimo, kara jukele i kakanpiny p’ubimo.

Ester 4:1

Nie ka Mordekai ng’eyo gin ceke m’utimbre, Mordekai yeco kendi pare, man eronyo usuba ku vuru, e ecidho woko i dier adhura, man eywak ku ywak ma dit man mi can;

Yeremia 33:24

Iparu ngo pi gin ma dhanu maeni yero, ma giwacu kumae, Wat ario ma Yehova goyo wigi, ebayugi ceni? e gicayu dhanu para kumeno, kara ku gibed thek kendo i wang’gi.

Yeremia 50:17

Israel en e rombo ma julalu; umvor urieme cen: ma kwong’ane, ubimo mir Ascur ucame; man kawono ma cen Nebukadrezar m’ubimo mi Babeli turo cogone.

Ezekiel 11:16

Ka kumeno wac kumae, Rwoth Yehova wacu kumae: Kadok adakugi bor i kind thek, man kadok alalugi i kind ng’om, ento abibedo igi ni kamaleng’ nindo ma nok i ng’om ma gicidho i ie.

Ezekiel 6:8

Ento abiweko donge m’udong’, kum wubedo ku jumoko m’uboth ni palamularu i kind thek, kinde ma jubilaluwu i kind ng’om.

Daniel 3:8

Kum kumeno i nindo maeca Jukaldayo moko gibino ceng’ni, man gikelo i agobe kum Juyahudi.

Daniel 6:13

Gilund giloko lembe man giwacu i wang’ ubimo kumae, Daniel maeno, ma en e mi nyithindho mi ng’eca mi Yuda, ewori ngo, E ubimo, kadok cik m’igoro ayi i wie, ento epenjo penji pare wang’ adek ku ba ceng’.

Daniel 6:14

E kan ubimo winjo lembe maeni, eton i ie dit, man eketho adundene kum Daniel kara ebodhe; e etimo ma tek cil ma ceng’ upodho kara ebodhe.

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.

Zekaria 7:14

ento abikethogi ku wavuvu i kind thek ceke ma fodi ging’eyo ngo. Ka kumeno ng’om ubedo ni uvuru i ng’eigi, ketho nia ng’atu moko mbe ma kadhu kud i ie kadi ma dwogo: kum gidwoko ng’om ma ber ni uvuru.

Kitabu Mir Ang’wende Pa Musa Wel 23:9

Kum ku wi cana anene, Man ku bang’ ungulu got ang’ie: Nen, en e dhanu m’ubedo kende, Man jubikwane ngo kind thek.

Yohana 7:35

Ka kumeno Juyahudi giweco i kindgi gigi kumae, Ng’atuni bicidho kani ma wakubinwang’e ngo e? ebicidho ba ju m’ulal i kind Juyunani, man ebiponjo Juyunani?

Tic Mi Jukwenda 24:5

Kum wanwang’u ng’atu maeni en e jaganda, e jathub ali i kind Juyahudi ceke i ng’om ngung’, man en e jatel wi weg pokri mi Junazareti:

Tic Mi Jukwenda 28:22

Ento wayenyo wawinj i beng’i gin ma ii bepido: kum pi pokri maeni, wang’eyo i kaka ceke juyero nia e rac.

Poi Mi Cik 30:3

nia Yehova Mungu peri bilund loko ng’eca peri, man ngisi binege i kumi, man ebidwogo ebicoki ku ba kodhidhanu ceke, ka ma Yehova Mungu peri leli i ie.

Poi Mi Cik 32:26

Awacu nia abikethogi ngbir, Nia abiketho poi ma pigi ujik i kind dhanu;

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.

Yakobo 1:1

Yakobo, ma jamiru pa Mungu man pa Rwoth Yesu Kristu, ni dhanu apar wi ario mi Jumulal mba, moth iwu.

1 Petro 1:1

Petro, jakwenda pa Yesu Kristu, ni ju ma jugoyo nying’gi ma gi jubedo mi Jumulal mba ma gini i Ponto, ku Galatia, ku Kapadokia, kud Asia, man Bithunia,