Ester 3:6 - The Holy Bible In Alur (Lur) Revised Orthography

⁶ Ento eneno nia en e gin moko ngo ya eketh cinge kum Mordekai kende; kum giketho eng’eyo juthugi Mordekai: kum kumeno Haman uyenyo enyoth Juyahudi ceke ma gini i ker ceke pa Ahasuerus, en e juthugi Mordekai.

Ester 3:6 ပူးပေါင်းရင်းမြစ်များ

Ezra 4:6

I camuker pa Ahasuerus, i thekri mi camuker pare, gigoro lembagobe kum dhanu m’ubedo i Yuda ku Yerusalem.

Ester 9:25

ento ka lembene wok i wang’ ubimo, eng’olo ku waraga nia lembapora pare ma rac, m’eporo kum Juyahudi, udok i wie gire, man nia en ku wote juliergi wi yen m’agura.

Zaburi 83:4

Giwacu kumae, Wubin, man wek wakebugi woko ku gibed ni thek; Kara ku jupoi kendo kum nying Israel.

Zaburi 83:5

Kum giporo lembe karacelo ku igi acel; Giribo lembe i kumi:

Yeremia 33:24

Iparu ngo pi gin ma dhanu maeni yero, ma giwacu kumae, Wat ario ma Yehova goyo wigi, ebayugi ceni? e gicayu dhanu para kumeno, kara ku gibed thek kendo i wang’gi.

Lembanyutha 12:12

Ka kumeno anyong’a negwu, E polo, ku wun ma wubedo i igi de. Can ni ng’om ku nam de: kum wonabali loro piny i beng’wu, ma kwinyo ma dit ni i bang’e, m’eng’eyo ko nia nindo dong’ ire nyanok kende.