Ester 2:23 - The Holy Bible In Alur (Lur) Revised Orthography

²³ E ka jukoro i lembene, junwang’u ebedo kumeno de, juliero gin ario kum yen: e jugore i kitabu mi kei i wang’ ubimo.

Ester 2:23 ပူးပေါင်းရင်းမြစ်များ

Thangambere 40:19

ma fodi ceng’ adek kukadhu ngo Farao biting’o wii kud i kumi, man ebilieri wi yen; man winyo bicamu ringi kud i kumi.

Thangambere 40:22

ento eliero jatedo ma jadit: calu Yusuf uewo there igi.

Ezra 4:15

kara juyeny i kitabu mi lemkei pa kwaru: ka kumeno ibinwang’u i kitabu mi lemkei, e ibing’eyo nia adhura maeni en e adhura mi camuco, en e mi nyayu lembe ma rac kum ubimo ku ng’etker, man nia gikwong’o rop i nindo ma con maeca; kum lembe maeni judwoko adhurane ni uvuru.

Ester 10:2

Man tic ceke mi tego pare man mi kero pare, man lembe ceke mi dwong’ pa Mordekai, m’ubimo dode i ie, gigore i lemkei mir ubimo mi Medi kud Ajemi ngo?

Ester 5:14

Zerec ma cege lund uwacu ire ku jurimbe ceke de kumae, Dong’ jugur yen ma bot pier abic, man kugweno iyer ni ubimo nia judei Mordekai i wie: kan ibilund mondo ku mutoro wukud ubimo ba cemo. E lembene maku i Haman; man eketho jugur yende.

Ester 6:1

I diewor maeca ubimo copo nindo ngo; man eng’olo ya jukel kitabu mi lembagora mi kei, e jusome i wang’ ubimo.

Ester 7:10

Ka kumeno giliero Haman wi yen m’agura m’eyiko pi Mordekai. E ka kwinyo p’ubimo kwio.

Malaki 3:16

Ju ma lworo Yehova gilund giwecri i kindgi; e Yehova ciko ithe, man ewinjo, e kitabu mi poi ukieure i wang’e, pi ju ma lworo Yehova, man pia igi pido pi nyinge.

Yocuwa 8:29

Man eliero ubimo mi Ai wi yen cil uthieno: man ka ceng’ ubepodho Yocuwa ng’olo, man giting’o kume piny ku kum yen, man gibaye i kamondo mi dhugang’ mir adhurane, man edhuro kidi i wie, cil i ceng’ ma tin.