Ester 2:21 - The Holy Bible In Alur (Lur) Revised Orthography

²¹ I ceng’ maeca, kinde ma Mordekai bedo dhugang’ p’ubimo, jutic ario p’ubimo, Bigthan ku Terec, mi ju ma kuro dhugola, kwinyo makugi, e giyenyo giketh cing’gi kum ubimo ma Ahasuerus.

Ester 2:21 ပူးပေါင်းရင်းမြစ်များ

2 Samwil 16:11

Man Daudi wacu ni Abicai, man ni jutic pare ceke kumae, Nen, woda, m’uai i ia, ebeyenyo kwo para: e ka Jabenyamini ke kawono bitimo kani? weke, wek elam; kum Yehova ng’olo ire.

1 Ubimo 16:9

Man jatic pare ma Zimri, ma jego mi ng’et magali pare, uporo lembe i kume. Nie eni i Tirza, m’ebemadhre m’emer ko i ot pa Arza, m’ubedo wi juot i Tirza:

2 Ubimo 12:20

E jutic pare giai, man giporo lembe i kume, e gigoyo Yoac i ot pa Milo, i yo ma loro piny ba Sila.

2 Ubimo 21:23

E jutic pa Amon giporo lembe i kume, man ginego ubimo i ot pare ma dhe.

Ezra 4:6

I camuker pa Ahasuerus, i thekri mi camuker pare, gigoro lembagobe kum dhanu m’ubedo i Yuda ku Yerusalem.

Ester 2:19

E ka jucoko nyir karacelo wang’ arionde, Mordekai lund ubedo dhugang’ p’ubimo.

Ester 6:1

I diewor maeca ubimo copo nindo ngo; man eng’olo ya jukel kitabu mi lembagora mi kei, e jusome i wang’ ubimo.

Ester 6:2

Man junwang’u egore, nia Mordekai yero pi Bigthana ku Terec, juario ma kind jutic p’ubimo, kind ju ma kuro dhugola, ma giyepyo giketh cing’gi kum ubimo ma Ahasuerus.

Zaburi 144:10

In i ng’atu ma mio both ni ju m’ubimo; M’ubodho Daudi ma jatic peri ni palamularu ma rac.

Daniel 2:49

Man Daniel ukwayu ubimo, man eketho Cadrak, ku Mecak, man Abed-nego, wi tic mi ng’etker mi Babeli: ento Daniel ubedo dhugang’ p’ubimo.