Ester 1:3 - The Holy Bible In Alur (Lur) Revised Orthography

³ i oro mir adege mi camuker pare, etimo agba ni judongomawijo pare ceke ku jutic pare de; tego mir Ajemi ku Medi, dhanu ma weg dwong’ ku judongomawijo mi ng’etker, gini i wang’e;

Ester 1:3 ပူးပေါင်းရင်းမြစ်များ

Thangambere 40:20

Man etimbre i ceng’ mir adege, ma en e ceng’ ma junyolo ie Farao, nia etimo agba ni jutic pare ceke: man eting’o jami giramadha ma jadit man jatedo ma jadit i kind jutic pare.

1 Ubimo 3:15

E Suleman uceu; man, nen, en e lek: man ebino Yerusalem, e ecungo i wang’ sanduk mi lembariba pa Yehova, man ethiero lam m’wang’a, man ethiero lam mi kwiocwiny, man etimo agba ni jutic pare ceke.

Ezra 1:2

Kuro m’ubimo mir Ajemi wacu kumae, Yehova, Mungu m’i polo, mio ira ker ceke m’i ng’om; man eng’olo ira ya agom ire ot i Yerusalem, ma ni i Yuda.

Ester 1:14

man m’ulube en e Karcena, man Cethar, man Admatha, man Tarcic, man Meres, man Marsena, man Memukan, gi judongomawijo abiro mir Ajemi ku Media, ma gineno wang’ ubimo, ma gibedo ma kwong’a i ker de),

Ester 1:4

kinde m’enyutho piny mi ker pare mi lonyo, man yung mi dwong’ pare m’usagre nindo mi ceng’ dupa, cil ceng’ dak acel ku pier abora.

Ester 2:18

Ubimo lund uketho agba ni judongomawijo ku jutic pare ceke, en e agba pa Ester; man eketho yom ni ng’etker, emio giramia de, calku laccing’ p’ubimo.

Ester 3:7

I dwi mir acende, ma en e dwi Nisan, i rundi mir apar wi arionde p’ubimo Ahasuerus, gigoyo Pur, the lembene kumae, gagi, i wang’ Haman ceng’ ku ceng’, man ku ba dwi ku ba dwi, cil i dwi apar wi arionde ma en e dwi Adar.

Isaya 21:2

Juyero ira pi ginmawokiwang’ ma rac; ng’atu ma won abombi timo kud abombi, man janyoth unyotho. Idh malu, E Elam; tiek kud ali, E Media; ajigo gamucwinyne ceke.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Daniel 5:1

Belcazar m’ubimo timo agba ma dit ni judongo pare rubanga, man emadhu pigulok i wang’ rubangane.

Daniel 5:28

PERES; ker peri pokre, man jumie ni Jumedi ku Juajemi.

Daniel 6:1

Ebedo ber ni Dario nia eketh jubim dak acel ku pier ario wi ker, ma gibed i ker ceke;

Daniel 8:20

Nyog rombo m’ineno, m’ubedo ku tung ario, gin ubimo mi Medi man Ajemi.

Marko 6:21

E ka ceng’ m’ubedo ber ni Herode wok, en e ceng’ ma yang’ junyole i ie etedo cemo mir uthieno ni judongo pare, ku jego pare ma dongo, ku judongo m’i ng’om Galilaya de;