Daniel 9:7 - The Holy Bible In Alur (Lur) Revised Orthography

⁷ E Rwoth, bedopwe en e peri, ento iwa lewic mi wang’, calu i ceng’ maeni; ni dhanu mi Yuda, man ni dhanu m’ubedo i Yerusalem, man ni Israel ceke, ma gi ceng’ni, ku ma ni bor de, i ng’om ceke m’iriemogi i ie, kum dubo migi ma gidubo iri.

Daniel 9:7 ပူးပေါင်းရင်းမြစ်များ

Ezra 9:13

Man yo ng’ei gin ceke m’uwok i wiwa kum tic mwa ma rac, man kum dubo mwa ma dit, kum in i Mungu mwa isendowa nok ka jupore ku gin m’uromo ku dubo mwa, man imio iwa donge ma kumeni,

Ezra 9:15

E Yehova, Mungu mir Israel, in i pwe; kum wan wadong’ donge m’uboth, calu ebedo ceng’ maeni: nen, wan wani weng’i i dubo mwa; kum ng’atu moko mbe ma copo cungo i weng’i kum maeni.

Nehemia 9:33

Ento in i pwe i gin ceke m’uwok i kumwa; kum itimo gin mandha, ento wan wadubo;

Zaburi 119:137

In i pwe, E Yehova, Man lembapoka peri gin atira.

Zaburi 44:15

Ceng’ du lewic para ni i wang’a, Man lewic mi wang’a uma,

Zaburi 51:14

Bodha ni dubo mi nek, E Mungu, in i Mungu mi both para; Man leba biwero ma tek pi bedopwe peri.

Zaburi 51:4

Adubo iri, ndhu iri, i kendi, Man atimo gin ma rac i weng’i; Kara ibed pwe kan iyero, Man ibed leng’ kinde m’ipoko lembe.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 45:16

Lewic bimakugi, eyo, cwinygi bing’abre, kagi ceke; gibimondo i lewic karacelo ma gi jutim mungu m’araga.

Yeremia 12:1

E Yehova, in i pwe kinde ma waii wakudi; ento kuno di waporo lembe kudi; pirang’o yo mi judubo bedo miero? pirang’o dhanu ceke m’utimo kud abombi dit gibedo yo?

Yeremia 23:6

I nindo pare Yuda biboth, man Israel bibedo museme; man maeni nyinge ma jubilwcng’e ko: Yehova ma bedopwe mwa.

Yeremia 24:9

abimiogi kara juthorgi kun ku kun i kind thek ceke m’i ng’om mi lem ma rac; kara gibed mi cac man koi, mi lele man kwong’, i ka ceke m’ariemogi i ie.

Yeremia 3:25

Wek wavut piny i lewic mwa, man wek ang’abacwiny mwa umwa; kum wadubo ni Yehova Mungu mwa, wan ku kwaruwa, ugambre i aradu mwa, cil i ceng’ ma tin; man waworo dwand Yehova Mungu mwa ngo.

Yeremia 32:32

kum ma rac ceke mi nyithindho mir Israel man mi nyithindho pa Yuda, ma gitimo kara ginyai ko ng’ecwiny i ia, gin, kud ubimo migi, man judongomawijo migi, ku julam migi, man jubila migi, ku dhanu mi Yuda, man ju m’ubedo i Yerusalem.

Yeremia 33:16

I nindo maeca Yuda biboth, man Yerusalem bibedo museme; man maeni nying’ m’ebilwongre ko: Yehova, ma bedopwe mwa.

Yeremia 4:17

Gitieke gbur calu jukur podho, kum ejai ira, Yehova wacu.

Yeremia 7:19

Ginyayu ng’ecwiny i ia? Yehova wacu; gin gigi ngo, ni lewic m’i wang’gi gigi?

Ezekiel 16:63

kara ipoi, man cwinyi ng’abre, man kara kud iyab dhogi kendo ki, kum lewic peri, kinde m’aweko iri gin ceke m’itimo, Rwoth Yehova wacu.

Ezekiel 36:31

Wubilund poi kum yo mu ma rac, ku giratima mu m’ubedo ber ungo; e wubidegru giwu i weng’wu giwu kum kier mu man kum ginmajudagu mu.

Ezekiel 5:10

Ka kumeno wego bicarou wodo i kindi, man wodo bicamu weggi; man abitimo lembapoka i kumi; man dongi m’udong’ dho abilalu ba yamu ceke.

Ezekiel 6:12

Ng’atu ma ni bor bitho ku thong’om; man ng’atu ma ni ceng’ni bipodho ku palamularu; man ng’atu m’udong’ ma jutieke kud ali bitho ku ndru: abitimo kwinyo para i kumgi kumeni.

Daniel 9:14

Ka kumeno Yehova kuro wi lembe ma rac, man ekele i wiwa; kum Yehova Mungu mwa e pwe i tic pare ceke m’etimo, man waworo dwande ngo.

Daniel 9:18

E Mungu para, leng’ ithi, man iwinji; yab weng’i, man inen uvuru mwa, kud adhura m’ulwongre ku nyingi: kum wa wodho kwac mwa ngo i weng’i ni kum bedopwe mwa, ento ni kum kisa peri ma dwong’.

Daniel 9:8

E Rwoth, lewic mi wang’ ubedo iwa, ni ubimo mwa, ni judongomawijo mwa, man ni kwaruwa, kum wadubo iri.

Amos 9:9

Kum, nen, abing’olo, man abiyeko ot mir Israel i kind thek ceke, calu juyeko cam i jambyeko, ento nying’ cam acel bipodho wi ng’om ungo.

Jurumi 6:21

I nindo maeca wucego nyingwu manedi i gin maeno ma kawono lewic unegowu i kume? kum kajik mi gin maeno en e tho.

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.