Daniel 9:3 - The Holy Bible In Alur (Lur) Revised Orthography

³ Man aketho wang’a yo ba Rwoth Mungu, kara ayeny ku rwo man kwac, ku wekocam ku kendo usuba man vuru.

Daniel 9:3 ပူးပေါင်းရင်းမြစ်များ

2 Samwil 12:16

Ka kumeno Daudi kwayu Mungu pi nyathinne; man Daudi kwiro cam, e emondo, man evuto diewor soro i ng’om.

Ezra 10:6

Ezra lund uai malu kud i wang’ ot pa Mungu, e emondo i kusika pa Yehohanan ma wod Eliacib: e kan ebino keca, ecamu kwen ungo, kadi pi de emadhu ngo; kum eywak kum dubo mi ju mi ng’eca.

Ezra 8:21

Alund ang’olo wekocam keca, dhu kulo Ahava, kara wajwigra giwa i wang’ Mungu mwa, kara wayeny i bang’e yo m’atira iwa, man pi nyithindho mwa ma thindho, man pi piny mwa ceke.

Ezra 9:5

Man i kinde mi lam mir uthieno aai malu kud i jwigri para, cil ku kendi para ku kanzu para m’uyec; man apodho wi conga, e athang’u cinga ba Yehova Mungu para;

Nehemia 9:1

Nie i ceng’ pier ario wi ang’wende mi dwi maeni nyithindho mir Israel gicokri ku kwiro cam, man kud usuba, ku ng’om i wigi.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Zaburi 35:13

Ento an, kinde ma kumgi lith, kendi para en e gonia: Asendo ng’eyong’ec para ku kwiro cam; Man rwo para dwogo i kora gira.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Yeremia 33:3

Lwong’a, e abiloko iri lembe, man abinyutho iri gin ma dit, man ma tek, m’ing’eyo ngo.

Ezekiel 36:37

Rwoth Yehova wacu kumae: Mange ke, ayio ot mir Israel upenja pi maeni ya atime igi; abinyayugi ku dhanu calu udul lim.

Daniel 6:10

Man ka Daniel ung’eyo nia jugoro ayi wi lembagorane, ecidho i ot pare (nwang’u wang’ot pare bedo thwolo yo ba Yerusalem); man erum wi conge wang’ adek ku ba ceng’, e erwo, man emio foyofoc i wang’ Mungu pare, calu naka ebedetimo.

Daniel 9:2

i rundi ma kwong’ane mi camuker pare, an a Daniel ang’eyo wel rundi ni kum kitabu maram lembe pa Yehova bino ko ba Yeremia ma jabila, mi daru uvuru mi Yerusalem, en e rundi pier abiro.

Daniel 9:20

Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Yona 3:5

Man dhanu mi Nineve giyio Mungu; e ging’olo wekocam, man gikendo usuba, ugambre kum judongo m’i kindgi cil kum nyithindho m’i kindgi.

Matayo 17:21

Ento wagi maeni ai ungo ndhu ku rwo ku weko cam de.

Luka 2:37

man ebedo umbe cware cil i oro pier abora wi ang’wen), m’eai ngo i hekalu, m’erwo ni Mungu diewor ku dieceng’ ku weko cam! ku kwayukwac de.

Tic Mi Jukwenda 10:30

E Kornelio wacu kumae, Ceng’ ang’wen m’ukadhu dre unyoni, abekwiro saa mir abung’wende mi rwo i ot para; nen, ng’atu moko cungo i wang’a ku kendi m’urieny,