Daniel 9:26 - The Holy Bible In Alur (Lur) Revised Orthography

²⁶ Man yo ng’ei yenga pier abusiel wi arionde e ng’atu ma juwiro bithumbre woko, man ebibedo ku gin moko ngo: man dhanu pa jaditmawijone ma bibino gibinyotho adhura ku kamaleng’; e kajikne bibedo ku gin ma eoro piny, man ali bibedo nuti cil i kajikne; jukeco ya judwok piny ni uvuru.

Daniel 9:26 ပူးပေါင်းရင်းမြစ်များ

2 Samwil 21:5

E giwacu ni ubimo kumae, Ng’atu m’unyothowa, man m’upido lembe i kumwa, nia junyothwa ku wadong’ i kieu moko mir Israel,

Zaburi 22:15

Tego para tal calu dekle: Leba moko kum Iwoknina: Man ikela i utur mi tho.

Isaya 28:2

Nen, Rwoth ubedo ku ng’atu ma tek ma jarukara de; calu wavuvu mi pei, atido ma nyotho, calu wavuvu mi pi ma dit m’ucore, ebiredho piny i ng’om ku cing’.

Isaya 28:22

Ka kumeno kawono kud wubed jucac, jumaru dwoko twic mu tek; kum awinjo lembang’ola mi nyoth m’uai ba Rwoth, Yehova mir udul, wi ng’om ngung’.

Isaya 53:8

Jukabe cen ni kum masendi ku pokolembe; man pi dhanum’utuk pare, ng’a m’i kindgi m’uparu nia jukabe woko kud i ng’om mi ju ma kwo pi gondri mi dhanu para ma maku goc upodh i kumgi?

Isaya 8:7

ka kumeno kawono, nen, Rwoth bikelo pi mi Kulo, ma tek man dupa, en e ubimo mir Ascur ku dwong’ pare ceke i wigi: man ebiidho malu wi kamol mi pi ceke, e ebicore wi ng’et kulone ceke;

Yeremia 46:7

Maeni ng’a m’uai malu calu kulo Nil, ma pige thore calu kulo ma diti?

Yeremia 51:42

Nam uidho malu wi Babeli; juume kud udul mukurane.

Daniel 11:10

Man wote gibitimo ali, man gibicoko udul njuru asikari ma dit, ma bibino, biumo piny, man bikadhu kud i kinde; man gibidok, gibitimo ali de, cil kum ot ma tek pare.

Daniel 11:17

Man ebiketho wang’e kara ebin ku tego mi ker pare ceke, man karacelo kude lembe m’ubedo dre; man ebitimogi: man ebimio ire nya mon, kara enyothe; ento ebicungo ngo, kadok pire ebibedo ngo,

Daniel 11:22

Man njuru asikari m’usagre jubisagugi kud i wang’e, man gibitur; eyo, jaditmawijo mi lembariba bende.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 9:27

Man ebitimo lembariba ma tek ku dupa mi yenga acel; man i die yenga ebijigo lam ku girathiera; man ng’atu m’utimo uvuru bibino wi bomb ginmajudagu; man cil kum kajikne m’upong’, man ma jukeco, jubikonjo kwinyo wi weg uvuru.

Hoseya 1:9

E Yehova wacu kumae, Lwong’ nyinge Lo-ami; i kum wun wu dhanu para ngo, man abibedo Mungu mu ngo.

Amos 8:8

Kum ng’om bimiel kum maeni ngo, man ku ba dhanu ku ba dhanu m’ubedo i ie biywak ungo? eyo, ebiai dho calu Kulo; man ebisendre e ebidok kendo, calu Kulo mi Misiri.

Amos 9:5

Kum Rwoth, Yehova mir udul, en e ng’atu ma mulo ng’om e eloi, man dhanu ceke m’ubedo i ie biywak; e ebipong’ calu Kulo, man ebidok kendo, calu Kulo mi Misiri;

Nahum 1:8

Ento ebijigo kakare ndhu ku pi m’ucore i wie, man ebilubo tok jukwoje cil i mudho.

Matayo 22:2

Ker m’i polo pore kud ubimo moko, m’utimo agba mir ambadha ni wode,

Matayo 22:7

Ento kwinyo maku ubimo; man eoro njuru asikari pare, ninyotho junek nino, ewang’u adhura migi de.

Matayo 23:38

Nen, ot mu juweko iwu ni uvuru.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.

Marko 13:2

e Yesu wacu ire kumae, Ineno udi ma dongo maeni? kidi acel de mbe ma bibedo wi wadi ma jubibolo piny ungo.

Marko 13:7

E ka wubiwinjo pir ali ku rwong ali de cwinywu kud ung’abre: gin maeni bikotimbre be; ento kajikne fodi.

Marko 9:12

Man ewacu igi kumae, Elia lar ubino andha, man edwoko gin ceke: pi Wod dhanu ke jugoro nenedi, nia ebisendre ku gin dupa jubidwoke doko mananu de?

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

Luka 21:6

Pi gin maeni ma wuneno, ceng’ bibino, ma jubiweko ie kidi acel de ngo kakeni wi wagi, ma jukubibolo piny ungo.

Luka 24:26

Kristu kousendre be ku gin maeni ngo kan emond i dwong’ pare?

Luka 24:46

man ewacu igi kumae, Egore kumeno, nia maku Kristu sendre, ecer kendo de ku kind ju m’utho i ceng’ mir adege;

Yohana 14:30

Wabiweco wakudu hai ngo, kum jadit mi ng’om ubebino: gin moko m’ebedo ko mbe i ia;

2 Jukorinto 5:21

En m’eng’eyo dubo tak de ngo edwoke ni dubo piwa; kara wadok ni bedopwe pa Mungu ni kume.

Jugalatia 3:13

Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogikoryen:

1 Petro 2:21

Kum julwong’owu kum lembe nini: kum Kristu bende sendre piwu, m’eweko ko por iwu, kara wulub ba tiende:

1 Petro 2:24

ma en gire eyeyo dubo mwa i kume wi yen, kara wan, ma watho ni dubo, wabed kwo ni bedopwe; ku goc pare wun wucangu.

1 Petro 3:18

Kum Kristu bende sendre kum dubo wang’ acel pii, won bedopwe pi weg gondri, kara ekelwa ba Mungu; ma junege i kum, ento judwoke kwo i tipo;