Daniel 9:25 - The Holy Bible In Alur (Lur) Revised Orthography

²⁵ Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.

Daniel 9:25 ပူးပေါင်းရင်းမြစ်များ

2 Samwil 15:25

Man ubimo wacu ni Zadok kumae, Dwok sanduk pa Mungu kendo i adhurane: tek anwang’u bero i wang’ Yehova, ebidwoka kendo, man ebinyuthe ira, ku kabedo pare:

Ezra 4:24

Tic mi ot pa Mungu ma ni i Yerusalem ulund urany; ejik cil i rundi mir arionde mi camuker pa Dario m’ubimo mir Ajemi.

Ezra 7:1

Nie yo ng’ei gin maeni, i nindo mi camuker pa Artacacta m’ubimo mir Ajemi, Ezra ma wod Seraya, ma wod Azaria, ma wod Hilkia,

Ezra 7:8

Man ewok Yerusalem i dwi mir abije, ma en e rundi mir abirone p’ubimo.

Nehemia 3:1

Eliacib ma jalam ma dit ulund uai malu ku juwagi ma julam man gigoyo dhugang’ mi rombe; gidwoke leng’, man giketho dhugolane cungo; cil kum otkur pa Hameya gidwoke leng’, kum otkur pa! Hananel.

Nehemia 4:2

Man eyero i wang’ juwagi ku njuru asikari mi Samaria, e ewacu kumae, Juyahudi maeni ma ng’ic gitimo ang’o? gibidwokri tek gigi? gibilamu lami? gibidaru i ceng’ aceli? gibiketho kidi cer ku i udhuru mi susu, kum juwang’ugi?

Nehemia 4:8

man gin ceke giribo dhoggi karacelo kara gibin gikied kum Yerusalem, man kara ginyoth tic m’i ie.

Nehemia 6:15

Kum kumeno gang’kidine thum i ceng’ pier ario wi abije mi dwi Elul, i ceng’ pier abic wi ario.

Zaburi 71:10

Kum judegi para giyero pira; Man ju m’ulibo ng’eyong’ec para giporo lembe karacelo,

Eklizia 3:3

nindo mi nek, man nindo mi cangu; nindo mi bamu, man nindo mi gomo;

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Daniel 8:11

Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Daniel 8:25

Man ni kum lembapida pare ebiketho abombi bed miero i cinge; man ebiyungre gire i adundene, man ebinyotho dupa i bedo migi ma museme: man ebicungo bende kum jaditmawijo mi judongomawijo; ento ebitur ma ku cing’ ungo.

Daniel 9:23

Kan itheko kwac peri lembang’ola wok woko, man abino kara ayer iri; kum in i ng’atu ma jumaru dit; ka kumeno ii pid kum lembene, man ing’ei ginmawokiwang’.

Mika 5:1

Kawono ibicokri giri ni njuru, E nya njuru: etiekowa kud ali; gibigoyo japoklembe mir Israel ku dul i limbe.

Mika 5:2

Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.

Matayo 13:23

Man maeni ma jucoye i ng’om ma ber ke, maeni en e ng’atu m’uwinjo lembe, man eng’eye; m’ecego nyinge andha, ecego de, moko acel bang’ dak, moko acel bang’ pier abusiel, moko acel bang’ pier adek.

Matayo 24:15

Ka kumeno ka wuneno gin mir adegi mi nyoth, ma yang’ Daniel wacu pire, ucungo i kamaleng’ (wek ng’atu m’usomo ung’ei),

Marko 13:14

Ento ka wuneno gin mir adegi mi nyoth ucungo ka ma maku kud ecung i ie (e dong’ ng’atu m’usomo ung’ei), i nindo maeni dong’ ju ma gini i Yahudi giring i got:

Yohana 1:41

Elar enwang’u umin ma dhe ma Simon, e ewacu ire kumae, Wanwang’u Masia (thelembene, ka juloke, Kristu).

Yohana 4:25

Dhakune wacu ire kumae, Ang’eyo ya Masia bebino (ng’atu ma julwong’e Kristu): kan ebino, ebiyero iwa pi gin ceke.

Tic Mi Jukwenda 3:15

man wunego Jathek kwo; ma Mungu ketho ecer ku kind ju m’utho; wa jumulembe de kum maeni.

Tic Mi Jukwenda 5:31

En Mungu dode ku cinge ma yor acwic ya ebed Jaker ku Jalar, kara emi lokocwiny ni Israel, ku ruco dubo.

Tic Mi Jukwenda 8:30

E Filipo ringo i bang’e, ewinjo ebesomo Isaya ma jabila, e epenjo kumae, Ing’eyo gin m’isomo no?

Juefeso 5:16

ma wubeng’iewo nindo, kum ceng’ gi rac.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.